इंग्ल्याण्ड बिरुद्धको टि-२० अन्तर्राष्ट्रिय शृंखला अघि भारतलाई झड्का



  • विकेटनेपाल – १७ असार, आइतवार

आगामी जुलाई ३ बाट सुरुहुने इंग्ल्याण्ड र भारतको टि-२० अन्तर्राष्ट्रिय क्रिकेट शृंखला अघि भारतलाई ठुलो झड्का लागेको छ। भारतीय दलका प्रमुख बलर जस्प्रित बुम्राहले औंलाको चोटका कारण इंग्ल्याण्ड बिरुद्धको टि-२० शृंखला गुमाउने भएका हुन्।

केहि दिन अघि सम्पन्न आयरल्याण्ड बिरुद्धको पहिलो टि-२० अन्तर्राष्ट्रिय खेलका क्रममा बुम्राहको देब्रे हातको औंलामा चोट लागेको थियो। त्यसपछि उनले आयरल्याण्ड बिरुद्धको दोस्रो खेल समेत गुमाएका थिए। बुम्राहको चोटका बिषयमा आधिकारिक समाचार बाहिर नआएपनि उनले टि-२० शृंखला गुमाउने पक्का भैसकेको छ। ३ खेलको टि-२० शृंखला पछि सुरुहुने ३ खेलको एक दिवसीय शृंखलामा भने उनि ठिक हुने अनुमान राखिएको छ। टि-२० शृंखलाका लागि बुम्राहको स्थानमा भारतले दिपक चाहरलाई टोलीमा समावेश गरिसकेको छ।

Dipak Chahar

यस्तै एक दिवसीय र टि-२० टोलीका सदस्य वाशिंटन सुन्दर समेत खुटाको चोटका कारण इंग्ल्याण्ड बिरुद्धको लिमिटेड ओभर शृंखलाबाट बाहिरिएका छन्। सुन्दरको स्थानमा टि-२० टोलीमा क्रुनाल पान्ड्या र एक दिवसीय टोलीमा अक्सर पटेलले स्थान पाएका छन्। यस बर्षको इन्डियन प्रिमियर लिगमा क्रुनालले मुम्बई इन्डियन्सको तर्फबाट खेल्दै १४ खेलमा  १२ विकेट लिनका साथै २२८ रन बनाएका थिए।

यहि जुलाई ३ तारिखबाट भारतले इंग्ल्याण्ड बिरुद्ध टि-२० अन्तर्राष्ट्रिय शृंखला तथा जुलाई १२ बाट एक दिवसीय शृंखला खेल्दैछ। लिमिटेड ओभर शृंखला पछि भारत र इंग्ल्याण्डको बिचमा ५ टेस्टको शृंखला हुनेछ।

भारतीय टि-२० स्क्वाड : बिराट कोहली (कप्तान), शिखर धवन, रोहित शर्मा, लोकेश राहुल, सुरेश रैना, मनिष पाण्डे, महेन्द्र सिंह धोनी (विकेटकिपर), दिनेश कार्तिक, युजभेन्द्र चहल, कुलदिप यादव, क्रुनाल पान्ड्या, भुवनेश्वर कुमार, दिपक चाहर, हार्दिक पान्ड्या, सिदार्थ कौल, उमेश यादव

फोटो: स्पोर्ट्स डट एनडीटिभी





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]