CPL : फाइनल पुग्न जमैकाले ट्रिनबागो र सेन्ट लुसियाले गायनासंग प्रतिस्पर्धा गर्ने



करेबियन प्रिमियर लिग ( सिपिएल ) टि-२० को आठौँ सिजनको लिग चरणको सम्पूर्ण ३० खेलहरु सोमबार बिहान समाप्त भएका छन्। लिग चरणको अन्त्यमा सबै टिमले एकअर्का संग २/२ खेल तथा एक टिमले कूल १० खेल खेलेका थिए।

लिग चरणको अन्त्यमा काइरन पोलार्ड कप्तानीको ट्रिनबागो नाइट राईडर्स एक मात्र अपराजित टोलि रह्यो जसले १० वटै खेलमा जित दर्ता गर्दै २० अंक बटुल्यो। यस्तै क्रिस ग्रिन कप्तानीको गायना अमेजन वारियर्स र  डेरेन सामी कप्तानीको सेन्ट लुसिया जुक्सले १० खेल मध्ये समान ६ जित र ४ हार बेहोर्यो र समान १२ अंक रहेता पनि नेट रन रेटको आधारमा अंकतालिकामा गायना दोश्रो र सेन्ट लुसिया तेश्रो स्थानमा रह्यो।

लिगको चौथो स्थानमा सन्दिप लामिछाने सम्मिलित तथा रोभम्यान पावेल कप्तानीको जमैका तलावाज १० खेलमा ३ जित, ६ हार र १ नतिजाविहिन खेलपछि ७ अंक सहित चौथो स्थानमा रह्यो। गत सिजनको विजेता जेसन होल्डर कप्तानीको टिम बार्बेडोस ट्राइडेन्ट ६ अंक सहित पाचौ र रायद इम्रिट ३ अंक सहित पुछारमा रह्यो।

जमैकाको प्रदर्शन

मुजिब उर् रहमान, आन्द्रे रसेल, सन्दिप लामिछाने , ग्लेन फिलिप्स जस्ता खेलाडीहरुले राम्रो प्रदर्शन गरेता पनि टिमको रुपमा भने लिगमा जमैकाको प्रदर्शन कमजोर रह्यो। १ अंकले बार्बेडोसलाई पछि पार्दै जमैकाले सेमीफाइनल यात्रा गर्न सफल रह्यो।

जमैकाका ओपनर ग्लेन फिलिप्स ३९.२५ को औशतले ३१४ रन बनाउदै लिगको सर्वाधिक रनकर्ता हुन् भने १३.२७ को औशतले १५ विकट लिएका मुजिब उर् रहमान सर्वाधिक विकेटकर्ता। यस्तै सन्दिप लामिछाने सर्वाधिक विकेटकर्ताको सूचीमा १२ विकेट सहित चौथो स्थानमा रहे भने आन्द्रे रसेल ५५को औशतले २२० रन बनाउदै सातौँ सर्वाधिक रनकर्ता रहे। व्यक्तिगत प्रदर्शनले मात्र टिमले खेल जित्दैन टिम एकजुट हुनु पर्छ भन्ने प्रस्ट उदाहरण जमैकाले देखायो।

लिगमा मुजिब सर्वाधिक विकेटकर्ता तथा फिलिप्स सर्वाधिक रनकर्ता रहे

जमैकाले पहिलो खेलमा सेन्ट लुसियालाई ५ विकेटले, चौथो खेलमा गायनालाई ५ विकेटले तथा छैठौं खेलमा सेन्ट किट्सलाई ३७ रनले पराजित गर्यो। सेन्ट किट्ससंगको अर्को खेल वर्षाले नतिजाविहिन हुँदा पाएको १ अंकका कारण जमैकाले बार्बेडोसलाई पछि पार्न सक्यो।

सेमीफाइनल समीकरण 

लिग चरणको खेल समाप्तिमा अंकतालिकामा उत्कृस्ट ४ टिम ट्रिनबागो, गायना, सेन्ट लुसिया र जमैका सेमीफाइनल प्रवेश गरेका हुन्। सेमीफाइनल खेलहरु सेप्टेम्बर ८ तारिख मंगलबार सुरु हुनेछ जस अन्तर्गत पहिलो सेमीफाइनलमा अंकतालिकामा शिर्ष स्थानको टिम ट्रिनबागोले चौथो स्थानको टिम जमैकासंग प्रतिस्पर्धा गर्नेछ। दोश्रो सेमीफाइनल खेल अंकतालिकामा दोश्रो टिम गायना र तेश्रो सेन्ट लुसिया जुक्स बीच बुधबार बिहान खेलिनेछ। उपाधिको लागि खेल सेप्टेम्बर १० मा खेलिनेछ।

पहिलो सेमीफाइनल : ट्रिनबागो VS जमैका ( सेप्टेम्बर ८, मंगलबार – ७:४५ बजे राति )

दोश्रो सेमीफाइनल : गायना VS सेन्ट लुसिया ( सेप्टेम्बर ९ , बुधबार – ३:१५ बजे बिहान )

यो पनि पढ्नुस :-

IPL : आईपिएलको १२ सिजनमा ‘अरेन्ज क्याप’ जित्ने ९ खेलाडी

CPL : अन्तिम लिग खेलमा जमैका पराजित, सन्दिपको राम्रो बलिंग

बटलरले उत्कृस्ट ब्याटिंग इंग्ल्यान्डले जित्यो टि-२० सिरिज

आईपीएलको खेलतालिका सार्वजनिक

कहाँ छन् नेपालबाट १९९६ मा पहिलो अन्तर्राष्ट्रिय प्रतियोगिता खेल्ने १४ क्रिकेटर

IPL : आईपीएलबाट नाम फिर्ता लिएका ७ खेलाडीहरु र सट्टामा खेल्ने खेलाडीहरु

चेन्नाईका भेट्रान स्पिनर हरभजनले आईपीएल नखेल्ने, कारण यस्तो





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]