चन्द्र बिसीको ६ विकेटका बाबजुत प्रदेश ६ पराजित

Chandra BC Bowling


  • विकेटनेपाल, जेठ १५ – मंगलबार

काठमाण्डौमा जारि अन्तर प्रदेश स्तरीय प्रधानमन्त्री कप एकदिवसीय क्रिकेट प्रतियोगिता अन्तर्गत तेस्रो दिन आज किर्तिपुर मैदानमा भएको खेलमा प्रदेश नम्बर ३ ले प्रदेश नम्बर ६ माथि ३ विकेटको रोमान्चक जित हासिल गरेको छ । (स्कोरकार्ड)

टस जितेर पहिले ब्याटिंग गरेको प्रदेश नम्बर ६ ले निर्धारित ५० ओभरको खेलमा ४७.४ ओभरमा सबै विकेट गुमाउँदै १७८ रनको योगफल बनाएको थियो ।  उसका लागि कप्तान रबिन्द्र जंग शाही र दिवस पुनले समान ५२/५२ रन तथा टेक सलामीले २६ रन र विजय बिस्टले १३ रन बनाएपनि अन्य खेलाडीले दोहोरो अंक छुन सकेनन् ।

बलिंगतर्फ प्रदेश ३ का जितेन्द्रसिंह ठकुरी र किशोर महतोले समान २/२ विकेट लिए भने रुपेश श्रीवास्तव, सागर ढकाल र आदील खानले पनि १/१ विकेट लिएका थिए ।

जवाफमा प्रदेश नम्बर ३ ले ३६.३ ओभरमा ७ विकेट गुमाएर लक्ष्य पुरा गर्यो ।  उसको जितमा आदील खानले ३१ रन, संजय बस्नेतले २० रन र इशान पाण्डेले २३ रन बनाउँदा रुपेश श्रीवास्तवले अविजित ३९ रन र किशोर महतोले अविजित २५ रन बनाउँदै आठौँ विकेटको लागी ५६ रनको साझेदारी गरे भने अतिरिक्त ३८ रन प्राप्त गरेका थिए ।

Chandra BC
म्यान अफ दि म्याच चन्द्र बिसी

बलिंगतर्फ प्रदेश नम्बर ६ पराजित भएपनि म्यान अफ द म्याच घोषित भएका चन्द्र बिसीले ६ विकेट लिनेक्रममा १० ओभरमा १ मेडनसहित ४१ रन खर्चिएका थिए भने टेक सलामीको नाममा १ विकेट रह्यो ।

आजै मुलपानी मैदानमा भएको प्रदेश नम्बर २ र प्रदेश नम्बर ४ को खेलमा प्रदेश नम्बर २ का सन्जम रेग्मीले ५ विकेट तथा संसाद शेखले ४ विकेट लिएपछि प्रदेश नम्बर ४, ६७ रनले पराजित भयो । (समाचार)





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]