EPL : बिराटनगर बिरुद्ध अन्तिम बलमा चितवनको जित



चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिनको पहिलो खेलमा चितवन टाइगर्सले बिराटनगर वारियर्सलाई २ विकेटले पराजित गर्दै विजयी सुरुवात गरेको छ।

टियु मैदान कीर्तिपुरमा बिराटनगर वारियर्सले दिएको १५२ रनको लक्ष्य चितवन टाइगर्सले ८ विकेट गुमाएर अन्तिम बलमा भेटायो। चितवनको ब्याटिंगमा राजेश पुलामीले सर्वाधिक ४३ रन बनाए जुन क्रममा अविजित रहेका उनले ३९ बलमा २ चौका र २ छक्का प्रहार गरे। भिम शार्कीले ११ बलमा ५ चौका र १ छक्का मद्दतले ३० रन, दिलिप नाथले २३ रन तथा करिम जनतले १९ रन बनाए।

लक्ष्य पछ्याउने क्रममा चितवनका ओपनर मोहम्मद शाहजाद दोश्रो ओभरमा प्रतिश जिसीबाट विकेटपछाडी समातिए। त्यसपछि १० रन बनाएका इशान पाण्डेलाई सिकन्दर रजाले एलबिडब्लु पारे। त्यसपछि भिम शार्कीले आक्रामक सटहरु खेल्दै पावरप्लेको फाइदा उठाए। छैठौं ओभरमा शार्कीलाई करन केसीले विकेटपछाडी क्याच आउट गराए। राम्रो सुरुवात पाएपछि दिलिप नाथपनि नवौं ओभरमा सिकन्दर राजाबाट क्याच आउट भए। त्यसपछि राजेश पुलामीले करीम जनतसंग ३२ रनको साझेदारी गरे। १४ औं ओभरमा जनतलाई रायन पठानले क्याच आउट गराए। त्यसपछि पुलामी र कप्तान सोमपाल कामि बीच ३१ रनको साझेदारी भयो। १८ औं ओभरमा सोमपाललाई करन केसीले क्याच आउट गराएपछि सेक्कुगे प्रशन्ना रन आउट हुँदा चितवन दबाबमा आयो।

अन्तिम ओभरमा जित्न २ रन आवस्यक हुँदा देब्रे हाते स्पिनर अनिल खरेलले पहिलो बलमै कमल ऐरीलाई बोल्ड गरे। त्यसपछि दोश्रो बलमामा रन बनाउन नसकेका शाहब आलमले तेश्रो बलमा १ रन लिए। त्यसपछि राजेश पुलामीले लगातार २ बलमा रन बनाउन सकेनन्। अन्तिम बलमा १ रन आवस्यक हुँदा पुलामीले कभरमा चौका प्रहार गर्दै टिमलाई जित दिलाए।

बिराटनगरको बलिंगमा सिकन्दर राजा ( ४-०-३४-२ ) र करन केसी ( ४-०-३०-२ ) ले समान २ विकेट तथा प्रतिश जिसी ( ४-०-२१-१ ) , अनिल खरेल ( ३-०-१९-१ ) र रायन पठान ( ३-०-२१-१ ) ले समान १ विकेट लिए।

सिकन्दर राजाले अर्धशतक बनाए

यस अघि टस हारेर ब्याटिंग गरेको बिराटनगरले निर्धारित २० ओभरमा ९ विकेट क्षेतीमा १५१ रन बनाएको थियो।

बिराटनगरको लागि जिम्बाब्वेका ब्याट्सम्यान सिकन्दर रजाले सर्वाधिक ६७ रन बनाए जुन क्रममा २ चौका र ७ छक्का प्रहार गरे। यस्तै अनिल शाहले ३१ बलमा ३ चौका र १ छक्का मद्दतले ३२ रन बनाए। सौरभ खनालले अविजित ३० रन बनाए जुन क्रममा १९ बलमा ३ चौका र २ छक्का प्रहार गरे।

खराब सुरुवात गरेको चितवनले पहिलो ३ विकेट ९ रनको योगफलमै गुमाउन पुगेको थियो। पहिलो ओभरमै सोमपाल कामिले आसिफ शेख र रायन पठानको विकेट लिए भने लगत्तै ओभरमा चन्द्रपौल हेमराजलाई कमल ऐरीले बोल्ड गरे। तेश्रो विकेटको लागि सिकन्दर रजा र अनिल शाहले ६१ रनको महत्वपूर्ण साझेदारी गरे। एघारौं ओभरमा अनिललाई सगर ढकालले बोल्ड गर्दै साझेदारी तोडे। लगत्तै ओभरमा कप्तान करन केसीलाई शाहब आलमले विकेटपछाडी क्याच आउट गराए। त्यसपछि रजा र सौरभ खनालले ४७ रनको साझेदारी गरे। १८ औं ओभरमा राजालाई कमलले क्याच आउट गराए। त्यसपछि सौरभले अन्तिमसम्म ब्याटिंग गरेता पनि अन्य ब्याट्सम्यानले राम्रो साथ दिन सकेनन्। इनिंग्सको अन्तिम ५ ओभरमा बिराटनगरले ५२ रन बनाउन सक्यो।

चितवनको बलिंगमा करिम जनत ( ४-०-३२-२ ), कमल ऐरी ( ४-०-१९-२ ), सागर ढकाल ( ३-०-१४-२ ) र सोमपाल कामिले ( ४-०-३४-२ ) समान २ विकेट तथा र शाहब आलमले १ विकेट ( ४-०-३३-१ ) लिए।

खेलको प्लेयर अफ द म्याच चितवनका फस्ट बलर कमल सिंह ऐरी चुनिए।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]