मैत्रीपूर्ण सिरिज बराबरीमा टुंगियो



  • विकेटनेपाल, २१ साउन

डीएभी स्कुल र एपीआई स्कुल बीच आज भएको मैत्रीपूर्ण ३ खेलको सिरिज बराबरीमा टुंगिएको छ l

भ्यागुते प्रोडक्सनको आयोजनामा सम्पन्न सिरिजको पहिलो खेल डीएभी स्कुलले तथा दोश्रो खेल एपीआई स्कुलले जितेको थियो भने तेश्रो खेल भारि वर्षाको कारण रद्द भएपछि दुवै टिमले ट्रफी बाँडेका छन् l

एपीआई स्कुल धापासीमा सम्पन्न सिरिजको पहिलो खेलमा टस जितेर पहिलो ब्याटिंग गरेको डीएभी स्कुलले निर्धारित १२ ओभरको खेलमा ८ विकेट नोक्सानीमा १४८ रनको योगफल तयार पारेको थियो l डीएभीको लागि रीतिका सहाराले सर्बाधिक ४८ रन योगदान दिईन् भने डीएभी बलर रश्मि देबकोटाले ३ विकेट हात पारेकि थिईन् l

प्रतिउत्तरमा ब्याटिंग गरेको एपीआईले निर्धारित १२ ओभरमा २ विकेट गुमाई १३४ रन मात्रै बनाउन सकेको थियो l एपीआईको लागि निकिता यमादाले अविजित ६८ तथा खुसि डंगोलले अविजित ३१ रन योगदान दिईन् l

बिजेता ट्रफीसंग डीएभी र एपीआई स्कुल
बिजेता ट्रफीसंग एपीआई र डीएभी कप्तान

आजै सम्पन्न दोश्रो खेलमा एपीआईले टस जितेर फिल्डिंग रोजेको एपीआईले डीएभीलाई ७६ रनमै अलआउट गर्यो l एपीआई बलर खुसि डंगोलले ३ तथा पलिजा साहले २ विकेट हात पारिन् भने डीएभीको लागि सुदेश्ना सिंहले ३५ रन बनाईन् l

जवाफमा एपीआईले ७७ रनको लक्ष ८.५ ओभरमा ४ विकेट नोक्सानीमा पुरा गरेको थियो l खुसि डंगोलले अविजित १४ तथा आभा पण्डितले अविजित १३ रन बनाउदै टिमलाई सहज जित दिलाएका थिए l

तेश्रो खेल बर्षाको कारण पुरा हुन नपाएपछि दुवै टिमले ट्रफी बाँडे l सिरिजको प्लेयर अफ दि सिरिज खुसि डंगोल ( एपीआई ) घोषित भइन् l दिपक्षीय सिरिज अन्तर्गत आगामी साता डीएभी स्कुलमा दुवै बीच खेल हुने कार्यक्रम रहेको छ l

सिरिजको आयोजक भ्यागुते प्रोडक्सनका उपाध्यक्ष रबिन जोशीले आयोजनाले महिला क्रिकेटरहरुले एक्सपोजर पाएको र दुवै टिममा प्रतिभाशाली खेलाडीहरु देखापरेको जसमा आगामी दिनमा महिला क्रिकेटमा राम्रो गर्ने क्षमता रहेको विकेटनेपाललाई बताए l

 





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]