सन्दिप र सिता बर्ष खेलाडी बन्दा रोहितलाई उदयीमान क्रिकेट खेलाडीको अवार्ड : एनसिसिएस सिपिएएन् क्रिकेट अवार्ड



  • विकेटनेपाल – २० फाल्गुन, मंगलवार 

क्रिकेट खेलाडी संघ नेपाल ( सिपिएएन् ) र एनसिसिएसको आयोजनामा मंगलवार पहिलो एनसिसिएस सिपिएएन् क्रिकेट अवार्ड सम्पन्न भएको छ। पछिल्लो एक बर्षको समयमा नेपाली क्रिकेट र खेलाडीले हात पारेको सफलताको सम्मान स्वरुप अवार्ड समारोहको आयोजना भएको हो।

राजधानी स्थित रसियन कल्चर सेन्टरमा सम्पन्न अवार्ड समारोहमा बिभिन्न ४ विधातर्फ ४ खेलाडी र लाइफ टाइम अचिभमेन्ट अवार्डबाट १ व्यक्तित्वले अवार्ड हात पारे।

सन्दिप र सिता बर्ष खेलाडी : 

अवार्ड समारोहमा पुरुष राष्ट्रिय टोलीका स्टार खेलाडी सन्दिप लामिछाने र महिला टोलीकी नियमित सदस्य सिता राना मगरले बर्ष खेलाडीको उपाधि हात पारे।

बर्ष खेलाडी पुरुषको अवार्ड हात पार्ने क्रममा सन्दिप लामिछानेले पारस खड्का, करन केसी, सोमपाल कामी र दिपेन्द्रसिंह ऐरीलाई पछि छाडे। पाकिस्तान सुपर लिग खेल्न युएईमा रहेका सन्दिपको अवार्ड राष्ट्रिय टोलीका कप्तान पारस खड्काले थापेका थिए। बर्ष खेलाडी पुरुष बनेसंगै सन्दिपले नगद १ लाख ३२ हजार समेत आफ्नो नाम गरे।

यस्तै बर्ष खेलाडी महिलाको अवार्ड हात परेकी सिता राना मगरले सोहि विधातर्फ महिला राष्ट्रिय टोलीकी कप्तान रुबिना क्षेत्रिसंगै इन्दु बर्मा, करुना भण्डारी र सरिता मगरलाई पछि छाडिन्। अवार्ड थाप्न सिता स्वयं उपस्थित भएकी थिइन्।

यस्तै युवा क्रिकेटर रोहित कुमार पौडेलले उदयीमान क्रिकेट खेलाडीको अवार्ड आफ्नो नाम गरे। सो अवार्ड हात पार्दा रोहितले आफ्नो विधातर्फ अभिनाश बोहरा, सुन्दिप जोरा, ललित राजबंशी र कबिता कुँवरलाई पछि छाडे। रोहितले अवार्डसंगै नगद ६६ हजार समेत आफ्नो नाम गर्न सफल भए।

यस्तै फ्यान भोटिंगका आधारमा तय गरिएको मोमेन्ट अफ दि इयरको उपाधि करन केसीको नाममा रह्यो। गत बर्ष नामिबियामा सम्पन्न विश्व क्रिकेट लिग डिभिजन २  मा क्यानडा बिरुद्ध चमत्कारी जित दिलाउने क्रममा करनले खेलेको इनिंगका लागि उनलाई सो अवार्ड प्रदान गरियो।

उता आफ्नो जीवनमा क्रिकेट बिकास र प्रवर्धनका लागि गरेको योगदानको कदर गर्दै पूर्वक्रिकेटर कोमल पाण्डेले लाइफ टाइम अचिभमेन्ट अवार्ड हात पारे। सो अवार्डबाट सम्मानित पाण्डेलाई नगद ६६ हजार सहित सम्मान गरियो।

तस्बिर : सलमान शाह 





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]