चेन्नाईसंग पराजित हुँदा दिल्लीको फाइनल सपना चकनाचुर, चेन्नाई र मुम्बई आईपीएल फाइनलमा



  • विकेटनेपाल, बैशाख-२७ 

दिल्ली क्यापिटल्सको पहिलो पटक आईपीएल फाइनल पुग्ने सपना चकनाचुर गर्दै चेन्नाई सुपर किंग्सले आईपीएल फाइनल यात्रा गरेको छ।

आईपीएलको गत संस्करणको विजेता समेत रहेको चेन्नाई आईपीएल इतिहासमा फाइनल प्रवेश गरेको आठौँ पटक हो। ८ पटक फाइनल पुग्दा चेन्नाईले सन् २०१०, २०११ र २०१८ गरि ३ पटक उपाधि जितेको छ।

फाइनल खेलमा चेन्नाई र मुम्बई बीच प्रतिस्पर्धा आइतबार हुनेछ। यस अघि पहिलो क्वालीफायरमा चेन्नाईलाई ६ विकेटले पराजित गर्दै फाइनल यात्रा गरेको थियो।

इलिमीनेटर खेलमा टस हारेर पहिले ब्याटिंग गरेको दिल्लीले निर्धारित २० ओभरमा ९ विकेट गुमाएर १४७ रनको योगफल तयार गरेको थियो। १४८ रनको लक्ष्य चेन्नाईले १९ ओभरमा ४ विकेट गुमाएर पुरा गर्दै ६ विकेटको जित दर्ता गर्यो।

लक्ष्य पछ्याउने क्रममा चेन्नाई ओपनर फाफ डु प्लेसिस र शेन वाटसनले ओपनिंग साझेदारीको रुपमा ८१ रन बनाउदै जितको आधार तयार गरे। डु प्लेसिस र वाटसन दुवै ५० रन बनाएर आउट भए।

चेन्नाईलाई त्यसपछि जितसम्म पुर्याउन अम्बाती रायडुले अविजित २० रन बनाए। सुरेश रैना ११ र महेन्द्र सिंह धोनी ९ रन बनाएर आउट भए।

चेन्नाईले १९ ओभरमा ४ विकेट गुमाएर लक्ष्य पुरा गर्यो।

दिल्ली बलर ट्रेन्ट बोल्ट, इशान्त शर्मा, अक्षर पटेल र अमित मिश्राले १/१ विकेट लिए। अन्य बलर किफायती रहे पनि केमो पौल महँगो सावित हुने क्रममा ३ ओभरमा विकेटविहिन रहँदै ४९ रन खर्चिए।

यस अघि पहिले ब्याटिंग गर्ने क्रममा दिल्लीको लागि रिशभ पन्तले सर्वाधिक ३८ रन ( २५ बलमा २ चौका र १ छक्का ) , कोलिन मुनरोले २७ तथा शिखर धवनले १८ रन बनाएका थिए।

चेन्नाई बलर दिपक चाहर ( ४-०-२८-२ ) , हरभजन सिंह ( ४-०-३१-२ ) , रविन्द्र जडेजा ( ३-०-२३-२ ) र ड्वेन ब्राभो ( ४-०-१९-२ ) ले २/२ विकेट तथा इमरान ताहिर ( ४-०-२८-१ ) ले १ विकेट लिएका थिए।

यो पनि पढ्नुस –  एकदिवसीय विश्वकप २०१९ विशेष : विश्वकपमा सबैभन्दा धेरै रन बनाउने ५ ब्याट्सम्यान

 





थप समाचार

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]