क्यानडा बिरुद्ध प्लेयर अफ द म्याच कप्तान सन्दिपले के भने



ओमानमा जारी टि-ट्वान्टी विश्वकप छनोट प्रतियोगिता अन्तर्गत समुह चरणको अन्तिम खेलमा क्यानडालाई ८ विकेटले पराजित गर्दै नेपालले सेमीफाइनलमा स्थान बनाएको छ। सेमीफाइनलमा नेपालले भोलि मंगलबार ३:४५ युएईको सामना गर्नेछ। क्यानडा बिरुद्ध जितमा महत्वपूर्ण योगदान दिएपछि प्लेयर अफ द म्याच चुनिएका नेपालका कप्तान सन्दिप लामिछानेले नेपालको जितको श्रेय फास्ट बलरहरुलाई दिएका छन्। खेल पछि कुराकानी गर्ने क्रममा सन्दिपले सेमीफाइनल खेल बारे पनि बताएका छन् –

“क्यानडा पावरप्लेको सुरुवाती ओभरहरुमा राम्रो गरिरहेको थियो। तर श्रेय हाम्रो फास्ट बलरलाई जान्छ जसले सहि ठाउँमा बल राखे।” खेलमा १२ रन खर्चेर ३ विकेट लिएका सन्दिपले बताए।

उनले बलरहरुको लय सेमीफाइनलमा पनि दोहोरिने विश्वास व्यक्त गरे “मलाई लाग्छ उत्कृस्ट क्रिकेट अझै आउन बाँकी छ। तर जसरि उनीहरुले भूमिका निभाएका छन् त्यसले निकै उत्साहित बनाएको छ। जसरि हाम्रा बलरहरुले बलिंग गरिरहेका छन् त्यो हेर्नु सुखदायी छ। सबै जना राम्रो आकारमा छन्। आशा छ भोलि पनि त्यो दोहोरिनेछ। अब अर्को एक दिन यही लय कायम राख्न चाहन्छौ। र जसरि उनीहरु बलिंग गरिरहेका छन् ममा आत्मविश्वास छ।”

उनले नेपालको बलिंग राम्रो भैरहेको बताउदै आफुलाई कप्तानी गर्न सहज भएको बताए – “मलाई प्रतियोगितामा निकै सहज भइरहेको छ। उनीहरु नियमित विकेट लिईरहेका छन् र सहि ठाउँमा बल फालीरहेका छन् र सुरुवाती विकेट लिईरहेका छन्। त्यसैले श्रेय यो पटक फास्ट बलरहरुलाई जान्छ।”

उनले ब्याटिंगमा कुशल र दिपेन्द्र मात्रै हैन सबैले उत्तिकै मेहनत गरिरहेको र ओमानको परिस्थिति नयाँ नभएको बताए – “ओमान हाम्रो लागि अब नयाँ छैन, हामि यहाँ केहि समय देखि खेलीरहेका छौँ। हामि एकै विकेटमा दुई साता देखि खेलीरहेका छौँ। अब मलाई लाग्छ कुशल र दिपेन्द्र मात्र हैन सबैले बराबर मेहनत गरिरहेका छन्। हामि भोलि ठूलो खेलको लागि तयार छौँ।”

उनले नेपाललाई विश्वकप पुर्याउन अन्तिम प्रयास गर्ने बताए- “हामि सबै त्यो पलको लागि मेहनत गरिरहेका छौँ। अब हामी सबैले भोलि अन्तिम प्रयास गर्न बाँकि छ। हामि उत्साहित छौँ र अहिलेसम्म राउण्ड रोबिनको यात्रा निकै राम्रो रहेको छ। जसले पनि भोलि दबाब झेल्न सक्छ त्यही टिम विजेता बन्नेछ।”

उनले नेपाली समर्थकहरुलाई धन्यवाद दिंदै आफ्नो तर्फबाट विश्वकप पुर्याउन उत्कृस्ट प्रयास गर्ने बताए – “सबैलाई धन्यवाद अहिलेसम्म सबैले हामीलाई विश्वास गर्नु भएकोमा। भोलि एउटा महत्वपूर्ण खेल छ र सबैजनाको त्यतिकै आशा , माया प्रेमको आशा छ। अहिलेसम्म हामीलाई माया गर्नु भएकोमा धन्यवाद। हाम्रो तर्फ बाट १०० प्रतिशत दिईरहेका छौँ र त्यसरी पनि भोलि पनि जिउ ज्यान लगाएर नेपाललाई विश्वकप छनोट गराउने आशा छ।”





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]