च्यारिटी खेलमा नेपाल-११ को जित, पारसको पुनरागमन

paras khadka


  • विकेटनेपाल, २७ चैत 

फाप्ला अन्तर्राष्ट्रिय क्रिकेट मैदान निर्माणार्थ खेलिएको मत्रिपूर्ण खेलमा पारस खड्का नेतृत्वको नेपाल ११ टिमले पदम केसी नेतृत्वको धनगढी ११ टिमलाई ३१ रनले पराजित गरेको छ l

सोमबार देखि सुरु हुने सगरमाथा सिमेन्ट धनगढी प्रिमियर लिगको खेल अघि खेलिएको खेलमा टस जितेर ब्याटिंग गरेको नेपाल ११ ले निर्धारित २० ओभरमा ८ विकेटको क्षेतीमा १६१ रन बनायो l नेपाल ११को लागि कप्तान पारस खड्काले अर्धशतकिय पारि खेलाडी ६८ रन बनाए l उनले ४४ बलको सामना गर्दै ७ चौका र ४ छक्का प्रहार गरे l यस्तै बसन्त रेग्मीले ४३, शरद भेसावकरले १९ र मेहबुब आलमले १० रन योगदान दिए l
धनगढी ११ का बलर बिक्रम ठगुन्नाए सर्बाधिक ४ विकेट लिने क्रममा ४ ओभरमा २१ रन खर्चिए l यस्तै सागर भण्डारी र कप्तान पदम केसीले १-१ विकेट लिए l

जवाफमा १६२ रनको लक्ष पछ्याउन ब्याटिंग गरेको धनगढीले पुरा २० ओभर ब्याटिंग गर्दै ८ विकेट नोक्सानीमा १३० रन मात्रै बनाउन सक्यो l धनगढीको लागि ओपनर सुनिल धमलाले सर्बाधिक ३४ रन योगदान दिए भने दिपेन्द्र ऐरीले २६, रोशन अधिकारीले १७ रनको योगदान दिएका थिए l
बलिंग तर्फ नेपाल११ का शक्ति गौचनले सर्बाधिक ३ विकेट लिने क्रममा ४ ओभर बलिंग गर्दै २४ रन खर्चिए l सोमपाल कामिले २ विकेट लिए भने मेहबुब आलम, सन्दिप लामिछाने र अविनाश कर्णले १-१ विकेट हात पारे l

खेल पछि प्रतिक्रिया दिंदै नेपाल ११ का कप्तान पारस खड्काले धनगढी ११ का युवा खेलाडीहरुको तारिफ गर्दै फाप्ला अन्तर्राष्ट्रिय क्रिकेट मैदान बनाउन योगदान दिन पाएकोमा खुसि ब्यक्त गर्नुभयो l यस्तै धनगढी ११ का कप्तान पदम केसीले समग्रमा आफ्नो टिमले राम्रो खेलेको बताउदै खेलबाट धेरै कुरा सिक्ने मौका मिलेको जसले आगामी दिनमा राम्रो प्रदर्शन गर्न प्रेरित गरेको बताउनु भयो l

खेलमा उत्कृस्ट बलिंग गर्दै ४ विकेट लिएका धनगढी ११ का बलर बिक्रम ठगुन्नाले पारस खड्का लगायत खेलाडीको विकेट लिन पाउदा गर्व महसुस गरेको बताए l





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]