पोलर्ड, मुनरो र ब्राभोले आक्रामक ब्याटिंग गर्दा ट्रिनबागोद्वारा बार्बेडोसलाई १८६ रनको लक्ष्य

करेबियन प्रिमियर लिग ( सिपिएल टि-२० ) अन्तर्गत नवौं खेलमा काइरन पोलार्ड कप्तानीको ट्रिनबागो नाइट राइडर्स र जेसन होल्डर कप्तानीको बार्बेडोस ट्राइडेन्टस प्रतिस्पर्धा गरिरहेका छन्।

खेलमा टस हारेर ब्याटिंग गरेको ट्रिनबागोले २० ओभरमा ३ विकेट गुमाएर १८५ रनको विशाल योगफल तयार गरेको छ।

ट्रिनबागोको ब्याटिंगमा कोलिन मुनरो, डेरेन ब्राभो र कप्तान काइरन पोलार्डले आक्रामक इनिंग खेले। मुनरोले ३० बलमा ७ चौका र २ छक्का प्रहार गर्दै ५० रन बनाए। ब्राभो ३६ बलमा ४ चौका र ४ छक्का प्रहार गर्दै ५४ रनमा तथा पोलार्ड १७ बलमा ४ छक्का र १ चौका मद्दतले ४१ रन बनाउदै अविजित रहे।

ब्राभोले ५४ रन तथा मुनरोले ५० रन बनाए

ओपनर लेन्डल सिमोन्स २१ रन बनाएर आउट भएपछि दोश्रो विकेटको लागि सुनिल नारायण र मुनरो बीच ४१ रनको साझेदारी भएको थियो। अघिल्लो २ खेलमा अर्धशतक बनाएका नारायण १६ बलमा ८ रन बनाएर आउट भए। त्यसपछि मुनरो १३ औं ओभरमा ५० रन पुरा गरे लगत्तै आउट भए।

चौथो विकेटको लागि पोलार्ड र ब्राभोले अविजित ९८ रनको साझेदारी गरे। मात्र ४२ बलमा दुइ ब्याट्सम्यानले ८ छक्का र ५ चौका प्रहार गरे। यस क्रममा दुइ ब्याट्सम्यानले १७ औं ओभरमा १९ रन, १८ औं ओभरमा २० रन तथा १९ औं ओभरमा १७ रन बनाएका थिए। अन्तिम ४ ओभरमा ट्रिनबागोको योगफल ११६  बाट १८५ पुगेको थियो।

बार्बेडोसको बलिंगमा कप्तान जेसन होल्डर ( ४-०-३७-१ ) , एशले नर्स ( ४-०-२०-१ ) र रेमन रेफर ( ४-०-४७-१ ) ले समान १/१ विकेट लिए।

लिगको अंकतालिकामा ट्रिनबागो एक मात्र अपराजित टिमको रुपमा दुवै जितका साथ ४ अंक बटुल्दै दोश्रो स्थानमा रहेको छ। नेट रन रेटमा अधि रहँदै गायना समान अंक रहे पनि पहिलो स्थानमा रहेको छ। ट्रिनबागोले गायनालाई ४ विकेटले तथा जमैकालाई ७ विकेटले पराजित गरेको थियो।

अर्कोतर्फ बार्बेडोस २ खेलमा १ जित र १ हार पछि २ अंकका साथ चौथो स्थानमा रहेको छ। पहिलो खेलमा सेन्ट किट्सलाई ६ विकेटले पराजित गरेको बार्बेडोस दोश्रो खेलमा सेन्ट लुसियासंग ७ विकेटले पराजित भएको थियो।

लिगमा नेपाली स्पिनर सन्दिप लामिछाने सम्मिलित टिम जमैका तलावाजले आगामी खेल अगस्ट २६ तारिक बिहान ३:१५ बजे गायना अमेजन वारियर्ससंग खेल्नेछ।

यो पनि पढ्नुस :- 

सन्दिप, रसेल, मुजिब चम्किएता पनि जमैका पराजित, सन्दिपको कीर्तिमानी बलिंग

टि-२० र वानडे सिरिज खेल्न अस्ट्रेलियन टिम इंग्ल्यान्ड प्रस्थान, यस्तो छ खेल तालिका

आईसीसी हल अफ फेम २०२० मा ज्याक कालिस, लिसा स्थालेकर र जाहिर अब्बास

क्रिकेटरहरुको २०१९ को तलब १० हजार बढ्ने, पढ्नुस कुन श्रेणीको खेलाडीको कति छ तलब

सन्दिपले मुजिबलाई दिए उत्कृस्ट बलिंगको श्रेय, कारण यस्तो

पाकिस्तानसंग खेल चल्दै गर्दा ब्रोडले किन प्रयोग गरे इन्हेलर, कारण जान्नुस

आईपीएल २०२० : कुन टिममा को-को खेलाडी छन्

आईपिएल : यो सिजन डेब्यु गर्न सक्ने ५ विदेशी खेलाडी