महिला क्रिकेटमा प्रदेश ३ र प्रदेश ५ बिजयी : मुख्यमन्त्री कप



  • विकेटनेपाल – ३० फाल्गुन, बिहिबार 

धनगढीमा बुधवारबाट सुरु भएको प्रथम मुख्यमन्त्रि कप खेलकुद प्रतियोगिता अन्तर्गत महिला क्रिकेटमा बिहिबार प्रदेश ५ र प्रदेश ३ ले जित दर्ता गरेका छन्। प्रदेश ५ ले प्रदेश २ लाई १५ रनले पराजित गर्दा प्रदेश ३ बिरुद्ध प्रदेश ४ ले ७ विकेटको हार बेहोर्यो।

प्रदेश ५ भर्सेज प्रदेश २:

महिला क्रिकेट अन्तर्गत बिहिबार सम्पन्न खेलमा प्रदेश ५ ले प्रदेश २ माथि १५ रनको जित दर्ता गर्यो। पहिले ब्याटिंग गर्दै प्रदेश ५ ले दिएको ११६ रनको लक्ष्य पछ्याउने क्रममा प्रदेश २ ले १९.५ ओभरमा सबै विकेट गुमाएर १०० रन मात्र जोड्न सकेपछि १५ रनको हार बेहोर्न पुग्यो।

प्रदेश २ को चेजमा अनुराधा चौधरीले ३३ रन जोड्न बाहेक अन्यले दोहोरो अंकमा रन जोड्न विफल रहे। प्रदेश ५ को बलिङ्गमा खेलको प्लेयर अफ दि म्याच चुनिएकी कृतिका मरासैनीले सर्वाधिक ४ विकेट ( ४-१-१६-४ ) हात पारिन।

यसअघि पहिले ब्याटिंग गरेको प्रदेश ५ ले निर्धारित २० ओभरमा ८ विकेट गुमाएर ११५ रन जोडेको थियो। उसको इनिंगमा नितु भण्डारीले सर्वाधिक ३२ रन तथा सरस्वति पुनले १८ रन जोडेकी थिइन्। प्रदेश २ को बलिङ्गमा सरस्वति चौधरी र अनुराधा चौधरीले समान २-२ विकेट हात पारेका थिए।

प्रदेश ३ भर्सेज प्रदेश ४:

सुमन खतिवडाको उत्कृस्ट अलराउण्ड प्रदर्शनमा बिहिबार प्रदेश ३ ले प्रदेश ४ बिरुद्ध ७ विकेटको जित दर्ता गर्यो। पहिले ब्याटिंग गर्दै प्रदेश ४ ले दिएको ११२ रनको लक्ष्य प्रदेश ३ ले १३.२ ओभरमा मात्र ३ विकेट गुमाएर पुरा गर्यो।

प्रदेश ३ को जितमा कन्चन श्रेष्ठले सर्वाधिक ३५ रन जोड्न सफल रहिन्। यस्तै सुमन खतिवडाले ३१ रन तथा करुणा लामाले अविजित ६ रनको योगदान गरिन्। प्रदेश ४ को बलिङ्गमा अलिशा लामिछानेले २ तथा शिला छेत्रीले १ विकेट लिएपनि टोलीको हार टार्न विफल रहे।

यसअघि पहिलो इनिंगमा टस जितेर ब्याटिंग रोजेको प्रदेश ४ ले निर्धारित २० ओभरमा ४ विकेट गुमाएर १११ रन जोडेको थियो। उसका लागि सरु राज भण्डारीले सर्वाधिक ४७ रन तथा धना छन्त्यालले १८ रन जोडेकी थिइन्। प्रदेश ३ को बलिङ्गमा सुमन खतिवडा, कृष्णा गुरुङ, सजनी श्रेष्ठ र निरा राज उपाध्यायले समान १-१ विकेट हात पारेका थिए।

 





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]