च्याम्पियन नेपाली टिम आईसीसीको कभरमा



क्रिकेटको सर्वोच्च संस्था अन्तर्राष्ट्रिय क्रिकेट परिषद ( आईसीसी ) ले त्रिकोणात्मक सिरिज विजेता नेपाली राष्ट्रिय क्रिकेट टिमको विजयी ट्रफी सहितको फोटो आफ्नो फेसबुक र ट्वीटरको कभर फोटो राखेको छ।

नेपालले नेदरल्याण्डलाई शनिवार १४२ रनको विशाल अन्तरले पराजित गर्दै सिरिजको उपाधि जित्न सफल भएको थियो। नेपालले जितेको यो नै पहिलो टि-२० अन्तर्राष्ट्रिय प्रतियोगिता हो। यस्तै घरेलु भुमिमा जितेको यो नै पहिलो टि-२० अन्तर्राष्ट्रिय सिरिज हो। सन् २०१० आईसीसी विश्व क्रिकेट लिग डिभिजन-५ पछि नेपालले घरेलु भूमिमा जितेको ११ वर्ष पछि जितेको यो पहिलो प्रतियोगिता हो।

नेपालको ऐतिहासिक सफलता पछि आईसीसीले फेसबुक र ट्वीटरमा च्याम्पियन नेपाली टिमको कभर फोटो राखेको हो। ‘च्याम्पियन्स’ क्याप्सन लेख्दै आईसीसीले कभर फोटो पोस्ट गरेको छ।

आईसीसीले दोश्रो पटक नेपाली टिमको फोटो आफ्नो कभर फोटोमा राखेको हो।

यस भन्दा अगाडी पहिलो पटक नेपालले २०१८ मार्च १५ को दिन पपुवा न्यु गिनीलाई परजित गर्दै एकदिवसीय अन्तर्राष्ट्रिय राष्ट्रको मान्यता पाउदा आईसीसीले नेपालको कभर फोटो राखेको थियो। त्यसपछि दोश्रो पटक नेपालले आफ्नो प्रदर्शनले आईसीसीको ध्यान खिच्न सफल भएको हो।

आईसीसीले आफ्नो कभर फोटोमा प्राय टेस्ट राष्ट्रहरुको खेलाडीहरुको सफलता तथा टेस्ट राष्ट्रहरुको सिरिज या प्रतियोगिता जितको फोटो राख्दै आएको छ।

नेपालको फोटो आईसीसीले कभरमा राख्दा उक्त पोस्टमा नेपाली समर्थकहरुले कमेन्ट गर्दै आईसीसीलाई धन्यवाद दिएका छन् र नेपाली क्रिकेट टिमलाई बधाई दिएका छन्।

प्रतियोगितामा नेपाल, नेदरल्याण्ड र मलेसिया सहभागी रहेका थिए। उपाधि जित्ने क्रममा नेपालले पहिले ब्याटिंग गर्दै दिएको २३९ रनको लक्ष्य पछ्याउने क्रममा नेदरल्याण्डले ९६ रनमा सम्पूर्ण विकेट गुमाउन पुगेको थियो। प्रतियोगिताको सर्वाधिक रनकर्ता नेपालका ओपनर कुशल भुर्तेल प्रतियोगिताकै उत्कृस्ट खेलाडी चुनिए।

यो पनि पढ्नुस 

आईसीसीले राख्यो नेपालको क्रिकेट खेल्दै गरेको मनमोहक तस्विर

कुशल भुर्तेल प्रतियोगिताकै उत्कृस्ट खेलाडी , बनाए ६ ठुला किर्तिमान

इतिहासकै विशाल जित दर्ता गर्दै नेपालले जित्यो त्रिकोणात्मक सिरिजको उपाधि





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]