धोनी बिना उत्रेको चेन्नाई हैदराबादसंग पराजित



  • विकेटनेपाल, बैशाख-४ 

इन्डियन प्रिमियर लिग आईपीएल अन्तर्गत ३३ औं खेलमा सनराइजर्स हैदराबादले चेन्नाई सुपर किंग्सलाई  ६ विकेटले पराजित गरेको छ।

हार पछि पनि चेन्नाई लिगको शिर्ष स्थानमा कायम रहेको छ भने हैदराबाद पाँचौ स्थानमा उक्लेको छ। ९ खेलमा चेन्नाईले ७ जित र २ हार बेहोरेको छ र १४ अंक छ भने हैदराबादको ८ खेलमा ४/४ जित हार सहित १० अंक रहेको छ।

खेलेनन् धोनी 

सन् २०१० पछि पहिलो पटक टिमको कप्तानी न्सम्हालेका महेन्द्र सिंह धोनीको अनुपस्थितिमा चेन्नाईले आफ्नो लिगको लय कायम गर्न सकेन। ढाडको दुखाईको कारण धोनीले आजको खेल नखेलेका हुन्। उनको सट्टा सुरेश रैनाले टिमको कप्तानी गरे। धोनीले चेन्नाईको लागि खेल्ने क्रममा चौथो पटक खेल खेलेनन्।

बेयरस्टो र वार्नर उत्कृस्ट 

खेलमा चेन्नाईले दिएको १३३ रनको लक्ष्य हैदराबादले १६.५ ओभरमा ४ विकेट गुमाएर पुरा गर्यो।

हैदराबादको लागि ओपनर डेभिड वार्नर र जोन्नि बेयरस्टोले पहिलो विकेटको लागि ६६ रनको साझेदारी गरे। वार्नर २५ बलमा १० चौका प्रहार गर्दै ५० रन बनाएर आउट भए।

पहिलो विकेट गुमे पछि हैदराबादले लगातार जसो विकेट गुमाए पनि बेयरस्टोले एक किनार सम्हालीरहे। कप्तान केन विलियमसन ३ रन , भिजय शंकर ७ रन,  दिपक हुडा १३ रन बनाएर आउट भए।

बेयरस्टोले अन्तिमसम्म अविजित रहँदै अविजित ६१ रन बनाए पछि हैदराबादले १६.५ ओभरमा लक्ष्य पुरा गर्यो। ४४ बलमा उनले ३ चौका र ३ छक्का प्रहार गरे।

चेन्नाई बलर इमरान ताहिरले २ विकेट ( ४-०-२०-२ ) तथा दिपक चाहर ( ३-०-३१-१ ) र कर्न शर्मा ( २-५-०-३३-१ ) ले १/१ विकट लिए।

चेन्नाईको ब्याटिंग , अन्तिम ५ ओभरमा बनेन रन 

टस जितेर ब्याटिंग गरेको चेन्नाईले २० ओभरमा ५ विकेट गुमाएर १३२ रन बनाएको थियो।

राम्रो सुरुवात गरेको चेन्नाईको लागि ओपनर शेन वाटसन र फाफ डु प्लेसिसले ७९ रन बनाएका थिए। वाटसनले ३१ रन ( २९ बलमा ४ चौका ) र डु प्लेसिसले ४५ रन ( ३१ बलमा ३ चौका र ३ छक्का ) प्रहार गरे।

डु प्लेसिस र वाटसनले १० औं र ११ औं ओभरमा लगातार विकेट गुमाएपछि १३ रन बनाएका सुरेश रैना पनि आउट भए। लगत्तै केदार जाधब १ रन तथा स्याम बिलिंग खाता नखोली आउट भए।

१४.४ ओभरमा १०१/५ पुगेको चेन्नाईले त्यसपछि अन्तिम ५ ओभरमा विकेट नगुमाए पनि ३१ रन मात्रै बनाउन सक्यो।

रभिन्द्र जडेजाले २० बल खेल्दा अविजित १० रन बनाए जसमा कुनै बाउन्ड्री सामेल थिएन। अम्बाती रायडुले २५ रन ( २१ बलमा २ चौका ) बनाए।

चेन्नाईलाई २० ओभरमा १३२/५ मा रोक्न हैदराबाद बलर रासिद खानले कसिलो बलिङ्ग गर्दै २ विकेट ( ४-०-१७-२ ) लिए। यस्तै खलिल एह्मद ( ४-०-२२-१ ) , शाहबाज नदीम ( २-०-२४-१ ) र भिजे शंकर ( २-०-११-१ ) ले १/१ विकेट लिए।

 

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]