सोमपालको ब्लासटर्स बिरुद्ध शरदको पल्टन पराजित : पिपिएल टि-२०



  • विकेटनेपाल, ११ कार्तिक २०७५ – आइतबार

सोमपाल कामी मार्की खेलाडी तथा कप्तान रहेको बुटवल ब्लासटर्सले पोखरा प्रिमियर लिगमा लगातार दोस्रो जित दर्ता गरेको छ। तेस्रो दिनको दोस्रो खेलमा ब्लासटर्सले शरद भेसावकरको पोखरा पल्टनलाई ३३ रनले पराजित गर्यो। ब्लासटर्सलाई जिताउन टोलीका ४ बलरहरुले समान २-२ विकेट चट्काए।

पहिले ब्याटिंग गर्दै ब्लासटर्सले दिएको १५१ रनको लक्ष्य लिएर मैदान उत्रिएको पल्टन निर्धारित २० ओभरमा ९ विकेटको क्षतिमा ११७ रन मात्र जोड्न सक्यो।

पोखराका लागि आसिफ शेखले सर्वाधिक २० रन जोडेपनि त्यो जितका लागि पर्याप्त रहन सकेन। यस्तै शरद भेसवाकरले १९, मोहम्मद नबिद र रबि इन्दर सिंहले समान ११-११ रनको योगदान गरे।

बुटवलको जितमा किफायती बलिंग प्रदर्शन गर्दै स्थानीय खेलाडी बिपिन खत्रीले २ विकेट हात पारे। आफ्नो ४ ओभरको स्पेलमा खत्रीले मात्र १९ रन खर्चेका थिए। यस्तै सोमपाल कामी, ललित भण्डारी र रोहन मुस्तफाको नाममा समान २-२ विकेट रहँदा सागर पुनले समेत १ विकेट हात पारे।

Rohan Mustafa Bowling
Rohan Mustafa Bowling

यसअघि पहिलो इनिंग भिम शार्कीले उत्कृस्ट इनिंग खेल्दै ५४ रन प्रहार गरेपछि पोखरा पल्टन बिरुद्धको खेलमा बुटवल ब्लास्टर्सले १५० रन जोडेको थियो।

पोखरा रंगशालामा जारि पोखरा प्रिमियर लिगको तेस्रो दिनको दोस्रो खेलमा भिम शार्कीले उत्कृस्ट इनिंग खेल्दै ५४ रन प्रहार गरेपछि पहिले ब्याटिंग गर्दै बुटवल ब्लास्टर्सले पोखरा पल्टन बिरुद्ध ७ विकेट गुमाएर १५० रनको योगफल तयार गरेको थियो।

ओपनर सागर पुन (२) र चिराग सुरी (५) लाई छिट्टै गुमाएको बुटवलले २० रनमा २ विकेट गुमाएको थियो। त्यसपश्चात भिम शार्की र रोहन मुस्तफाले तेस्रो विकेटका लागि ७३ रनको साझेदारी गर्दै बुटवललाई राम्रो स्कोरतर्फ अगी बढाए।

Bhim Sharki fifty
Bhim Sharki fifty

मुस्तफा व्यक्तिगत ४५ रन जोड्दै शरद भेसवाकरको बलमा एल बि डब्लु धरापमा परेका थिए। ३५ बलको सामना गरेका उनले ३ चौका र २ छक्का प्रहार गरेका थिए।

इनिंगको अन्त्यतर्फ सोमपाल कामीले २२ (८ बल, २ चौका, १ छक्का) र सिद्धान्त लोहनीले १३ रन (११ बल, १ छक्का) प्रहार गर्दै बुटवलको स्कोरलाई १५० रनसम्म पुर्याएका थिए।

पोखराको बलिंगमा मोहम्मद नबिदले सर्वाधिक ३ विकेट (४-०-२०-३) प्राप्त गरेका थिए। यस्तै मेहबुब आलम, ललित राजबंशी र शरद भेसवाकरले सामान १-१ विकेट चट्काएका थिए।

Rohan Mustafa Bowling
Rohan Mustafa Bowling
Sharad Vesawakar
Sharad Vesawakar
Mohammad Naveed
Mohammad Naveed
Rohan Mustafa
Bhim Sharki
Bhim Sharki
Rohan Mustafa mom
Rohan Mustafa mom





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]