आइसीसी उपाध्यक्ष ख्वाजासंग सिलवालको भेट, क्यान साधारणसभा १ साता पछि सर्यो

असोज ३ र ४ गरे हुने भनिएको नेपाल क्रिकेट संघको विशेष साधारणसभा १ साता पछि सरेको छ।

राष्ट्रिय खेलकुद परिषदले आफुलाई जानकारी नगरी निर्वाचन घोषणा गरेको तथा २१ दिने म्याद नदिई साधारणसभा घोषणा गरेको भन्दै अड्को थाप्दा साधारणसभा अन्योलमा परेको थियो।

विवाद समाधान गर अन्तर्राष्ट्रिय क्रिकेट परिषद ( आइसीसी ) को उपाध्यक्ष इमरान ख्वाजा, अमर शेख नेपाल आएपछि सोमबार राखेप सदस्य सचिव रमेश सिलवालसंग वार्ता गरेका थिए। वार्ता पछि अब असोज १० र ११ गते विशेष साधारणसभा हुने नयाँ मिति तोकिएको हो।

International Cricket Council , Cricket Association of Nepal
International Cricket Council , Cricket Association of Nepal Logo

अब आईसीसी प्रतिनिधि समेत रहेको स्वतन्त्र टोलिले राखेपसंग अनुमति माग्नेछ जसपछि मात्र स्वतन्त्र टोलिले निर्वाचन गराउनेछ।

निर्वाचन पछि नेपाल क्रिकेट संघले नयाँ नेतृत्व पाउनेछ जसपछि आईसीसीको अक्टोबरमा बस्ने बैठकले नेपाल क्रिकेट संघको निलम्बन फुकुवा गर्ने बताएको छ।

अब नेपाली क्रिकेटले फड्को मार्नेछ – सिलवाल 

आइसीसी प्रतिनिधिसंगको बैठक पछि राखेप सदस्यसचिव रमेश सिलवालले नेपाली क्रिकेटले अब फड्को मार्ने बताएका छन्।

“मेरो अनुरोधमा आईसीसीका बोर्ड सदस्य इमरान ख्वाजा र अमर शेख नेपाल आउनुभएको हो । उहाँहरुसँगको वान टु वान वार्ता निकै सकारात्मक भएको छ । मुख्यतः हामीले चार विषयमा छलफल गरेका छौं । अब नेपाली क्रिकेटले फड्को मार्नेछ ।” बाह्रखरीसंगको कुराकानीमा सिलवालले बताए।

“निर्वाचनको मिति तय भइसकेको छ । निर्वाचनलाई स्वतन्त्र, पारदर्शी र निष्पक्ष ढंगले अगाडि बढाउन दुवै पक्षबाट प्रतिबद्धता पनि आएको छ ।”

“यो वर्षभित्र नै क्रिकेटका लागि केही सकारात्मक जानकारी आउने लक्षण आईसीसीले देखाएको छ । मैले केही अनुरोध गरेपछि उहाँहरुले यस्तो लक्षण देखाउनु भएको छ । यसले क्रिकेटले फड्को मार्छ भन्ने विश्वास लिएको छ । नेपालले अहिलेको भन्दा अझै ठूला प्रतियोगिता खेल्ने विषयमा कुरा भएको छ,”