चाहलले वान-डे करियरकै उत्कृस्ट बलिङ्ग गर्दा अस्ट्रेलिया २३० मा समेटियो



  • विकेटनेपाल, माघ-४ , शुक्रबार 

भारत र अस्ट्रेलिया बीच जारि ३ एकदिवसीय अन्तर्राष्ट्रिय खेलको सिरिज अन्तर्गत तेश्रो खेलमा अस्ट्रेलियाले कमजोर ब्याटिंग गरेको छ।सिरिजको यस अघिको २ खेलमा भारत र अस्ट्रेलिया १/१ खेलमा विजयी भए पछि तेश्रो एकदिवसीय सिरिज जितमा निर्णायक रहने छ।

मेलबर्न क्रिकेट मैदानमा टस जितेर भारतले अस्ट्रेलियालाई ब्याटिंगको निम्तो दिएको थियो। अस्ट्रेलियाले ४८.४ ओभरमा सम्पूर्ण विकेट गुमाएर २३० रन मात्रै बनाउन सक्यो।

अस्ट्रेलियाले खराब सुरुवात गर्ने क्रममा ९ ओभरमा २७ रन बनाउदा २ विकेट गुमाएको थियो। ओपनर एलेक्स केरे ( ५ ) र आरोन फ़िञ्च ( १४ ) लाई भुवनेश्वर कुमारले पेभेलियनको दिशा देखाए।

तेश्रो विकेटको लागि उस्मान खवाजा र शन मार्शले ७३ रनको साझेदारी गर्दै टिमको योगफल १०० पुर्याए। मार्श ३४ रन बनाएर युजभेन्द्र चाहलको बलमा स्टम्प आउट भए लगत्तै खवाजा पनि ३४ रन बनाएर चाहलको बलमा चाहलद्वारानै समातिए। लगत्तै मार्कस स्टोईनिस पनि १० रन बनाएर आउट हुँदा अस्ट्रेलिया ३९.३ ओभरमा १२३/५ को नाजुक अवस्थामा पुगेको थियो।

छैठौं विकेटको लागि  पिटर ह्यान्ड्सकम्बले ग्लेन म्याक्सवेलसंग ३८ रन तथा सातौँ विकेटको लागि झाई रिचर्डसनसंग ४५ रनको साझेदारी गर्दै योगफल २०० पार गराए। म्याक्सवेल २६ र रिचर्डसन १६ रन बनाएर आउट भए पनि ह्यान्ड्सकम्ब पनि ५८ रन बनाएर चाहलको शिकार भए। उनले ६३ बलमा २ चौका प्रहार गरे।

तल्लो क्रमका ब्याट्सम्यानले पनि खास योगदान दिन सकेनन् फलस्वरूप अस्ट्रेलिया ४८.४ ओभरमा २३० रनमा समेटिन पुग्यो।

भारतको लागि लेग स्पिनर  युजभेन्द्र चाहलले सर्वाधिक ६ विकेट लिने क्रममा १० ओभरमा ४२ रन खर्चिए। एकदिवसीय अन्तर्राष्ट्रिय करियरमै चाहलको यो उत्कृस्ट बलिङ्ग स्पेल हो। यस भन्दा अघि चाहलले ५ विकेट भन्दा बढी एकै खेलमा लिन सकेका थिएनन्।

भुवनेश्वर कुमारले २ विकेट ( ८-१-२८-२ ) तथा मोहम्मद शामी ( ९.४-०-४७-२ ) ले २/२ विकेट लिए।

सिरिज अन्तर्गत पहिलो एकदिवसीय अस्ट्रेलियाले ३४ रनले जितेको थियो भने दोश्रो एकदिवसीय भारतले ६ विकेटले जितेको थियो।

यस अघि सम्पन्न टेस्ट सिरिज भारतले २-१ ले जितेको थियो भने टि-२० सिरिज १-१ को बराबरीमा सकिएको थियो।

( फोटो – आईसीसी )





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]