कमलसिंह ऐरी चम्कँदा सिवाइसी अत्तरियाको जित, रुपन्देही ९ विकेटले पराजित

CYC Attariya


विकेटनेपाल – चैत्र १८, आईतवार | धनगढी प्रिमियर लिगको दोस्रो दिनको पहिलो खेलमा सिवाइसी अत्तरियाले सहज जित दर्ता गरेको छ । प्रतियोगितामा पहिलो जित हात पार्ने क्रममा अत्तरियाले रुपन्देही च्यालेंजर्सलाई ९ विकेटले हरायो ।

स्कोरकार्ड

दिनको पहिलो खेलमा टस जित्दै पहिले बलिंग गरेको सिवाइसीले उत्कृस्ट बलिंग प्रदर्शन गरेको थियो । कमलसिंह ऐरीको सटिक बलिंगको जवाफ दिन विफल रहंदा रुपन्देही १५.२ ओभरमा मात्र ६१ रनमा समेटिएको थियो । रुपन्देहीको ब्याटिंगमा बिदेशी खेलाडी सुफ्यान मेहमुदले २० रन जोड्न बाहेक अन्य ब्याट्सम्यानले दोहोरो अंकमा रन जोड्न सकेका थिएनन् । दुवै ओपनर ब्याट्सम्यान प्रदिप ऐरी र सागर पुन क्रमश एक एक बल खेल्दै पभेलियन फर्किएका थिए ।

विकेटकिपरको भूमिकामा अत्तरियाका कप्तान सुबाश खकुरेल

रुपन्देहीको इनिंगलाई ध्वस्त पार्ने क्रममा सिवाइसीका कमलसिंह ऐरी एक्लैले ४ विकेट लिएका थिए । म्यान अफ दि म्याच बनेका ऐरीले आफ्नो ४ ओभरको स्पेलमा १५ रन खर्चेर ४ वोकेट चट्काएका थिए । यस्तै सुभान्कर उराओको नाममा ३ विकेट रह्यो ।

जवाफमा ६२ रनको सामान्य विजय लक्ष्य लिएर मैदान उत्रिएको सिवाइसीले आक्रमक सुरुवात गर्यो । ओपनर ब्याट्सम्यान तथा कप्तान सुबाश खकुरेलले जितेन्द्र मुखियाको बलमा आउटहुन अघि १३ बलमा १९ रन जोड्दै टोलिलाई ठोस् सुरुवात दिए । उनले रुपन्देहीका बलरको गल्तिको फाइदा उठाउंदै ४ चौका प्रहार गरे । पहिलो विकेटको पतनपछि मैदानमा आएका गौरभ चित्करले अविजित ३० रन जोड्दै सिवाइसीलाई जित दिलाए । बिक्रम भुसालको बलमा छक्का प्रहार गर्दै गौरभले सिवाइसीको जित पुरा गरेका थिए । यस्तै अर्का ओपनर प्रेम तामांगले भने अविजित १९ रन जोडे।

रुपन्देहीको बलिंगमा जितेन्द्र मुखियाले एक विकेट लिन बाहेक अन्य बलर सफल रहन सकेनन् । प्रतियोगिता अन्तर्गत आजनै हुने दिनको दोस्रो खेलमा पारस खड्काको कप्तानीमा रहेको बिराटनगर किंग्सले बिनोद भण्डारीको कप्तानीमा रहेको महेन्द्रनगर युनाइटेडको सामना गर्दैछ ।





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]