सन्दिपलाई बिश्वभरबाट बधाईको ओईरो , पढ्नुस कसले के भने



  • विकेटनेपाल, माघ १४ – आइतबार

सन्दिप लामिछाने इन्डियन प्रिमियर लिग आईपीएल खेल्न छनौट भएपछि सम्पूर्ण नेपालीहरु खुसिले झुमेका छन्। आईपीएल टिम दिल्ली डेयर डेभिल्स टिमले २० लाख भारतीय रुपैयाँमा नेपाली शेन वार्नलाई किनेको हो जसपछि उनि आईपीएल खेल्ने पहिलो नेपाली भएका हुन्।

आईपीएल खेल्ने भएपछि सन्दिपलाई बधाईको ओइरो लागेको छ । बधाईको ओइरो नेपाली क्रिकेट समर्थकबाट मात्र नभएर अन्तर्राष्ट्रिय क्रिकेट समुदायबाट आएको छ ।

सन्दिप लामिछाने आइपिएल मा दिल्ली डेयरडेभिल्सबाट खेल्ने जानकारी आइपिएलको अफिसियल ट्वीटर एकाउन्टले सार्बजनिक गरेको थियो ।

यस्तै उनि आबद्द भएको टिम दिल्ली डेयरडेभिल्सले सन्दिपको प्रोफाइल बनाएर काठमाण्डौबाट दिल्लीसम्मको यात्रा र ईतिहास बनाएको भन्दै ट्वीट गरेको छ ।

इंग्ल्याण्डका पुर्व कप्तान माइकल भनले सन्दिप लामिछाने आइपिएलमा लिलामी भएपछी आईसीसीलाई आगामी विश्वकपमा १० टिम बनाएको मा व्यंग्यात्मक शैलीमा घोंचेका छन ।

सन्दिप छनौट हुँदा माइकल क्लार्क खुसि ब्यक्त गर्न कहाँ पछि पर्छन् र। क्लार्ककै मद्दतमा सन्दिप लामिछानेले अस्ट्रेलियाको घरेलु क्रिकेट खेल्ने मौका पाएका थिए भने लामिछाने आईपिएल खेल्न पाउनुमा पनि उनको भूमिका देख्न सकिन्छ। केहि दिन अघि लामिछाने लिलामी सुचिमा परेपछि यदि  आफु कुनै टिमसँग सम्बन्धित भएको भए बिना हिच्किचाहट किन्ने बताएका थिए ।

मुख्य कुरा त के भने दिल्लीको प्रशिक्षकमा क्लार्ककै पुर्व अस्ट्रेलियन टिमका सहपाठी रिक्की पोंटिंग रहेका छन् ।

चर्चित क्रिकेट वेबसाइट क्रिकइन्फोका प्रधान सम्पादक समित बलले पनि बधाई ब्यक्त गरेका छन् ।

भारतीय चर्चित वेबसाइट क्रिकेटकन्ट्री का लेखक चिनमे जवालेकरले दिल्लीले २० लाखमा सन्दिपलाई किनेको मात्रै नभएर उसले नयाँ ३ करोड समर्थक पाएको जनाएका छन् ।

क्रिकइन्फोका पत्रकार टिमले सन्दिप लामिछानेलाई किनेर उत्कृस्टता जनाएको बताएका छन् ।

नेपाली क्रिकेट टिमका पुर्वकप्तान बिनोद दासले पनि बधाई ब्यक्त गरेका छन् ।

 

अन्य ट्वीटहरु





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]