‘५३ बल, ५३ डट’ पुजाराको अनौठो रेकर्ड



  • विकेटनेपाल, माघ ११ – बिहिबार

भारत र दक्षिण अफ्रिकाबीच बुधबारदेखि सुरु भएको तेस्रो टेस्ट क्रिकेटमा ब्याटिंग गर्ने क्रममा भारतका चेतेश्वर पुजाराले अचम्मको रेकर्ड बनाएका छन्।

टस जितेर पहिले ब्याटिंग गरेको भारतले ७ रनको योगफलमा केएल राहुललाई गुमायो जसपछि चौथों ओभरमा ( ३.२ ओभर ) ब्याटिंग गर्न आएका पुजाराले पहिलो रन बनाउन २१ ओभर लगाएका थिए। ३.२ ओभरमा पहिलो बल सामना गरेका पुजाराले त्यसपछि २१.३ ओभरमा न्गिडीको बलमा १ रन लिएका थिए।

पुजाराले खाता खोल्न लगाएको ५४ बल टेस्ट क्रिकेटमा खाता खोल्न लगाएको भारतको लागि सर्बाधिक दोश्रो धेरै हो भने बिगत १७ बर्ष ( सन् २००१ ) देखि कुनै पनि माथिल्लो क्रमको ब्याट्सम्यानले खाता खोल्न खेलेको यो सबैभन्दा धेरै बल हो।

टेबलमा हेर्नुस खाता खोल्न धेरै बल खेल्ने भारतीय ब्याट्सम्यानहरु

खेलाडी खाता खोल्न खेलेको बल  बिरुद्ध वर्ष
राजेश चौहान ५७ श्रीलंका १९९४
चेतेश्वर पुजारा ५४ दक्षिण अफ्रिका २०१८
सचिन तेन्दुलकर ४५ जिम्बाबे २००२
राहुल द्रविड ४१ अस्ट्रेलिया २००७
इर्फान पठान २९ पाकिस्तान २००५
सुरेश रैना २९ इंग्ल्याण्ड २०११

पुजाराले १ रन बनाएपछि भारतीय ड्रेसिंग रुममा हेरेर मुस्कान दिएका थिए। ४ बल मात्रै बढी लगाएको भए उनि यो रेकर्डमा सबैभन्दा माथिल्लो स्थानमा हुने थिए। पुजाराले खाता खोलेपछि मैदानमा र भारतीय ड्रेसिंग रुममा हाँसो सहितको तालिको गडगडाहट भएको थियो।

खाता खोलेपछि पुजाराको मुस्कान ( फोटो – The Quint )

राजेश चौहानले १९९४ मा श्रीलंकाबिरुद्द खाता खोल्न लगाएको ५७ बलनै अहिलेसम्म भारतका लागि सबैभन्दा धेरै हो। यस्तै सचिन तेन्दुलकरले पनि सन् २००२ मा जिम्बाबे बिरुद्द ४५ बलमा खाता खोलेका थिए।

ब्याटिंग गर्न निकै मुस्किल पिचमा पुजाराले खाता खोल्न ५४ बल खेलेपनि तेस्रो विकेटको लागि विराट कोहलीसँग अर्धशतकीय साझेदारी गरे भने पछी अर्को किनारमा विकेट झरीरहँदा महत्वपूर्ण अर्धशतकीय पारि खेले । उनले ५० रन प्रहार गरे जुन क्रममा उनले १७९ बल खेलेर ८ चौका प्रहार गरे।

जोहानेस्बर्गमा बुधबार सुरु भएको टेस्टमा टस जितेर पहिले ब्याटिंग गरेको भारतले मात्र १८७ रन बनाउने क्रममा सबै विकेट गुमाएको हो। जवाफमा उत्रेको दक्षिण अफ्रिकाले दिनको समाप्तीमा १ विकेट गुमाउदै ६ रन बनाएको छ र भारतभन्दा १८१ रनले पछाडी छ । बिस्तृत पढ्नुहोस्

(Featured Image: @NDTVSports)





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]