लिग चरणको अन्तिम खेलमा दिल्लीद्वारा राजस्थान सहजै पराजित



  • विकेटनेपाल, बैशाख २१ , शनिवार 

इन्डियन प्रिमियर लिग अन्तर्गत आफ्नो लिग चरणको अन्तिम खेलमा दिल्ली क्यापिटल्सले राजस्थान रोयल्सलाई ५ विकेटले पराजित गरेको छ।

जितसंगै दिल्ली आईपीएल अंकतालिकाको दोश्रो स्थानमा रहेको छ। १४ खेल खेल्दा दिल्लीले ९ खेलमा जित र ५ खेलमा हार बेहोर्दै १८ अंक बटुल्न सफल रह्यो। प्ले-अफ सम्भावना सकिएको राजस्थान अंकतालिकामा छैठौं स्थानमा ११ अंक सहित रहेको छ।

शिर्ष स्थानमा रहेको चेन्नाईको १३ खेलमा ९ जित र ४ हार सहित १८ अंक रहेको छ भने तेश्रो स्थानमा रहेको मुम्बईको १६ अंक रहेको छ। चेन्नाई, दिल्ली र मुम्बईले प्ले-अफ चरणमा स्थान बनाईसकेका छन् भने एक टिमको टुंगो लाग्न बाँकी छ।

अमित मिश्रा चम्किदा राजस्थानको कमजोर ब्याटिंग 

घरेलु मैदान फिरोज शाह कोटला मैदानमा टस जितेर ब्याटिंग गरेको राजस्थानले २० ओभरमा ९ विकेट गुमाएर ११५ रन मात्रै बनाउन सक्यो।

दिल्लीको लागि लेग स्पिनर अमित मिश्रा ( ४-०-१७-३ ) र इशान्त शर्मा ( ४-०-३८-३ ) ले ३/३ विकेट तथा ट्रेन्ट बोल्ट ( ४-०-२७-२ ) ले २ विकेट लिए। राजस्थानको लागि रियान पराग अर्धशतक बनाउनु बाहेक अन्य ब्याट्सम्यानले ठुलो योगदान दिन सकेनन्।  परागले ४९ बलमा ४ चौका र २ छक्का मदतले ५० रन बनाए।

निर्धारित लक्ष्य दिल्लीले १६.१ ओभरमा ५ विकेट गुमाएर पुरा गर्यो। रिशभ पन्तले अविजित ५३ रन बनाए पछि दिल्लीको जित सहज बन्यो। पन्तले ३८ बलमा ५ छक्का र २ चौका प्रहार गरे। शिखर धवनले १६, श्रेयस ऐयरले १५ रन बनाए।

राजस्थान बलर इश सोढ़ीले ३ तथा श्रेयस गोपालले २ विकेट लिए।

खेलको प्लेयर अफ द म्याच अमित मिश्रा चुनिए। खेलमा दिल्लीले सन्दिप लामिछानेलाई अन्तिम-११ मा समावेस गरेन।





थप समाचार

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]