कप्तान मल्ल सहित ऐरी र पौडेलको पछिल्लो कोरोना पिसीआर रिपोर्ट नेगेटिभ



कप्तान ज्ञानेन्द्र मल्ल सहित उपकप्तान दिपेन्द्र ऐरी र रोहित पौडेल तिन जना खेलाडीको पछिल्लो कोरोना पीसीआर रिपोर्ट नेगेटिभ आएको छ।

मल्ल, पौडेल र ऐरीले मंगलबार गराएको परिक्षणको रिपोर्ट पोजेटिभ आएको थियो। तर त्यसपछि गरिएको पछिल्लो परिक्षणको शुक्रबार आएको रिपोर्टमा भने ३ जना खेलाडीको रिपोर्ट नेगेटिभ आएको हो।

“अहिलेसम्म मलाई कुनै पनि किसिमको लक्षण र जटिलताहरु देखिएको छैन। डक्टरसंग सल्लाह गरेपछि मैले दोश्रो कोभीड-१९ पीसीआर टेस्ट गराएको थिए जसको रिपोर्ट नेगेटिभ आएको छ।” मल्लले फेसबुकमा लेखेका छन्।

मल्लले आफुलाई स्वास्थ्य लाभको शुभकामना दिने सबैलाई धन्यवाद दिएका छन् र कोरोनालाई साधारण रुपमा नलिन समेत आग्रह गरेका छन्। फेसबुक स्टाटससंगै मल्लले आफ्नो रिपोर्ट समेत राखेका छन्। यस्तै रोहित पौडेल र दिपेन्द्र ऐरीले पनि कोरोना परिक्षणको रिपोर्ट फेसबुकमा राख्दै नेगेटिभ आएको बताएका छन्।

रिपोर्ट नेगेटिभ आएपछि अब खेलाडीहरु अभ्यासमा सामेल हुन पाउनेछन्। तथापी क्यानले अधिकारिक रुपमा तिन जना खेलाडी कहिले देखि अभ्यासमा सामेल हुनेछन् भने बताएको छैन।

मल्ल, पौडेल र ऐरीको कोरोना रिपोर्ट पोजेटिभ आएपछि क्यानले थप ५ जना खेलाडीहरु बन्द प्रशिक्षणमा बोलाएको थियो। अनिल साह, रित गौतम, कुशल भुर्तेल, लोकेश बम र बिक्रम सोबले मौका पाएका थिए।

नेपाली टिमले बिहिबार र शुक्रबार गरि २ दिन टियु क्रिकेट मैदानमा अभ्यास गरेको छ। दुवै टिम टिमले फिटनेस अभ्यास गरेर बितायो। शुक्रबार टिमले जिममा पनि समय वितायो।

क्यानले २२ जना खेलाडीहरुलाई बन्द प्रशिक्षणमा बोलाएता पनि बन्द प्रशिक्षणमा सहभागी हुन १६ जनाले मात्र कोरोना परिक्षण गराएका थिए। कोरोना पोजेटिभ देखिएपछि भेट्रान देब्रे हाते स्पिनर बसन्त रेग्मी भैरहवामा रहेका छन्। १२ को परिक्षा रहेकोले कुशल मल्ल अनुपस्थित रहेका थिए भएन व्यक्तिगत कारण देखाउदै सन्दिप लामिछाने, शरद भेसावकर, करन केसी, सुबास खकुरेल पनि अनुपस्थित रहेका थिए। सबै खेलाडीहरु १ साता भित्र बन्द प्रशिक्षणमा आउने बताईएको छ।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]