इंग्ल्याण्ड यु-१९ टोलीका पुर्व कप्तान चितवन टाइगर्सबाट इपिएल खेल्ने



  • विकेटनेपाल – ११ भदौ, सोमबार

यस बर्षको एभरेष्ट प्रिमियर लिग (इपिएल) क्रिकेटका लागि चितवन टाइगर्सले आफ्ना दुई बिदेशी खेलाडीको नाम सार्वजनिक गरेको छ। यो संगै चितवन बिदेशी खेलाडीको घोषणा गर्ने काठमाण्डौ किंग्स एघार पछि दोस्रो टोलि बनेको छ।

सामाजिक संजाल फेसबुक पेज मार्फत चितवनले इंग्ल्याण्ड र न्युजील्याण्डका दुई खेलाडीलाई आफ्नो टोलीको हिस्सा बनाएको जानकारी गराएको छ। इंग्ल्याण्डका अन्डर १९ टोलीका कप्तान म्याक्स होल्डेन र घरेलु काउन्टी टोलि मिडलसेक्सका खेलाडी जेम्स फुलर चितवनको टोलीबाट नेपाली घरेलु टि-२० लिग खेल्ने भएका हुन्। यसअघि प्रतियोगिताको अर्को टोलि काठमाण्डौ किंग्स एघारले आयरल्याण्डका केभिन ओ ब्रायन तथा संयुक्त अरब एमिरेट्सका रोहन मुस्तफालाई आफ्नो बिदेशी खेलाडीको रुपमा घोषणा गरेको थियो।

James Fuller
James Fuller

म्याक्स होल्डेनले इंग्ल्याण्डको अन्डर १९ टोलीको कप्तानी गरिसकेका छन् भने हाल काउन्टी क्रिकेटमा मिडलसेक्सबाट खेल्नेगर्दछन्। माथिल्लो क्रमका बायाँ हाते ब्याट्सम्यान होल्डेनले टि-२० करियरमा ६ खेल खेल्दै १३७.३९ को स्ट्राइक रेटमा १६९ रन बनाएका छन्। होल्डेनसंग इंग्ल्याण्डको प्रथम श्रेणी क्रिकेटको भने धेरै अनुभव रहेको छ। आफुले खेलेका २० प्रथम श्रेणी खेलमा होल्डेनले ३५.४२ को औसतमा ११६९ रन जोडेका छन्।

Max Holden
Max Holden

यस्तै चितवन टाइगर्सका अर्का बिदेशी खेलाडी जेम्स फुलर समेत इंग्ल्याण्डको घरेलु क्रिकेटमा चलेका खेलाडी हुन्। दक्षिण अफ्रिकामा जन्मिएका फुलरले न्युजील्याण्डका लागि अन्डर-१९ क्रिकेट खेलेपनि आफ्नो घरेलु क्रिकेटभने इंग्ल्याण्डमा खेल्ने गर्छन्। दायाँ हाते ब्याट्सम्यान तथा दायाँ हाते तिब्र गतिका बलर फुलरले काउन्टी क्रिकेटमा मिडलसेक्सको टोलीबाट ७६ टि-२० खेल खेल्दै १४९.०४ को आक्रामक स्ट्राइक रेटमा ५४७ रन जोडेका छन्। यस्तै उनको नाममा ९४ टि-२० विकेट समेत रहेको छ।

अन्तिम सिजनको एभरेष्ट प्रिमियर लिगमा भारतीय खेलाडीहरु साभेज खान, प्रविन गुप्ता र प्रमेश कुमारलाई बिदेशी खेलाडीको रुपमा लिएको चितवनले खराब प्रदर्शन गर्दै ५ खेलमा १ मात्र जित निकाल्न सकेको थियो। सो सिजनमा अंक तालिकाको पुछारमा अन्त्य गरेको टोलि यस पटकभने सुधारिएको प्रदर्शन गर्नका निम्ति केहि नाम चलेका बिदेशी खेलाडीलाई टोलीमा भित्र्याउने दाउमा छ।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]