प्लेअफ समीकरण पुरा, चितवन अपराजित रहँदै फाइनलमा



चितवन राइनोजले वुमन्स च्याम्पियन्स लिग अन्तर्गत बिराटनगर टाइटन्सलाई ५३ रनले पराजित गर्दै फाइनलमा स्थान पक्का गरेको छ । यो संगै लिग चरणमा अपराजित रहँदै चितवन फाइनलमा प्रवेश गरेको हो ।

लिग चरणमा एक/एक खेल अगावै शतप्रतिशत हारको नतिजा सहित ललितपुर फ़ाल्कोन्स र पोखरा पल्टन बाहिरिएपछि चितवन, क्याट क्विन्स काठमान्डौ र बिराटनगर टाइटन्स प्ले अफमा प्रवेश गरेका हुन् । ४ खेलमा ३ जित र १ हारसहित क्याट क्विन्स काठमान्डौ दोश्रो र २ जित तथा २ हार सहित बिराटनगर टाइटन्स तेस्रो स्थानमा रहेका हुन् । अब मंगलबार हुने इलिमिनेटरमा काठमान्डौले बिराटनगरको सामना गर्नेछ ।

इमिलिनेटरको बिजेताले बिहिबार हुने फाइनलमा चितवनको सामना गर्नेछ ।

किर्तिपुर मैदानमा सम्पन्न खेलमा चितवनले पहिले ब्याटिंग गर्दै ८ विकेट गुमाएर १२२ रन बनाएको थियो । उसका ओपनर कन्चन श्रेष्ठ र काजोल श्रेष्ठले १३ ओभरमा ६९ रनको साझेदारी गरेका थिए । काजोलले ४६ बलमा ३६ रन र कन्चनले ४१ बलमा ३४ रन बनाए । १७ रन अतिरिक्त पाएको चितवनको कप्तान इन्दु बर्माले अविजित १७ रन बनाइन । बिराटनगरकी सबनम राइले २ विकेट हात पारिन् ।

जवाफमा लक्ष्य पछ्याएको बिराटनगरले १७।५ ओभरमा ६९ रन मात्र बनाउन सक्यो । उसका लागि ज्योति पाण्डे र डोली भट्टले समान २१/२१ रन बनाएपनि अन्य खेलाडीले दोहोरो अंक बनाउन सकेनन् ।

बिराटनगरलाई सस्तैमा समेट्न चितवनकी कविता गौतमले ३ ओभरमा मात्र ५ रन खर्चेर ३ विकेट लिइन् । त्यस्तै सुमन खतिवडाले २ तथा सन्तोषी चौधरी, रेखा रावल र ऋतु कनौजियाले १/१ विकेट लिए ।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]