CPL : अपराजित रहँदै पोलार्डको ट्रिनबागो शिर्षमा, हेनुस को-कति स्थानमा छन्



ट्रिनिडाड एन्ड टोबागोमा जारि करेबियन प्रिमियर लिग ( सिपिएल ) टि-२० अन्तर्गत काइरन पोलार्ड कप्तानीको टिम ट्रिनबागो नाइट राइडर्स अपराजित यात्रा कायम राख्दै अंकतालिकाको शिर्ष स्थानमा कायम रहेको छ। आफ्नो पाँचौ खेलमा जित दर्ता गर्ने क्रममा ट्रिनबागोले गायना अमेजन वारियर्सलाई ७ विकेटको ठुलो अन्तरले पराजित गर्यो।

शुक्रबार राति सम्पन्न खेलमा गायनाले दिएको ११३ रनको लक्ष्य ट्रिनबागोले ३ विकेट गुमाएर १८.२ ओभरमा भेटायो। ट्रिनबागोको जितमा प्लेयर अफ द म्याच चुनिएका खरी पियरले ३ विकेट लिए। ट्रिनबागोको ब्याटिंगमा टिम सेफर्टले अविजित ३९ तथा डेरेन ब्राभोले अविजित २६ रन बनाए। यस्तै टायन वेब्स्टरले २७ र लेन्डल सिमोन्सले १९ रन बनाए। इमरान ताहिरले २५ रन खर्चेर २ विकेट लिएता पनि टिमलाई जित दिलाउन पर्याप्त भएन।

अंकतालिकामा को-कति स्थानमा 

ट्रिनबागो नाइट राइडर्स पाँचौ खेलमा जित पछि १० अंक बटुल्दै अंकतालिकाको शिर्षस्थानमा रहेको छ। ६ खेलमा ४ जित र २ हार पछि ८ अंक सहित सेन्ट लुसिया दोश्रो स्थानमा रहेको छ। समान ४ अंक रहेता पनि नेट रन रेटको आधारमा बार्बेडोस ट्राइडेन्ट, गायना र जमैका तलावाज क्रमशः तेश्रो , चौथो र पाँचौ स्थानमा रहेको छ। १ मात्र खेल जितेको सेन्ट किट्स २ अंक सहित पुछारमा रहेको छ। अंकतालिकामा सबै टिमले कुल १० खेल खेलेपछि उत्कृस्ट-४ हुने टिम सेमीफाइनल प्रवेश गर्नेछ।

लिग अन्तर्गत आगामी खेल :-

लिग अन्तर्गत शुक्रबार कुनै पनि खेल खेलिनेछैन। शनिवार ( अगस्ट २९ ) राति ७:४५ बजे बार्बेडोस ट्राइडेन्ट र ट्रिनबागो नाइट राइडर्स प्रतिस्पर्धा गर्नेछन्।

नेपाली स्पिनर सन्दिप लामिछानेको टिम जमैकाले छैठौं खेलमा सेन्ट किट्स एन्ड नेभिस पेट्रिएट्ससंग प्रतिस्पर्धा गर्नेछ। खेल शनिवार राति १२ बजे सुरु हुनेछ। जमैकाले अघिल्लो खेलमा बार्बेडोससंग ३६ रनको हार बेहोरेपछि अंक तालिकाको पाँचौ स्थानमा छ। सेन्ट किट्सलाई पराजित गरे जमैका अंकतालिकामा उत्कृस्ट-४ भित्र पुग्नेछ।

सन्दिप पाँचौ सर्वाधिक विकेटकर्ता , मुजिब पहिलो स्थानमा

लिग अन्तर्गत जमैकाको प्रतिनिधित्व गरिरहेका सन्दिप लामिछानेले ५ खेलमा ७ विकेट लिएका छन्। यस क्रममा दायाँ हाते स्पिनरले २० ओभर बलिंग गर्दै मात्र ८९ रन खर्चेका छन्। सन्दिप सहित रायद इम्रिट, किमो पौल र राशिद खानले पनि ७ विकेट लिंदै सर्वाधिक विकेटकर्ताको सुचीमा पाँचौ स्थानमा संयुक्तरुपमा रहेका छन्।

जमैकाकै अफ स्पिनर मुजिब उर् रहमान १२ विकेट सहित सर्वाधिक विकेटकर्ता रहेका छन्। इमरान ताहिर र स्कट कग्लेजिन समान ११ विकेट सहित दोश्रो स्थानमा रहेका छन्। बिहिबार करियरकै उत्कृस्ट बलिंग गरेका सेन्ट लुसियाका मोहम्मद नाबी ९ विकेट सहित तेश्रो तथा केस्रिक विलियम्स ८ विकेट सहित चठो स्थानमा रहेका छन्।

यो पनि पढ्नुस :-

CPL : नाबीले कीर्तिमानी बलिंग गर्दा सेन्ट लुसियाको चौथो जित

IPL : दिल्लीका ओपनर जेसन रोय प्रतियोगिताबाट बाहिरिए, सट्टामा अस्ट्रेलियन फास्ट बलर खेल्ने

‘सर’ डन ब्राडम्यानले बनाएका ११ रेकर्ड जुन अझै टुट्न मुस्किल छ

टुट्न मुस्किल छ आईपीएलका यी ८ रेकर्ड

IPL 2020 : सर्वोत्कृष्ट बलिंग आक्रमण भएको ३ टोली

आईपिएल : यो सिजन डेब्यु गर्न सक्ने ५ विदेशी खेलाडी

५ ठुला खेलाडी जसको लागि आगामी आईपीएल अन्तिम हुनसक्छ

क्रिकेटरहरुको २०१९ को तलब १० हजार बढ्ने, पढ्नुस कुन श्रेणीको खेलाडीको कति छ तलब





थप समाचार

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]