सुरीले जोगाउन सकेनन् बुटवलको हार, धनगढी २० रनले बिजयी :पिपिएल टि-२०



  • विकेटनेपाल, कार्तिक १५ – बिहिबार (पोखरा)

पोखरा प्रिमियर लिग अन्तर्गत सम्पन्न छैठौं दिनको दोस्रो खेलमा धनगढी ब्लुजले बुटवल ब्लासटर्सलाई २० रनले पराजित गर्दै प्रतियोगितामा दोश्रो जित हात पारेको छ । धनगढीले दिएको १६२ रनको लक्ष्य पछ्याएको बुटवल ६ विकेट गुमाएर १४१ रनमात्र बनाउन सकेको हो।

बुटवलका लागि सुरुवातमा केहि लड़खडाएका चिराग सुरीले अविजित ७९ रन बनाउने क्रममा ५४ बलमा १२ चौका र १ छक्का प्रहार गरेपनि जित दिलाउन असफल रहे।

त्यस्तै रोहन मुस्ताफाले २० रन, सिद्धान्त लोहनी र सोमपाल कामीले समान १२ रन बनाएपनि अन्य खेलाडीले दोहोरो अङ्कमा रन बनाउन सकेनन्।

बुटवललाई सस्तैमा समेट्न केहि उत्कृस्ट फिल्डिंगका नमुनाहरु प्रस्तुत गरेको धनगढीले रन आउटको रुपमा ओपनरद्वय रोहन मुस्ताफा र सागर पुनको विकेट प्राप्त गर्यों। त्यस्तै सागर ढकालले २ विकेट लिँदा ड्यानियल लरेन्स र कमलसिंह ऐरीले पनि १/१ विकेट लिए।

यसअघि टस जितेर ब्याटिंग गर्न उत्रिएको धनगढीले निर्धारित २० ओभरमा ४ विकेट गुमाएर १६१ रनको योगफल तयार गरेको हो। उसका कप्तान दिपेन्द्र ऐरीले अविजित ५६ रन तथा डेनिएल लरेन्सले ५२ रनको योगदान गरे।

कुनै समय ३७/२ को खराब अवस्थामा रहेको धनगढीको इनिगमा दिपेन्द्र र लरेन्सले तेस्रो विकेटका लागि १०८ रनको साझेदारी गरे। अविजित ५६ रन बनाउने क्रममा ऐरीले ३९ बलमा ४ चौका र २ छक्का प्रहार गरे।

Daniel Lawrence
Daniel Lawrence

यस्तै प्रतियोगिताको पहिलो अर्धशतक बनाउने क्रममा लरेन्सले ३९ बलमा ५२ रन जोडे। त्यसक्रममा उनको ब्याटबाट ३ चौका र २ छक्का नीस्कियो।

ऐरी र लरेन्स बाहेक धनगढीका लागि पिटर ट्रेगोले १४, सौरभ खनालले अविजित १३ तथा दिलिप नाथ र सुबेन्दु पाण्डेले समान १०-१० रन बनाए।

बुटवलको बलिङ्गमा बिपिन खत्रीले सर्वाधिक २ विकेट हात पारे। आफ्नो ४ ओभरको स्पेलमा बिपिनले सुबेन्दु पाण्डे र पिटर ट्रेगोलाई पभेलियन फर्काए। यस्तै रोहन मुस्तफा र अभिनास बोहोराको नाममा समान १-१ विकेट रह्यो।

Dipendra Airee (2)
Dipendra Airee (2)





थप समाचार

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]

लिटल फ्लावर प्रिमियर लिग-५ को खेल तालिका सार्वजनिक

धनगढीः फागुन १५ गतेदेखि २९ गतेसम्म धनगढीमा आयोजना हुने चण्डिका ग्रुप लिटल फ्लावर प्रिमियर लिग–५ को खेल तालिका सार्वजनिक गरिएको […]

रोहितको अर्धशतकले भारत अग्रतातर्फ

इंग्ल्यान्डको भारत भ्रमण अन्तर्गत तेश्रो टेस्टको पहिलो दिनको समाप्तिमा भारत पहिलो इनिंग्समा अग्रतातर्फ अघि बढेको छ। विश्वकै ठुलो अहमदावाद स्थित […]

सप्तरी प्रिमियर लिगको तेश्रो संस्करण चैत्र ५ गते देखि

मेयर कप सप्तरी प्रिमियर लिगको ( एसपीएल ) तेश्रो संस्करण चैत्र ५ गते देखि सप्तरीको राजविराजमा सुरु हुने भएको छ। […]

आईपीएल इतिहासकै महँगो मोरिस ‘द हन्ड्रेड’ मा बिकेनन्

६ दिन अघि मात्रै इन्डियन प्रिमियर लिग ( आईपीएल ) अक्सनमा इतिहासकै महँगो मूल्यमा बिक्रि भएका क्रिस मोरिसले १६.२५ करोड […]

गौतम बुद्ध रङ्गशालालाई सगरमाथा इन्जिनीयरिङ कलेजको आर्थिक सहयोग

काठमाडौँ, १२ फागुन ललितपुर, सानेपास्थित सगरमाथा इन्जिनीयरिङ कलेज तथा सगरमाथा कलेज अफ साइन्स एण्ड टेक्नोलोजीले ‘धुर्मुस –सुन्तली फाउण्डेसन’लाई रु २ […]