आफ्नै रेकर्ड तोड्दै इमरान ताहिरले स्याम करनसंग बनाए साझेदारीको नयाँ रेकर्ड



आईपीएल २०२० अन्तर्गत चेन्नाई र मुम्बई बीचको खेलमा चेन्नाई सुपर किंग्सका ब्याट्सम्यान स्याम करन र इमरान ताहिरले साझेदारीको नयाँ कीर्तिमान बनाएका छन्।

शारजाह मैदानमा टस हारेर ब्याटिंग गर्ने क्रममा चेन्नाईले २० ओभरमा ९ विकेट गुमाएर ११४ रन बनाएको थियो। अत्यन्त खराब सुरुवात गर्ने क्रममा एक समय ७१ रनमा ८ विकेट गुमाएको चेन्नाईलाई नवौं विकेटको लागि सातौँ नम्बरका ब्याट्सम्यान स्याम करन र दशौँ नम्बरका ब्याट्सम्यान इमरान ताहिरले ३१ बलमा ४३ रनको साझेदारी गर्दै सम्मानजनक योगफलसम्म पुर्याएका थिए। इनिंगको अन्तिम बलमा ट्रेन्ट बोल्टले करनलाई बोल्ड गर्दै साझेदारी तोडेका थिए।

स्याम करन र इमरान ताहिर बीचको ४३ रनको साझेदारी लिग इतिहासमै नवौं विकेटको लागि सबैभन्दा धेरै रनको साझेदारी हो। यस अघि यो रेकर्ड संयुक्त रुपमा महेन्द्र सिंह धोनी र रभीचन्द्रन आश्विन तथा ड्वेन ब्राभो र इमरान ताहिरको नाममा रहेको थियो जसले ४१ रनको साझेदारी गरेका थिए।

७ वर्ष अगाडी चेन्नाई कप्तान महेन्द्र सिंह धोनी र रभीचन्द्रन आश्विनले मुम्बई बिरुद्ध कोलकातामा नवौं विकेटको लागि ४१ रनको साझेदारी गरेका थिए। त्यतिनै रनको साझेदारी इमरान ताहिरले ड्वेन ब्राभोसंग २०१८ मा चेन्नाईको लागि खेल्दै मुम्बई बिरुद्ध गरेका थिए। लिगमा पहिलो पटक मौका पाएका लेग स्पिनर इमरान ताहिरले पहिलो खेलमा टिमको लागि ब्याटिंगबाट योगदान दिएका हुन् जुन क्रममा आफ्नै रेकर्ड तोडेका हुन्।

इनिंगमा चेन्नाईले बनाएको ११४ रनको योगफल कुनै ब्याट्सम्यानले अर्धशतक बनाएको अवस्थामा कुनै पनि टिमले आईपीएलमा बनाएको यो तेश्रो कम योगफल हो। सबैभन्दा कम सन् २०१६ मा बिराट कोहलीले अर्धशतक बनाउनुको बाबजुद बैंगलोरले पुने बिरुद्ध मात्र ९६ रन बनाउन सकेको थियो।  यस्तै दोश्रो कम, आन्द्रे रसेलले अर्धशतक बनाउनुको बाबजुद कोलकताले गत वर्ष चेन्नाई बिरुद्ध १०८ रन मात्र बनाउन सकेको थियो।

खेलमा चेन्नाईलाई सानो योगफलमा समेट्न मुम्बई फास्ट बलर ट्रेन्ट बोल्टले सर्वाधिक ४ विकेट लिने क्रममा ४ ओभरमा १ मेडन गर्दै १८ रन खर्चेका थिए। लिग करियरमै बोल्टको यो उत्कृस्ट बलिंग स्पेल हो भने ४ विकेट लिएको यो पहिलो अवसर हो। यस अघि बोल्टले सबैभन्दा उत्कृस्ट स्पेल पन्जाब बिरुद्ध २०१५ मा १९ रन खर्चेर ३ विकेट लिएका थिए।

बोल्टले घातक बलिंग गर्दा चेन्नाईले पावरप्लेको ६ ओभर भित्र ५ विकेट गुमाएको थियो। चेन्नाईले पावरप्ले भित्र ५ विकेट गुमाएको यो इतिहासमै पहिलो पटक हो। लिग इतिहासमा यस अघि पावरप्लेमा सबैभन्दा बढी विकेट गुमाउने रेकर्ड केरला टस्कर्स कोचीको नाममा रहेको छ जसले डेक्कन चार्जर्स बिरुद्ध २०११ मा २९ रनमा ६ विकेट गुमाएको थियो। मुम्बई बिरुद्ध आज चेन्नाईले ६ ओभरमा २४ रन बनाएर ५ विकेट गुमाएको थियो।

लज्जास्पद सुरुवातपछि चेन्नाईलाई स्याम करनले जोगाए, बोल्टको करियरकै उत्कृस्ट बलिंग

आईसीसीले राख्यो नेपालको क्रिकेट खेल्दै गरेको मनमोहक तस्विर

IPL : कोलकाताका फ्लप ५ खेलाडी जसलाई टिमले करोडौं खर्चेर किनेको थियो





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]