अत्तरियालाई अपराजित काठमाण्डौको ७६ रनको लक्ष्य



धनगढी प्रिमियर लिग अन्तर्गत लिग चरणको अन्तिम खेलमा काठमाण्डौ गोल्डेन्सले सिवाईसी अत्तरियालाई ७६ रनको लक्ष्य प्रस्तुत गरेको छ।

दुबै टिम यसअघि नै प्ले अफमा प्रवेश गरिसकेका छन्। जारि खेलले लिग चरणको समाप्तीमा पहिलो, दोश्रो र तेस्रो हुने टिमको छिनोफानो गर्ने छ। यसअघि नै महेन्द्रनगर चौथो स्थानमा रहँदै पहिलो इलिमिनेटरको लागि छनोट भएको छ।

जारि खेलमा जित निकाल्ने टिम अङ्क तालिकाको शिर्ष स्थानमा रहने छ। यदि अत्तरियाको रनरेट धेरै नै राम्रो रहेकोले फराकिलो अन्तरले पराजित हुन्छ भने रुपन्देही राम्रो रन रेटको आधारमा दोश्रो हुनेछ।

फाप्ला क्रिकेट मैदानमा ज्ञानेन्द्र मल्लले टस जितेपछी पहिले ब्याटिंग गर्ने निर्णय गरेका थिए। उसले निर्धारित २० ओभरमा सबै विकेट गुमाएर ७५ रन बनायो।

काठमाण्डौका अनिल शाह ६ रनको योगफलमा दोश्रो ओभरको अन्तिम बलमा भुवन कार्कीलाई रिभर्स स्विप हान्ने चक्करमा एज लागेर विकेट किपर कोल्सवालाको हातबाट क्याच आउट भएका थिए। उनले ५ रन बनाए।

६ रनको योगफलमा नै अर्का ओपनर गौरव तोमर सन्नी पटेलको बलमा १ रन बनाउंदै एलबिडब्ल्यु धरापमा परेका थिए। त्यसपछि कप्तान ज्ञानेन्द्र मल्ल र अंकित दबासले ९ ओभरको सामना गर्दै २५ रनको साझेदारी गरे। सोहि बिचमा सन्नी पटेलले ज्ञानेन्द्र मल्ललाई मेडन ओभर समेत गरेका थिए।

दबास अत्तरियाको किफायती बलिंगलाई रोक्नको लागि रामनरेश गिरिलाई ठुलो सट हान्न खोज्दा बोल्ड भए। उनले २० बलको सामना गर्दा १० रन बनाए। अघिल्लो बलमा बाउन्ड्रीलाइनमा सन्दिप जोराले उत्कृस्ट फिल्डिंग गर्दै ३ रन बछाएका थिए।

टिमको स्कोर ३७ रन रहेको बेला मेहबुब आलम पनि चौथो विकेटको रुपमा आउट भएका थिए। उनलाई दिपेन्द्र ऐरीले ड्राइभ हान्नको उक्साएका थिए जसमा एज लागेर बल ऐरीकै हातमा पुग्यो।

योगेन्द्र कार्कीले ज्ञानेन्द्र मल्लसँग २३ रनको साझेदारी गर्दा पन्ध्रौँ ओभरको चौथो बलमा छक्का, छैठौं ओभरमा चौका र मल्लले सोह्रौं ओभरको पहिलो ओभरमा चौका प्रहार गरेका थिए। तर सोह्रौं ओभरकै अन्तिम बलमा रामनरेश गिरिकै बलमा योगेन्द्र कार्की आउट भए। उनले १३ रन बनाए।

त्यसपछि सोनु तामांगपनि १ रनको व्यक्तिगत स्कोरमा रन आउट भए भने अठारौँ ओभरको पहिलो बलमा सन्नी पटेललाई चौका प्रहार गरेपछि चौथो बलमा ३२ रनमा रन आउट भए। ४९ बलमा २ चौका प्रहार गरेका उनलाई दिपेन्द्र ऐरीले २ रन लिन खोज्दा ऐरीले कभरको दिशाबाट सिधै स्टम्पमा हानेका थिए।

ज्ञानेन्द्र मल्ल ६९/७ को अवस्थामा आउट भएपछी अन्तिम १० बलमा मात्र ४ रन बन्दा प्याडल स्विप खेल्नेक्रममा बिशौं ओभरको तेस्रो बलमा नन्दन यादवको ब्याट र बलको कुनै कनेक्सन नहुँदा ऐरीको बलमा बोल्ड भए।

लगत्तै पाचौं बलमा ललित राजबंशी (शुन्य रन) स्टम्पिंग तथा अन्तिम बलमा सुर्य तामांग (२ रन) रन आउट भए।

बलिंगतर्फ कप्तान ऐरीले ३ विकेट लिन २ ओभरमा ४ रन खर्चे। काठमाण्डौलाई दबाबमा राख्न सन्नी पटेलले ४ ओभरमा २ मेडन राख्दै ८ रन दिएर १ विकेट लिए। रामनरेश गिरिले २ विकेट (४-०-२३-२) तथा भुवन कार्कीले १ विकेट लिए।





थप समाचार

न्याभ कप अस्ट्रेलिया : उपाधिको लागि एक्सपर्ट सगरमाथा र रोयल राईनोज बीच प्रतिस्पर्धा

अस्ट्रेलियाको प्रतिष्ठित नेपाली क्रिकेट लिग १६ औं संस्करणको नेपाल एसोसिएसन अफ भिक्टोरिया ( एनएभी ) कप प्रतियोगिताको आइतबार हुने फाइनलमा […]

सन्दिप लामिछाने पाकिस्तान सुपर लिग खेल्न आज पाकिस्तान जाँदै

नेपाली लेग स्पिनर सन्दिप लामिछाने पाकिस्तान सुपर लिग ( पीएसएल ) खेल्न पाकिस्तान प्रस्थान गर्ने भएका छन्। सन्दिप पाकिस्तानको कराचीमा […]

पीएसएल : रोमान्चक खेलमा पेशावरको जित, क्वेटाको अर्को हार

पाकिस्तान सुपर लिगमा सरफराज एहमद कप्तानीको टिम क्वेटा ग्ल्याडीएटर्सले लगातार तेश्रो खेलमा हार बेहोरेको छ। लिग अन्तर्गत शुक्रबार राति नेसनल […]

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]