IPL : गायकवाड, ब्राभो र चाहर चम्किंदा मुम्बईलाई पराजित गर्दै चेन्नाई शिर्षमा



डिफेन्डिङ च्याम्पियन मुम्बईलाई २० रनले पराजित गर्दै महेन्द्र सिंह धोनी कप्तानीको चेन्नाई सुपर किंग्स आईपीएल अंक तालिकाको शिर्ष स्थानमा उक्लेको छ।

लिगको युएईमा आइतबार सुरु भएको दोश्रो फेज अन्तर्गत पहिलो खेलमा चेन्नाईले दिएको १५७ रनको लक्ष्य पछ्याउने क्रममा मुम्बईले पुरै २० ओभर ब्याटिंग गरेता पनि ८ विकेट क्षेतीमा १३६ रन मात्र बनाउन सक्यो।मुम्बईको लागि सौरभ तिवारीले अविजित ५० रन बनाएता पनि जित दिलाउन सकेनन्।

लक्ष्य पछ्याउने क्रममा खराब सुरुवात गरेको मुम्बईले पहिलो ४ विकेट ५८ रनको योगफलमा गुमाउन पुग्यो। क्विन्टन डीकक १७, डेब्यु गरेका अनमोलप्रित सिंह १६, सुर्यकुमार यादव ३ तथा इशान किशान ११ रन बनाएर आउट भए। पाँचौ नम्बरमा ब्याटिंग गरेका सौरभ तिवारीले त्यसपछि कप्तान काईरन पोलार्डसंग २९ रन जोडे। पोलार्ड १५ रन बनाएर आउट भए जसपछि क्रुनाल पान्ड्या पनि ४ रन बनाएर रन आउट हुन पुगे। सातौँ विकेटको लागि तिवारीले एडम मिल्नेसंग ४१ रनको साझेदारी गरेता पनि जितको लागि पर्याप्त रहेन।

जितको लागि अन्तिम २ ओभरमा ३९ रन आवस्यक हुँदा शार्दुल ठाकुरको ओभरमा १५ रन बनाए पछि मुम्बईलाई अन्तिम ओभरमा २४ रन आवस्यक थियो। तर ड्वेन ब्राभोले अन्तिम ओभरमा १५ रन बनाएका मिल्ने सहित २ विकेट लिंदै मात्र ३ रन खर्चिए पछि चेन्नाईले जित दर्ता गर्यो।

चेन्नाईको बलिंगमा ड्वेन ब्राभोले सर्वाधिक ३ ( ४-०-२५-३ ) तथा दिपक चाहरले २ विकेट ( ४-०-१९-२ ) लिए। जोश हेजलवुड र शार्दुल ठाकुरले समान १ विकेट लिए।

रुतुराज गायकवाड

यस अघि टस जितेर ब्याटिंग गरेको चेन्नाईले २० ओभरमा ६ विकेट क्षेतीमा १५६ रन बनाएको थियो। उसको लागि ओपनर रुतुराज गायकवाडले करियरकै उत्कृस्ट प्रदर्शन गर्ने क्रममा अविजित ८८ रन बनाए जुन क्रममा ५८ बलमा ९ चौका र ४ छक्का प्रहार गरे।

अत्यन्त खराब सुरुवात गरेको चेन्नाईले पहिलो ४ विकेट २४ रनमै गुमाउन पुगेको थियो। फाफ डु प्लेसी र मोईन अलि खाता नखोली तथा सुरेश रैना ४ तथा कप्तान धोनी ३ रन बनाएर आउट भए। पाँचौ विकेटको लागि ओपनर रुतुराज गायकवाडले रभीन्द्र जडेजासंग ८१ रनको साझेदारी गर्दै इनिंग्स उकासे। जडेजा २६ रन बनाएर आउट भएपछि गायकवाडले ड्वेन ब्राभोसंग ३९ रन जडे। अन्तिम ओभरमा ब्राभो २३ रन बनाएर आउट भए जसले ८ बलमा ३ छक्का प्रहार गरे।

मुम्बईको बलिंगमा ट्रेन्ट बोल्ट ( ४-१-३५-२ ) , एडम मिल्ने ( ४-०-२१-२ ) र जस्प्रित बुम्राह ( ४-०-३३-२ ) ले समान २ विकेट लिए।

अंकतालिका र आगामी खेल : जित पछि चेन्नाईको ८ खेलमा ६ जित र २ हार पछि १२ अंक रहेको छ। समान  अंक रहेको दिल्ली क्यापिटल्स नेट रन रेटमा पछि पर्दै दोश्रो स्थानमा छ। हार पछि मुम्बई ८ खेलमा ४ जित र ४ हार बेहोर्दै ८ अंक सहित चौंथो स्थानमा छ।

लिग अन्तर्गत सोमबार एक मात्र खेल हुनेछ। शेख जायद अबु धाबीमा कोलकाता नाइट राइडर्स र रोयल च्यालेन्जर्स बैंगलोरले प्रतिस्पर्धा गर्नेछन्। खेल ७:४५ बजे राति सुरु हुनेछ।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]