चितवन च्याम्पियनसिप ट्रफीः सुमितको शतकमा इस्टर्न फाइनलमा



चितवन, फागुन-२

भरतपुर क्रिकेट क्लवविरुद्ध ३ रनको रोमाञ्चक जित निकाल्दै ग्लोबल इनफरेन्स इस्टर्न क्रिकेट एकेडेमी १७औं संस्करणको ‘प्रेम मार्केट चितवन च्याम्पियनसिप ट्रफी–२०७७ को फाइनलमा प्रवेश गरेको छ।

धुर्मुस–सुन्तली फाउण्डेशनको अगुवाईमा रामपुरमा निर्माण भइरहेको गौतमबुद्ध अन्तर्राष्ट्रिय क्रिकेट रंगशालाको नमुना खेल मैदानमा आज (आइतबार) भएको खेलमा भरतपुर क्रिकेट क्लवलाई ३ रनको झिनो अन्तरले पराजित गर्दै लगातार दुई जितका साथ इस्टर्नले फाइनल यात्रा तय गरेको हो ।

इस्टर्नले दिएको ३०० रनको लक्ष्य पछ्याएको भरतपुर निर्धारित ५० ओभरमा ९ विकेट गुमाउँदै २९६ रन जोड्न सक्यो । विशाल योगफल पछ्याउने क्रममा भरतपुरका लागि सुवर्ण भट्टले ७२ बलमा ६८ रन, सोनु तामाङले विष्फोटक पारी खेल्दै २५ बलमा ४६, रित गौतमले ५८ बलमा ४६ र कृजन गुरुङले ३० रन जोडे पनि टिमलाई जित दिलाउन सकेन् । भरतपुर यसअघि पहिलो खेलमा पनि बेलचोकसंग झिनो अन्तरले पराजित भएको थियो ।

इस्टर्नका लागि दिवस आचार्यले ७ ओभरमा १ मेडनसहित २७ रन खर्चिदै ३ विकेट लिए । यसअघि पहिले व्याटिङ गरेको इस्टर्नले सुमित महर्जनको शतकीय पारीमा निर्धारित ५० ओभरमा ७ विकेटको क्षतिमा २९९ रन जोडेको थियो । सुमितले ९१ बलमा १४३ रनमा अविजित रहे । आकाश थापाले ८७ बलमा ६२, प्रतिक श्रेष्ठले १६ रन बनाए ।

भरतपुरका लागि सुर्वण भट्टले १० ओभरमा ३ मेडनसहित २६ रन खर्चिएर २ विकेट लिए । आजको खेलमा शतकीय पारी खेलेका सुमित महर्जन म्यान अफ दि म्याच घोषित भए । उपाधिका लागि भोलि (सोमबार) इस्टर्नले मुनस्टोन क्रिकेट क्लवको सामना गर्ने प्रतियोगिताका संयोजक उमेश पियाले जानकारी दिए ।

चितवन क्रिकेट संघको आयोजनामा भएको प्रतियोगिताको विजेताले २० हजार रुपैयाँ र उपविजेताले १० हजार रुपैयाँ पुरस्कार पाउने छ । यस्तै म्यान अफ दि म्याच, म्यान अफ दि सिरिज, बेस्ट बलर र बेस्ट ब्याट्सम्यान पुरस्कार प्रदान गरिने संघका उपाध्यक्ष सुदिप पियाले जानकारी दिए ।





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]