क्यारेबियन प्रिमियर लिग ड्राफ्टमा नेपाली खेलाडी



  • विकेटनेपाल, फाल्गुन १२ – शनिबार

वेस्ट इन्डिजमा आयोजनामा हुने क्यारेबियन प्रिमियर लिग (सिपिएल) टी- २० प्रतियोगिताको पहिलो ड्राफ्टमा नेपाली खेलाडी पनि परेका छन्।

सन् २०१३ देखि सुरु भएको सीपीएल टि-२० को पाँचौ संस्करण अगस्टमा आयोजना हुँदैछ जसमा बिश्वभरका उत्कृस्ट अन्तर्राष्ट्रिय क्रिकेटरहरु खेल्ने गर्छन्। ६ वटा फ़्रेन्चाइज् टिम सहभागी हुने प्रतियोगिताको गत सिजनको बिजेता त्रिन्बागो नाइट राइडर्स रहेको थियो।

प्रतियोगिताको आधिकारिक वेबसाइटका अनुसार यसपाली २२७ जना बिदेशी खेलाडीहरुको नाम ड्राफ्टमा राखिएको छ। पहिलो ड्राफ्टमा सबैभन्दा धेरै ५३ जना पाकिस्तानी खेलाडीहरु रहेका छन् । यस्तै श्रीलंकाबाट २३ जना खेलाडीहरुको नाम सुचिमा रहेको छ । अन्य टेस्ट खेल्ने देशहरुका खेलाडीहरुमा इंग्ल्याण्ड, दक्षिण अफ्रिका,  न्युजिल्याण्ड, अस्ट्रेलिया, बंगलादेश, जिम्बाबे, आयरल्याण्डबाट रहेका छन्।

एसोसिएट रास्ट्रहरु क्यानाडा, ओमान, अमेरिका, हंगकंग, स्कटल्याण्ड, नेपाल, युएई र केन्याबाट खेलाडीहरु रहेका छन्। प्रतियोगिताको अक्सन मार्च १ तारिखमा लन्डनमा आयोजना हुनेछ।

sandeep lamichhane
Sandeep Lamichhane

अक्सनमा रहने नेपाली खेलाडी सन्दिप लामिछाने रहने अनुमान सहजै लगाउन सकिन्छ। सन्दिप आईपीएल ड्राफ्टमा पर्दै आइपिएल खेल्ने पहिलो नेपाली खेलाडी हुन् भने बंगलादेश प्रिमियर लिग र पाकिस्तान प्रिमियर लिगको ड्राफ्टमा समेत रहीसकेका छन्।

अन्तर्राष्ट्रिय लिगहरु खेल्न एजेन्ट मार्फत खेलाडीको नाम दर्ता हुनेगर्छ र सन्दिप लामिछाने एजेन्टकै मार्फत पाकिस्तान सुपर लिग र बंगलादेश प्रिमियर लिगको ड्राफ्टमा परेका थिए। आईपीएलमा भने सन्दिपलाई ड्राफ्टमा राख्न नेपाली क्रिकेटकै उच्च तहबाट पहल भएको थियो।

सन्दिपको हालै सम्पन्न बिश्व क्रिकेट लिग डिभिजन-२ मा उत्कृस्ट प्रदर्शन र आईपीएलमा छनौट भएका कारण अन्तर्राष्ट्रिय क्रिकेटका अन्य चर्चित लिगमा छनौट हुने सम्भावना बढेको छ। त्यसमाथि रिस्ट स्पिनरहरुको बढ्दो मागले सन्दिप जस्ता बलरको माग झनै बढेको छ।

क्यारेबियन प्रिमियर लिगमा बिश्वभरका १८ देशका खेलाडीहरु ड्राफ्टमा रहेका छन् जसमा टेस्ट रास्ट्रहरु पछि अमेरिका, ओमान, हंगकंग, स्कटल्याण्ड, युएई र केन्याका खेलाडी समेत रहेको सीपीएलले बताएको छ।





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]