सन्नी पटेल चम्किंदा पारसको राइनोजलाई पिपिएलमा पहिलो जित

Chitwan Rhinos


पोखरा प्रिमियर लिग अन्तर्गत पारस खड्का कप्तानीको चितवन राइनोजले पहिलो जित प्राप्त गरेको छ। पाँचौं दिनको पहिलो खेलमा चितवनले धनगढी ब्लुजलाई १२७ रनले पराजित गर्यो।

पहिले ब्याटिंग गर्दै चितवनले दिएको १९४ रनको लक्ष्य पछ्याउन मैदान उत्रिएको धनगढी १६. २ ओभरमा ६७ रनमा समेटिन पुग्यो। धनगढीलाई परजित गर्न चितवनका सन्नी पटेलले ४ विकेट चट्काए।

खराब ब्याटिंग प्रदर्शन गरेको धनगढीका लागि पिटर डेभिड ट्रेगोले २७ र योगेन्द्र सिंह कार्कीले १७ रन जोड्न बाहेक अन्य ब्याट्सम्यानहरुले दोहोरो अंकमा रन जोड्न सकेनन्।

Bhuwan Karki
Bhuwan Karki

लगातार विकेट गुमाएको धनगढीले साझेदारी बनाउन नसक्दा लक्ष्य भेट्टाउनबाट चुक्यो। प्रतियोगितामा धनगढीको यो दोस्रो हार समेत हो। यसअघि काठमाण्डौ रोयल्स बिरुद्ध समेत धनगढी पराजित भएको थियो।

चितवनको बलिङ्गतर्फ सन्नी पटेलले सर्वाधिक ४ विकेट चट्काए। आफ्नो ३.२ ओभरको स्पेलमा पटेलले ८ रन खर्चिएर ४ विकेट हात पारे। यस्तै भूबन कार्की र स्मित पटेलको नाममा समान २-२ विकेट रह्यो।

यसअघि पहिलो इनिङ्गमा पारस खड्काको कप्तानीमा रहेको चितवन राइनोजले खेलको पहिलो इनिंगमा ५ विकेट गुमाएर १९३ रन जोडेको थियो।

Hari Shankar Sah
Hari Shankar Sah

बुधवार बिहान पोखरा रंगशालामा धनगढीले टस जितेर फिल्डिंग गर्ने निर्णय गरेपछि ब्याटिंगमा उत्रिएको चितवनले उत्कृस्ट ब्याटिंग प्रदर्शन गर्दै १९३ रनको योगफल तयार गर्न सफल रह्यो। चितवनको इनिंगमा हरि शंकर शाहाले सर्वाधिक ५३ रन जोडेका थिए।

अनिल कुमार साहसंग ओपनिङ्ग गर्न उत्रिएका हरिले ५३ रन जोड्ने क्रममा ३३ बलमा ६ चौका र ३ छक्का प्रहार गरेका थिए। अनिल र हरिले पहिलो विकेटका लागि १०१ रनको साझेदारी गर्दै चितवनलाई उत्कृस्ट सुरुवात दिएका थिए। प्रतियोगितामा यो पहिलो १०० रनको ओपनिङ्ग साझेदारी समेत हो। अनिल व्यक्तिगत ३४ बलमा १ चौका र ३ छक्का सहित ३७ रनको स्कोरमा दिपेन्द्र ऐरीको शिकार बनेका थिए।

Hari Shankar Sah
Hari Shankar Sah

यस्तै चितवनका लागि सन्नी पटेलले अविजित २६ रन तथा स्मित पटेलले २४ रन बनाएका थिए। सन्नीले १६ बलमा ३ चौका र १ छक्का प्रहार गर्दा स्मितले १७ बलमा ४ चौका प्रहार गरेका थिए।

धनगढीको बलिङ्गमा दिपेन्द्र ऐरी, डयानिएल लरेन्स, योगेन्द्र सिंह कार्की र मन्जित श्रेष्ठले समान १-१ विकेट लिएका थिए।

जितसंगै पारस खड्काको टोलि चितवन राइनोजले प्रतियोगितामा अन्तिम ३ मा पर्ने सम्भावना कायम राखेको छ। ३ खेल खेलेको राइनोजले २ खेलमा हार बेहोर्दा १ जित सहित २ अंक जोडेको छ।

प्रतियोगिता अन्तर्गत बुधवारको दोस्रो खेलमा बिराटनगर टाईटन्स र बुटवल ब्लासटर्स भिड्दै छन्।

Bhuwan Karki
Bhuwan Karki
Peter Trego
Peter Trego

Sunny Patel

 





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]