क्यारेबियन प्रिमियर लिग ड्राफ्टमा ४ नेपाली खेलाडी



  • विकेटनेपाल – १ जेष्ठ, बुधवार

क्यारेबियन प्रिमियर लिग ( सिपिएल ) को २०१९ संस्करणको खेलाडी ड्राफ्टमा ४ नेपाली खेलाडीको नाम परेको छ। सिपिएलले बुधवार सार्वजनिक गरेको खेलाडीको सुचिमा कुल ५३६ खेलाडी रहेका छन्।

यो सिजन क्यारेबियन प्रिमियर लिग अगस्ट २१ देखि सेप्टेम्बर २७ सम्म वेस्टइन्डिजमा आयोजना हुने बताईएको छ। अघिल्लो सिजन सेन्ट किट्स एण्ड नेभिस प्याट्रीएट्सबाट खेल्दै सन्दिप लामिछाने क्यारेबियन प्रिमियर लिग खेल्ने पहिलो नेपाली खेलाडी बनेका थिए।

सन्दिपसंगै यस सिजनको सिपिएल ड्राफ्टमा दिपेन्द्र सिंह ऐरी, रोहित कुमार पौडेल र सोमपाल कामीले समेत आफ्नो नाम दर्ता गराएका छन्।

खेलाडी छनोटका लागि ड्राफ्टमा रहेका खेलाडीको सुची सिपिएलले हरेक टोलीलाई बुधवारनै पठाइसकेको छ।  खेलाडी ड्राफ्टभने आउँदो मे २२ तारिकमा संचालन हुनेछ।

क्यारेबियन प्रिमियर लिगको ड्राफ्टबाट सन्दिप ५ हजार डलरमा छनौट भएका थिए। त्यस सिजन खेल्ने क्रममा नेपाली लेग स्पिनरले ५ खेलमा कुल ७ विकेट लिएका थिए।

Sompal Kami , Rohit Poudel
Sompal Kami , Rohit Poudel

कुनैपनि बिदेशी लिगको ड्राफ्ट सुचिमा ४ नेपाली खेलाडी परेको यो पहिलो समय हो। यसअघि पहिलो सिजनको अफगानिस्तान प्रिमियर लिगको ड्राफ्टमा सन्दिप लामिछानेसंगै पारस खड्का र सोमपाल कामीको समेत नाम रहेपनि सन्दिप मात्र प्रतियोगिताका लागि छनोट भएका थिए।

ड्राफ्टमा यस अघि पनि अन्य नेपाली खेलाडी दर्ता भए पनि सन्दिप लामिछाने बाहेक हालसम्म अन्य नेपाली खेलाडी विदेशी लिगको रोजाईमा पर्ने गरेका छैनन्।

सिपिएल ड्राफ्टमा नेपालसंगै अफगानिस्तान, अष्ट्रेलिया, बंगलादेश, बर्मुडा, क्यानडा, इंग्ल्याण्ड, हंगकंग, भारत, आयरल्याण्ड, केन्या, न्युजिल्याण्ड, ओमान, पाकिस्तान, स्कटल्याण्ड, दक्षिण अफ्रिका, श्रीलंका, युएई, अमेरिका, जिम्बाबे र वेस्ट इन्डिजका खेलाडी रहेका छन्।





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]