मुनरोको आक्रमक इनिंगले सीपीएल टि-२० को उपाधि नाइट राइडर्सलाई



  • विकेटनेपाल , असोज – १ 

छैठौं संस्करणको क्यारेबियन प्रिमियर लिग (सिपिएल) टि-२० को उपाधि ट्रिनिबागो नाइट राइडर्सले लगातार दोश्रो पटक जितेको छ। सोमबार बिहान सम्पन्न फाइनलमा नाइट राइडर्सले गायाना एमाजन वारियर्सलाई ८ विकेटले पराजित गर्यो।

यो संगै गायाना एमाजन वारियर्स ४ पटक फाइनलमा पुगे पनि उपाधि जित्न पुनः असफल रह्यो। यस अघि सन् २०१३, २०१४ र २०१६ मा पनि वारियर्स फाइनलमा चुकेको थियो।

पहिलो इनिंग 

टस हारेर पहिले ब्याटिंगको निम्तो पाएको गायानाले निर्धारित २० ओभरमा ९ विकेट गुमाएर १४७ रन जोडेको थियो। उसका लागि ल्युक रोंकीले सर्वाधिक ४४ रनको योगदान दिए। ३५ बलको सामना गरेका किवी ब्याट्सम्यान रोंकीले ६ चौका र १ छक्का प्रहार गरे।

नाइट राइडर्सका बलरहरुको अनुशाशित बलिङ्गका अगाडि गायानाका ब्याट्सम्यानहरुले खुलेर रन जोड्न विफल रहे। इनिंगको पहिलो बलमानै ओपनर क्यामरुन डेलपोर्टलाई गुमाएको उसलेले लगातार अन्तरालमा विकेट गुमाउँदा ठुलो लक्ष्य बनाउन चुकेको थियो।

नाइट राइडर्सको बलिंगतर्फ खरी पियरेले सर्वाधिक ३ विकेट आफ्नो नाम गरेका थिए। यस्तै कप्तान ड्वेन ब्राभोको नाममा २ विकेट रह्यो।

मुनरोको आक्रमक ब्याटिंग 

उपाधि जित्नका लागि १४८ रनको लक्ष्य पछ्याएको नाइट राइडर्सले १७.३ ओभरमा मात्र २ विकेट गुमाएर लक्ष्य पुरा गर्यो।

नाइट राइडर्सको जितमा कोलिन मुनरोले अविजित ६८ रनको इनिंग खेले। मात्र ३९ बलमा मुन्रोले ६ चौका र ३ छक्का प्रहार गरे। यस्तै ब्रेन्डन म्याकलमले ३९ तथा दिनेश राम्दीनले २४ रन बनाए।

प्रतियोगिताको उत्कृस्ट खेलाडी ट्रिनिबागो नाइट राइडर्सका कोलिन मुनरो घोषित भए। उनले १३ खेलमा ५१.५४ को औशतले ५६७ रन बनाए।

सन् २०१३ बाट सुरु भएको प्रतियोगिताको उपाधि ट्रिनिबागो नाइट राइडर्सले सर्वाधिक ३ पटक जितेको छ।

सीपीएल टि-२० बिजेता सुची – 

सन् २०१५, २०१७ र २०१८  – ट्रिनिबागो नाइट राइडर्स
सन् २०१४ – बार्बाडोस ट्रीडेन्टस्
सन् २०१३ र २०१६ – जमाईका तल्लावाज





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]