EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य



चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको चितवन टाइगर्स प्रतिस्पर्धा गरिरहेका छन्।

टियु अन्तर्राष्ट्रिय मैदान किर्तिपुरमा टस हारेर ब्याटिंग गरेको बिराटनगरले निर्धारित २० ओभरमा ९ विकेट क्षेतीमा १५१ रन बनाउदै चितवनलाई १५२ रनको लक्ष्य प्रस्तुत गरेको छ।

बिराटनगरको लागि जिम्बाब्वेका ब्याट्सम्यान सिकन्दर रजाले सर्वाधिक ६७ रन बनाए जुन क्रममा २ चौका र ७ छक्का प्रहार गरे। यस्तै अनिल शाहले ३१ बलमा ३ चौका र १ छक्का मद्दतले ३२ रन बनाए। सौरभ खनालले अविजित ३० रन बनाए जुन क्रममा १९ बलमा ३ चौका र २ छक्का प्रहार गरे।

खराब सुरुवात गरेको चितवनले पहिलो ३ विकेट ९ रनको योगफलमै गुमाउन पुगेको थियो। पहिलो ओभरमै सोमपाल कामिले आसिफ शेख र रायन पठानको विकेट लिए भने लगत्तै ओभरमा चन्द्रपौल हेमराजलाई कमल ऐरीले बोल्ड गरे। तेश्रो विकेटको लागि सिकन्दर रजा र अनिल शाहले ६१ रनको महत्वपूर्ण साझेदारी गरे। एघारौं ओभरमा अनिललाई सगर ढकालले बोल्ड गर्दै साझेदारी तोडे। लगत्तै ओभरमा कप्तान करन केसीलाई शाहब आलमले विकेटपछाडी क्याच आउट गराए। त्यसपछि रजा र सौरभ खनालले ४७ रनको साझेदारी गरे। १८ औं ओभरमा राजालाई कमलले क्याच आउट गराए। त्यसपछि सौरभले अन्तिमसम्म ब्याटिंग गरेता पनि अन्य ब्याट्सम्यानले राम्रो साथ दिन सकेनन्। इनिंग्सको अन्तिम  ५ ओभरमा बिराटनगरले ५२ रन बनाउन सक्यो।

चितवनको बलिंगमा करिम जनत ( ४-०-३२-२ ), कमल ऐरी ( ४-०-१९-२ ), सागर ढकाल ( ३-०-१४-२ ) र सोमपाल कामिले ( ४-०-३४-२ ) समान २ विकेट तथा र शाहब आलमले १ विकेट ( ४-०-३३-१ ) लिए।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]