केभिन ओ ब्रायनले सानदार बलिंग गर्दा बिराटनगर १०० रनमा सिमित : इपिएल

Kevin O Brien


एभरेस्ट प्रिमियर लिग ( इपिएल टि-२० ) अन्तर्गत १५ औं तथा लिग चरणको अन्तिम खेलमा काठमाण्डौ किंग्स ११ र बिराटनगर वारियर्स भिड्दैछन्।

खेलमा टस हारेर पहिले ब्याटिंगको निम्तो पाएको बिराटनगर वारियर्सले १७.५ ओभर ब्याटिंग गर्दै १० विकेट गुमाएर १००रनको योगफल तयार गरेको छ।

टस हारेर ब्याटिंगमा उत्रिएको बिराटनगरका लागि सुमित महर्जनले २५, कप्तान पारस खड्काले २१ तथा हरि बहादुर चौहानले २२ रन जोड्न बाहेक अन्यको प्रदर्शन खास रहन सकेन। लगातार रुपमा विकेट गुमाएको बिराटनगरले साझेदारी बनाउन नसक्दा ठूलो स्कोर जोड्नबाट चुक्यो।

प्रतियोगितामा लागातार खराब ब्याटिंग गरिरहेको बिराटनगरका लागि सुमित महर्जनले २३ बलमा १ चौका र २ छक्का सहित २५ रन जोडे। यस्तै हरि चौहानले २३ बलमा ३ चौका सहित २२ रन बनाऊँदा कप्तान पारस खड्का १६ बलमा २ चौका र १ छक्का सहित २१ रनको स्कोरमा पभेलियन फर्किए।

अनुशासित बलिंग प्रदर्शन गरेको काठमाण्डौका लागि केभिन ओ ब्रायनले सर्वाधिक ३ विकेट चट्काए। यस्तै प्रदिप साहु, रोहन मुस्तफा र बिक्रम भुसालको नाममा समान २-२ विकेट रह्यो।

आफ्नो ३ ओभरको स्पेलमा १८ रन खर्चिएका केभिनले अनिल साह, हरि चौहान र पुष्प थापाको विकेट हात पारे।   यस्तै प्रदिप साहुले ४ ओभरमा १० रन खर्चिएर पारस खड्का र भेन डर मर्वेको विकेट चट्काए।

अंकतालिका अन्तर्गत तेस्रो स्थानमा रहेको काठमाण्डौको ६ अंक रहेको छ। यस्तै चौथो स्थानको बिराटनगरको भने ४ अंक रहेको छ। खेलको नतिजा सहित रन रेटले समेत अन्तिम ४ मा पुग्ने टोलीको निर्क्यौल गर्नेछ।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]