कर्पोरेट सुपर-सिक्स सोमबार देखि, २३ टिमको सहभागीता पक्का



  • विकेटनेपाल , मङ्सिर-७ 

नेपालकै सबैभन्दा ठुलो कर्पोरेट क्रिकेट प्रतियोगिता सेन्चुरी ब्यांक कर्पोरेट सुपर सिक्सेज प्रतियोगिताको पाँचौ संस्करणमा २३ टिम सहभागी हुने पक्का भएको छ। प्रतियोगिता नोभेम्बर २६ देखि डिसेम्बर १ सम्म त्रिभुवन अन्तर्राष्ट्रिय मैदान किर्तिपुरमा आयोजना हुनेछ।

बिहिबार राजधानीमा आयोजित पत्रकार सम्मेलनमा सहभागी टिमहरुको समुह बिभाजन गरिएको छ। सोहि कार्यक्रममा प्रतियोगिताको ट्रफी र जर्सी समेत सार्वजनिक गरिएको थियो।

बिभाजन अनुसार गत संस्करणको विजेता सिभिल बैंक र २०१६ संस्करणको विजेता सेन्चुरी बैंक एकै समुह ( समुह सी ) मा परेका छन् भने उक्त समुहमा तेश्रो टिमको भने टुंगो लाग्न बाँकी रहेकोछ। गत संस्करणको उप-विजेता आईसीएफसी फाइनान्स समुह ‘जी’ मा रहेको छ जुन समुहमा जनता बैंक र एनसीसी बैंक रहेका छन्।

२४ टिम सहभागी गराउने लक्ष्य भए पनि २३ टिमको टुंगो लागिसकेको र १ टिमको टुंगो लाग्न बाँकी रहेको सम्मेलनमा आयोजक एसएस इभेट्सका सीईओ रमन शिवाकोटीले जानकारी गराएका छन्।

समुह बिभाजन :

समुह ‘ए’ – ओम डेभलप्मेन्ट बैंक, सुर्य नेपाल र नबिल बैंक , समुह ‘बि’ – नेपाल टेलिकम , सनराइज बैंक, टाइगर्स ब्रुअरी , समुह ‘सी’ – सिभिल बैंक, सेन्चुरी बैंक , तेश्रो टिम टुंगो लाग्न बाँकी
समुह ‘डी’ – सुबिसु, इसेवा, अन्नपुर्ण मिडिया , समुह ‘ई’ – सिप्रदी, कुमारी बैंक , एनएमबि बैंक
समुह ‘एफ’ – मेगा बैंक, नेपाल एसबिआई बैंक, आईएमई ग्रुप , समुह ‘जी’ –  जनता बैंक, आईसीएफसी फाइनान्स, एनसीसी बैंक, समुह ‘एच’ – एनआईसी एसिया बैंक, इन्डियन एम्बेसी, नेपाल लाइफ इन्सुरेन्स

८ वटा समुहमा विभाजित टिमहरुलाई लिग चरणको खेल खेलाईनेछ। प्रत्येक समुहको टिमले एक-अर्कासंग खेलीसकेपछि प्रत्येक समुहबाट २ वटा टिम प्रि-क्वार्टरफाइनल खेल्न छनौट हुनेछ। प्रि-क्वार्टरफाइनलबाट क्वार्टर-फाइनलमा ८ टिम हुँदै सेमीफाइनल र फाइनल खेल खेलिनेछ।

यो पटक प्रतियोगिताको सबै खेलहरु एक्सन स्पोर्ट्सबाट प्रत्यक्ष प्रशारण हुनेछ। प्रतियोगिताको कुल बजेट ३२ लाख रुपैयाँ रहेको शिवाकोटीले बताए।

टिम घोषणा तथा समुह बिभाजन कार्यक्रममा बोल्दै सेन्चुरी बैंकका सहायक सीईओ जीवन भट्टराईले स्थापना भएको लामो इतिहास नभए पनि सेन्चुरीले नेपाली खेलकुदलाई निरन्तर प्रवर्धन गर्दै आएको बताए।

प्रतियोगिताको बिजेता टिमले आगामी बर्ष निशुल्क इन्ट्री पाउनेछ। यस्तै उपविजेता टिम, रनर अप, म्यान अफ द सिरिज, बेस्ट बलर/ब्याट्सम्यान , बेस्ट फिल्डर लगायतलाई बिशेष पुरस्कार प्रदान गरिनेछ।

 





थप समाचार

न्याभ कप अस्ट्रेलिया : उपाधिको लागि एक्सपर्ट सगरमाथा र रोयल राईनोज बीच प्रतिस्पर्धा

अस्ट्रेलियाको प्रतिष्ठित नेपाली क्रिकेट लिग १६ औं संस्करणको नेपाल एसोसिएसन अफ भिक्टोरिया ( एनएभी ) कप प्रतियोगिताको आइतबार हुने फाइनलमा […]

सन्दिप लामिछाने पाकिस्तान सुपर लिग खेल्न आज पाकिस्तान जाँदै

नेपाली लेग स्पिनर सन्दिप लामिछाने पाकिस्तान सुपर लिग ( पीएसएल ) खेल्न पाकिस्तान प्रस्थान गर्ने भएका छन्। सन्दिप पाकिस्तानको कराचीमा […]

पीएसएल : रोमान्चक खेलमा पेशावरको जित, क्वेटाको अर्को हार

पाकिस्तान सुपर लिगमा सरफराज एहमद कप्तानीको टिम क्वेटा ग्ल्याडीएटर्सले लगातार तेश्रो खेलमा हार बेहोरेको छ। लिग अन्तर्गत शुक्रबार राति नेसनल […]

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]