चेन्नाईको इतिहासकै लज्जास्पद सुरुवात



ट्रेन्ट बोल्ट, जस्प्रित बुम्राह र राहुल चाहरले घातक बलिंग गर्दा चेन्नाई सुपर किंग्सले आईपीएल २०२० अन्तर्गत ४१ औं खेलमा मुम्बई बिरुद्ध इतिहासकै कमजोर सुरुवात गरेको छ। शारजाह मैदानमा टस हारेर ब्याटिंग गरेको चेन्नाईले पावरप्लेको ६ ओभर भित्रै ५ विकेट गुमाएको हो।

प्लेअफ पुग्ने सम्भावना जीवित राख्न जित्ने पर्ने खेलमा चेन्नाईले लज्जास्पद सुरुवात गर्ने क्रममा पहिलो ४ विकेट मात्र ३ रनको योगफलमा गुमाएको थियो। ओपनर रुतुराज गायकवाडलाई पहिलो ओभरमा ट्रेन्ट बोल्टले खाता नखोली एलबुडब्लु गर्दै विकेट पतनको सुरुवात गरेका थिए। त्यसपछि दोश्रो ओभरमा जस्प्रित बुम्राहले अम्बाती रायडु ( २ रन )  र एन जगदिशनलाई ( ० ) क्याच आउट गराए। लगत्तै ओभरमा बोल्टले फाफ डु प्लेसीलाई ( १ )  विकेटकिपर डीककबाट क्याच आउट गराए।

पाँचौ विकेटको लागि महेन्द्र सिंह धोनी र रभिन्द्र जडेजाले विकेट जोगाउने प्रयास गरेता पनि छैठौं ओभरमा ट्रेन्ट बोल्टले७ रन बनाएका  जडेजालाई क्याच आउट गराउदै तेश्रो विकेट लिए। लगत्तै ओभरमा २ चौका र १ छक्का मद्दतले १६ रन बनाएका कप्तान धोनीलाई लेग स्पिनर राहुल चाहरले विकेटकिपर डीककबाट क्याच आउट गराउदै छैठौं विकेट लिए। नवौं ओभरमा चाहरले दोश्रो विकेट लिने क्रममा दिपक चाहरलाई स्टम्प आउट गर्दै खाता नखोली पेभेलियन फर्काए। यो समाचार तयार गर्दा चेन्नाईले ९ ओभर समाप्तिमा ४४ रनमा ७ विकेट गुमाएको छ। स्याम करन १० तथा शार्दुल ठाकुर १ रन बनाएर ब्याटिंग गरिरहेका छन्।

ट्रेन्ट बोल्टले ३ ओभर बलिंग गर्दा १ मेडन ओभर गर्दै ५ रन खर्चेर ३ विकेट लिएका छन्। जस्प्रित बुम्राहले २ ओभरमा १६ रन खर्चेर २ विकेट लिएका छन्। राहुल चाहरले २ ओभरमा १५ रन खर्चेर २ विकेट लिएका छन्।

चेन्नाईले पावरप्लेको ६ ओभर भित्र ५ विकेट गुमाएको लिग इतिहासमै यो पहिलो पटक हो। लिग इतिहासमा यस अघि पावरप्लेमा सबैभन्दा बढी विकेट गुमाउने रेकर्ड केरला टस्कर्स कोचीको नाममा रहेको छ जसले डेक्कन चार्जर्स बिरुद्ध २०११ मा २९ रनमा ६ विकेट गुमाएको थियो। मुम्बई बिरुद्ध आज चेन्नाईले ६ ओभरमा २४ रन बनाएर ५ विकेट गुमाएको थियो।





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]