क्यानले बन्द प्रशिक्षणको लागि थप ५ जना खेलाडीहरु बोलायो



राष्ट्रिय क्रिकेट टिमका ३ जना सदस्यहरुको कोरोना रिपोर्ट पोजेटिभ आएपछि नेपाल क्रिकेट संघले थप ५ जना क्रिकेटरहरुलिई बन्द प्रशिक्षणमा बोलाएको छ।

कप्तान ज्ञानेन्द्र मल्ल सहित उपकप्तान दिपेन्द्र ऐरी र रोहित पौडेलको बन्द प्रशिक्षण अघि गरिएको कोरोना परिक्षणको रिपोर्ट पोजेटिभ आएको हो। यस्तै स्टाफ प्रदिप लामाको पनि रिपोर्ट पोजेटिभ आएको छ।

क्यानले फास्ट बलर बिक्रम सोब, विकेटकिपर ब्याट्सम्यान अनिल साह र लोकेश बम तथा ब्याट्सम्यान कुशल भुर्तेल र रित गौतमलाई बन्द प्रशिक्षणमा डाकेको हो। सोब, साह र भुर्तेलले नेपालको प्रतिनिधित्व गरिसकेका छन् भने गौतम र बमले नेपाली यु-१९ राष्ट्रिय टिमको प्रतिनिधित्व गरिसकेका छन्। सबै खेलाडीहरुको कोरोना परिक्षण गरिसकेपछि मात्र बन्द प्रशिक्षणमा प्रवेश पाउनेछन्।

दिपेन्द्र ऐरी, ज्ञानेन्द्र मल्ल र रोहित पौडेललाई कोरोना देखिएको हो

मंगलबार गरिएको कोरोना परिक्षणमा बन्द प्रशिक्षणको लागि घोषित २२ सदस्यीय टिम मध्ये ६ जना खेलाडीहरु अनुपस्थित रहेका थिए। कुशल मल्ल १२ कक्षाको परिक्षाको कारण अनुपस्थित रहेका हुन् भने शरद भेसावकर, सन्दिप लामिछाने, बसन्त रेग्मी, सुबास खकुरेल र करन केसीले अत्यावश्यक व्यक्तिगत कारण देखाएका छन्। सबै खेलाडीहरु १ साता भित्र बन्द प्रशिक्षणमा सहभागी हुने बताईएको छ।

कोरोना पोजेटिभ देखिएका कप्तान मल्ल , ऐरी र पौडेलको अवस्था सामान्य रहेको छ। तिन जना खेलाडीहरु अब क्वारेन्टाइनमा बस्नेछन् जसपछि आगामी रिपोर्ट नेगेटिभ नआउन्जेलसम्म बन्द प्रशिक्षणमा सहभागी हुन पाउनेछैनन्।

क्यानले आईसीसीले दिएको प्रोटोकलको आधारमा बन्द प्रशिक्षण सुरु गर्न लागेको हो। गत वर्ष चैत पछि पहिलो पटक एक साथ नेपाली टिम प्रशिक्षण गर्न लागेको हो।





थप समाचार

बागमतीको दोश्रो जित, सुदूरपश्चिम विशाल अन्तरले पराजित

प्रधानमन्त्री कप एकदिवसीय राष्ट्रिय प्रतियोगिता अन्तर्गत ज्ञानेन्द्र मल्ल कप्तानीको बागमती प्रदेशले लगातार दोश्रो जित दर्ता गर्ने क्रममा सुदूरपश्चिम प्रदेशलाई १८० […]

बिग ब्यास : सिड्नी बिरुद्ध सन्दिप विकेटविहिन

अस्ट्रेलियामा जारि बिग ब्यास लिग अन्तर्गत सिजनको पाँचौ खेल खेल्ने क्रममा सन्दिप विकेटविहिन भएका छन्। होबार्टको प्रतिनिधित्व गरिरहेका सन्दिप सिड्नी […]

गण्डकीको जितमा विशालको ह्याट्रिक, प्रदेश-१ को लगातार दोश्रो हार

प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समूह ‘ए’ अन्तर्गतको खेलमा गण्डकी प्रदेशले प्रदेश-१ लाई २ विकेटले पराजित गर्दै […]

पृथु र आदील चम्किदा बागमतीद्वारा सुदूरपश्चिमलाई ३०० रनको लक्ष्य

काठमाडौँमा जारी प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समुह ‘बि’ अन्तर्गतको खेलमा बागमती प्रदेश र सुदूरपश्चिम प्रदेश प्रतिस्पर्धा […]

बिशालले ह्याट्रिक लिंदा प्रदेश-१ १०२ रनमै सिमित

देब्रे हाते स्पिनर बिशाल पौडेलले ह्याट्रिक लिंदा गण्डकी प्रदेशले प्रदेश-१ लाई १०२ रनमै सिमित गरेको छ। प्रधानमन्त्री कप एकदिवसीय राष्ट्रिय […]

प्रम कप : आज दुईवटा खेलहरु हुँदै

काठमाण्डौमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन दुईवटा खेलहरु हुनेछन्। टियु मैदानमा समुह ‘बि’ अन्तर्गत बागमती प्रदेश […]