खुसिको खबर, क्यान विवादले लियो समाधानको बाटो ( बिज्ञप्ति सहित )

International Cricket Council , Cricket Association of Nepal


  • विकेटनेपाल, असोज २८ 

नेपाल क्रिकेट संघ ( क्यान ) को विवादले समाधानको बाटो लिएको छ। शनिबार नेपाल क्रिकेट संघले प्रेस बिज्ञप्ति जारी गर्दै सर्वोच्च अदालतमा विचाराधीन मुद्दालाई फिर्ता लिने प्रक्रिया अघि बढाउने जनाएपछि विवादले नयाँ मोड लिएको हो।

जारि बिज्ञप्तिमा मुद्धा फिर्ता लिने सम्बन्धमा निर्णय गर्न कार्तिक १० गते क्यान निर्वाचित समितिको बोर्ड बैठक बोलाएको र क्यानको यो प्रयासले नेपाली क्रिकेट निलम्बन फुकुवाको प्रक्रिया अझ सहज हुने बिश्वास ब्यक्त भएको छ।

संघले नेपाली क्रिकेटलाई निलम्बनबाट मुक्त बनाउने प्रक्रिया अब अन्तिम चरणमा पुगिसकेको र यो अवस्थामा सरोकारवाला सबैलाई सहयोग गर्न समेत अनुरोध गरेको छ।

cricket association of nepal
Cricket Association of Nepal

नेपाल क्रिकेट संघले ४ बर्ष अघि साधारणसभामा चतुरबहादुर चन्दलाई अध्यक्ष चुनेको थियो जसलाई राष्ट्रिय खेलकुद परिषदले मान्यता दिएको थिएन। त्यसपछि परिषदले रमेश शिलवाललाई अध्यक्ष अध्यक्ष बनाएर क्यानको अर्को तदर्थसमिति बनाएको थियो। त्यसको बिरुद्ध निर्वाचिन क्रिकेट संघले २०७२ मङ्सिरमा सर्वोच्च अदालतमा मुद्दा हालेको थियो जुन अझै विचाराधीन रहेको छ।

आईसीसीले राखेप र क्रिकेट संघ दुवैलाई विचाराधीन मुद्दा फिर्ता लिन पत्र पठाएको थियो।

क्यान द्वारा जारि बिज्ञप्ति 

मिती २०७५∕०६∕२७ , प्रेस बिज्ञप्ति

पत्रकार साथीहरू,

पछिल्लो झन्डै साढे दुई वर्ष यता अन्तर्राष्ट्रिय क्रिकेट काउन्सिल (आईसीसी) को निलम्बनमा रहेको नेपाली क्रिकेट निलम्बन मुक्त हुने प्रकृया अन्तिम चरणमा पुगेको यहाहरू सबैलाई जानकारी नै छ।

नेपाली क्रिकेटलाई निलम्बन मुक्त बनाउने प्रयासमा हामी सधै जिम्मेवार र सहयोगी भुमिकामा प्रस्तुत भईनै रहेका छौं । हामी सुरुवातबाटनै आईसीसीले गठन गरेको सल्लाहकार समूह र मोनिटरीङ कमिटीमा सहभागी भएर मात्रै हैन, आईसीसी र अन्य सरोकारवालाहरूले भने झै परिमार्जित बिधानलाई बिशेष साधारण सभाबाट हुबहु पारीत गरेर नेपाली क्रिकेटलाई निलम्बन मुक्त बनाउने प्रकृयामा सहयोग पुर्याईरहेका छौं।

हाम्रै जिम्मेवारीपूर्ण र रचनात्मक सहयोगका कारणनै पुरानो बिधानलाई शंसोधन गरी शंसोधितबिधानअनुसार जिल्ला निर्वाचन समेत सम्पन्न भईसकेको अवस्था छ। हाल परिमार्जित बिधानअनुसार गठन भएको पाँच सदस्यीय मोनिटरीङ कमिटीले जिल्ला निर्बाचनकोअध्ययन गरिरहेको छ। मोनिटरीङ समितीले आफ्नो प्रतिबेदन बुझाएपछि सम्पन्न हुने प्रदेश र केन्द्रको निर्बाचनसँगै आईसीसीले क्यानमाथीकोको निलम्वन फुकुवा गर्ने हाम्रो विश्वास छ।

यही सन्दर्भमा हामीले यस अघि सम्मानित सर्बोञ्च अदालतमा दायर गरेकोको मुद्धाको सम्बन्धमा पनि केही चासो ब्यक्त भएका छन्। आईसीसीबाट समेत यस सम्बन्धमा चासो ब्यक्त भएको हुँदा हामीले यस अघि आईसीसी र अन्य सरोकारवाला ब्यक्ति र निकायसँगको छलफलमा गरेको प्रतिबद्धताअनुसार सम्मानित सर्बोञ्च अदालतमा बिचाराधिन अवस्थामा रहेको मुद्धालाई फिर्ता लिने प्रकृया अघि बढाएका छो।

यस सम्बन्धमा कानुनी र ब्यवहारीक प्रकृया बारे छलफल गरी मुद्धा फिर्ता लिने सम्बन्धमा निर्णय गर्न हामीले यही कात्तिकको १० गते क्यान निर्बाचित समितीको बोर्ड बैठक बोलाएका छौं। विश्वास छ, हाम्रो यो प्रयासले नेपाली क्रिकेटको निलम्बन फुकुवाको प्रकृया अझ सहज हुनेछ।

हामी नेपाली क्रिकेटलाई निलम्बनबाट मुक्त बानाउँने प्रकृया अन्तिम चरणमा पुगिसकेको अवस्थामा सरोकारवाला सबैलाई सहयोगी भुमिका निर्बाह गरिदिन अनुरोध गर्दछौ।

धन्यबाद,

दीवाकर घले , उपाध्यक्ष
नेपाल क्रिकेट संघ





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]