CPL T20 : सेन्ट किट्सको लगातार तेश्रो हार, नाबीको अलराउण्ड प्रदर्शन



करेबियन प्रिमियर लिग टि-२० अन्तर्गत सातौँ खेलमा डेरेन सामी कप्तानीको सेन्ट लुसिया जुक्सले सेन्ट किट्स एण्ड एण्ड नेभिस पेट्रिएट्सलाई १० रनले पराजित गरेको छ।

लगातार तेश्रो खेलमा हार बेहोर्दै रायद इम्रीट कप्तानीको सेन्ट किट्स अंकतालिकाको पुछारमा रहेको छ। तेश्रो खेलमा दोश्रो जित हात पार्दै ४ अंक सहित जुक्स लिगको पहिलो स्थानमा उक्लेको छ।  लिग अन्तर्गत आठौँ खेलमा आज राति १२ बजे सन्दिप लामिछाने सम्मिलित टिम जमैका र गायना अमेजन वारियर्स बीच प्रतिस्पर्धा हुनेछ।

कग्लेजाइन र चेजको उत्कृस्ट बलिंग 

ट्रिनिडाड एन्ड टोबागो स्थित ब्रायन लारा क्रिकेट एकडेमीमा सम्पन्न खेलमा जुक्सले दिएको १७३ रनको लक्ष्य पछ्याउने क्रममा पेट्रिएट्सले २० ओभरमा ८ विकेट गुमाएर १६२ रन बनाउन सक्यो।

सेन्ट किट्सको ब्याटिंगमा दिनेश रामदिनले सर्वाधिक ४६ रन बनाएता पनि अन्य ब्याट्सम्यानले उनलाई साथ दिन सकेनन्। इनिंगको अन्त्यमा शेल्डन कटरेलले ११ बलमा १ चौका र ३ छक्का प्रहार गर्दै टिमलाई जित नजिक पुर्याएका थिए। त्यस क्रममा उनले अन्तिम ओभरमा २ छक्का र १ चौका प्रहार गर्दै १७ रन बनाएका थिए।

जुक्सको बलिंगमा न्युजिल्यान्डका फास्ट बलर स्कट कग्लेजाइनले ४ विकेट ( ४-०-३३-४ ) तथा अफ स्पिनर रोस्टन चेजले ३ विकेट ( ४-०-१२-३ ) लिए। चेजले किफायती बलिंग गर्ने क्रममा माथिल्लो क्रमका इभिन लुइस, जोशुवा डी सिल्भा, बेन डंकको विकेट लिएका थिए।  मोहम्मद नाबीले १ विकेट लिने क्रममा ४ ओभरमा मात्र १७ रन खर्चिए।


सेन्ट लुसियाको ब्याटिंग 

यस अघि टस हारेर पहिले ब्याटिंग गरेको सेन्ट लुसियाले निर्धारित २० ओभरमा ६ विकेट गुमाएर १७२ रन बनाएको थियो।

सेन्ट लुसियाको लागि ओपनिंग ब्याट्सम्यान आन्द्रे फ्लेचरले सर्वाधिक ४६ रन बनाए। उनले ३३ बलमा ६ चौका र १ छक्का प्रहार गरे। यस्तै मोहम्माब नाबीले अविजित ३५, मार्क डेयालले ३०, नजिबुल्लाह जद्रानले २८ तथा रखिम कर्नवालले १६ रन बनाए।

आन्द्रे फ्लेचर फ्लेचरले ४६ रन बनाए

१३७/६ को अवस्थाबाट नाबीले इनिंगको अन्तिम २ ओभरमा ३ छक्का र १ चौका प्रहार गर्दै सेन्ट लुसियालाई ठुलो योगफलतर्फ डोर्याएका थिए।

सेन्ट किट्सको बलिंगमा सोहेल तन्भिर ( ४०-४१-२ ) र जोन रस जागेसर ( ४-०-२९-२ ) समान २/२ विकेट तथा कप्तान रायद इमृटले १ विकेट ( ४-१-१४-१ ) लिए।

अल-राउण्ड योगदान दिएका मोहम्मद नाबी खेलको प्लेयर अफ द म्याच चुनिए।

यो पनि पढ्नुस :- 

इरफानले बनाए विदाई नपाएका ११ खेलाडीहरुको सुची, भारतीय टिमसंग विदाई खेल आयोजना गर्न माग

दोहोरो शतकसंगै क्रलेले बटलरसंग बनाए साझेदारीको नयाँ रेकर्ड

क्यानद्वारा २३ पुरुष राष्ट्रिय क्रिकेटर सहित ५० जनाको कोरोना बीमा

इंग्ल्यान्ड बिरुद्ध टि-२० सिरिजको लागि पाकिस्तान टिमको घोषणा

खेलाडीको तलब निकासा गर्न क्यानले आईसीसीलाई खेलाडीहरुको सुची पठायो

१४ वर्ष अघि : नेपालले २ बलमै खेल जित्दै चकित बनाएको थियो

‘२०२३ विश्वकपसम्म खेल्छु’ फिन्च





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]