EPL : बिराटनगर प्लेअफ रेसबाट बाहिर, पोखराको शानदार जित ( अंकतालिका सहित )



एभरेस्ट प्रिमियर लिग टि-२० अन्तर्गत शनिवार सम्पन्न दोश्रो खेलमा पोखरा राइनोजले बिराटनगर वारियर्सलाई ७ विकेटले पराजित गरेको छ। लगातार चौंथो खेलमा हार पछि बिराटनगरको लिग प्लेअफ पुग्ने सम्भावना समाप्त भएको छ।  दिनको भैरहवा ग्ल्याडीएटर्स र काठमाडौँ किंग्स-११ बीचको खेल टस समेत हुन नपाई स्थगित भएको थियो।

टियु अन्तर्राष्ट्रिय मैदानमा बिराटनगर वारियर्सले दिएको १७३ रनको लक्ष्य पोखराले १४ बल बाँकी रहँदै पुरा गर्यो।

पोखराको ब्याटिंगमा लिगमा डेब्यु गरेका असेला गुनरत्नेले सर्वाधिक ५० रन बनाए जुन क्रममा २४ बलमा ४ चौका र ३ छक्का प्रहार गरे। यस्तै रिचर्ड लेभीले २६ बलमा ४ चौका र ३ छक्का मद्दतले ४७ रन बनाए भने सहान अरचिगेले ३६ बलमा ४ चौका र १ छक्का मद्दतले ४३ रन बनाए। बिनोद भण्डारीले अविजित १५ रन बनाए।

पोखरा ओपनर रित गौतम दोश्रो ओभरमा आउट भएपछि दोश्रो विकेटको लागि रिचर्ड लेभी र सहान अरचिगेले ७६ रनको साझेदारी गरे। दशौँ ओभरमा लेभी लै सिकन्दर रजाले क्याच आउट गरे। त्यसपछि १३ औं ओभरमा अरचिगेलाई हरि बहादुर चौहानले क्याच आउट गर्दै बिराटनगरलाई खेलमा फर्काए। त्यसपछि बिनोद भण्डारी र गुनरत्नेले विकेट नगुमाई चौंथो विकेटको लागि ६४ रनको साझेदारी गर्दै जितसम्म पुर्याए। बिराटनगर वारियर्सको बलिंगमा प्रतिष जिसी, सिकन्दर राजा र हरि बहादुर चौहानले समान १ विकेट लिए।

यस अघि टस हारेर ब्याटिंग गरेको बिराटनगर वारियर्सले निर्धारित २० ओभरमा ५ विकेट क्षेतीमा १७२ रन बनाएको थियो।

बिराटनगरको ब्याटिंगमा ओपनर आसिफ शेखले सर्वाधिक ४४ रन बनाए जुन क्रममा उनले ३३ बलमा ६ चौका प्रहार गरे। यस्तै सिकन्दर रजाले २० बलमा १ चौका र ३ छक्का मद्दतले २९ रन, सन्दिप रजालीले २२ बलमा २ चौका र १ छक्का मद्दतले २८ रन तथा कप्तान करन केसीले मात्र ९ बलमा ३ छक्का मद्दतले २४ रन बनाए। दिलशान मुनविराले १६ तथा अनिल शाहले १२ रन बनाए।

ओपनर चन्द्रपौल हेमराज पहिलो ओभरमा २ रन बनाएर बिक्रम सोबबाट बोल्ड भएपछि आसिफ शेखले मुनविरासंग ४५ रनको तथा अनिल शाहसंग २८ रनको साझेदारी गरे। एघारौँ ओभरमा आसिफलाई बिबेक यादवले क्याच आउट गराए जसपछि लगत्तै ओभरमा अनिल शाहलाई अरचिगेले कट एण्ड बोल्ड गरे। त्यसपछि सिकन्दर रजा र पहिलो पटक मौका पाएका सन्दिप रजालीले पाँचौ विकेटको लागि ५६ रनको साझेदारी गरे। रजालाई नन्दन यादवले १८ औं ओभरमा क्याच आउट गराए। त्यसपछि करन केसीले अन्तिममा आक्रामक ब्याटिंग गरे।

पोखराको बलिंगमा बिक्रम सोबले २ ( ४-०-३३-२ ) तथा नन्दन यादव , बिबेक यादव र सहान अरचिगेले समान १ विकेट लिए।

जितपछि लिग अंकतालिकामा पोखरा राइनोज ४ खेलमा २ जित, १ हार र १ नतिजाविहिन खेलपछि ५ अंक सहित दोश्रो स्थानमा उक्लेको छ। चितवन तिन वटै खेलमा जित पछि ६ अंक सहित पहिलो स्थानमा छ भने बिराटनगर ४ वटै हारको साथ पुछारमा रहेको छ।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]