सेन्चुरी ब्यांकलाई उपाधि

Susan Bhari


तेश्रो सेन्चुरी ब्यांक कर्पोरेट सुपर सिक्सेज प्रतियोगिताको उपाधि सेन्चुरी ब्यांकले जितेको छ l फाइनलमा नेपाल एसबिआई ब्यांकलाई ६ विकेटको अन्तरले पराजित गर्दै सेन्चुरीले उपाधि आफ्नो पोल्टोमा पार्यो l

बिजेता टोलिलाई बन तथा भू-संरक्षण मन्त्रि शंकर भण्डारीले पुरस्कार वितरण गर्नु भएको थियो l उपविजेता तथा अन्य विधाका खेलाडीहरुलाई राजेश श्रेष्ठ ( अध्यक्ष, सेन्चुरी ब्यांक ), हरिनारायण रौनियार ( अध्यक्ष, पप्पु कन्स्ट्रक्सन ) , अनुज मणि तिमिल्सिना ( सीईओ, सेन्चुरी ब्यांक ), सुमित रौनियार ( अध्यक्ष, एसएस इभेन्टस् ) , सुबाश खकुरेल ( एमडी एसएस इभेन्ट ) ले पुरस्कार वितरण गर्नु भएको थियो l

प्रतियोगिताको उत्कृस्ट खेलाडी बिजेता टिमका सुरज तिमल्सिना घोषित भए जसले ट्रफी सहित टेक्नोसको तर्फबाट ३२ इन्च एलईडी टिभी तथा आईपे रेमिटको तर्फ बाट  रु.१० हजार नगद पुरस्कार पाए l

img_6792
बिजेता टोलिका साथ बन तथा भू-संरक्षण मन्त्रि शंकर भण्डारी, राजेश श्रेष्ठ ( अध्यक्ष, सेन्चुरी ब्यांक ), हरिनारायण रौनियार ( अध्यक्ष, पप्पु कन्स्ट्रक्सन ) , अनुज मणि तिमिल्सिना ( सीईओ, सेन्चुरी ब्यांक ), सुमित रौनियार ( अध्यक्ष, एसएस इभेन्टस् )

 

प्रतियोगिताको बेस्ट ब्याट्सम्यान आईसीएफसी फाईनान्सका अरविन्द राना, बेस्ट बलर राज श्रेष्ठ ( सिभिल ब्यांक ) , बेस्ट फिल्डर सुरज तिमल्सिना ( सेन्चुरी ब्यांक ), बेस्ट विकेटकिपर साकार श्रेष्ठ ( नेपाल एसबिआई ब्यांक ) घोषित भए l प्रतियोगितामा सर्बाधिक छक्का प्रहार गर्ने खेलाडी आईसीएफसीका अरविन्द राना भए l बिजेता खेलाडीहरुलाई ट्रफी तथा गिफ्ट ह्याम्पर प्रदान गरिएको थियो l

सेमीफाइनलमा सेन्चुरी ब्यांकले सिभिल ब्यांकलाई ४ विकेटले तथा नेपाल एसबिआई ब्यांकले आईसीएफसी फाइनान्सलाई १५ रनले पराजित गरेको थियो l

फाइनल खेलमा टस जितेर नेपाल एसबिआईले ब्याटिंग रोजेको थियो l मोनिश श्रेष्ठले ४ छक्का र २ चौका सहित अविजित ३६ रन बनाएपछि एसबिआईले निर्धारित ५ ओभरमा २ विकेट क्षेतीमा ५५ रन बनाएको थियो l सेन्चुरीका बलर केशर रावलले १ विकेट हात पारेका थिए l

प्रतिउत्तरमा सेन्चुरी ब्यांकले निर्धारित लक्ष ३.५ ओभरमै पुरा गर्यो l कप्तान दिबेश डंगोलले अविजित ३४ तथा सुबास शर्माले अविजित १८ रन योगदान दिएपछि सेन्चुरीको जित सहज बन्यो l फाईनल खेलको म्यान अफ द म्याच दिबेश डंगोल घोषित भए l

एसएस इभेन्ट द्वारा आयोजित प्रतियोगितामा १९ कर्पोरेट टिमहरुको सहभागिता थियो l प्रतियोगिता ५ दिन सम्म टियु मैदानमा चलेको थियो  l प्रतियोगिताको आकर्षणको रुपमा सेमीफाइनल र फाइनल खेलमा टिभी अम्पायरको ब्यबस्था गरिएको थियो l

 





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]