कोलकाता बिरुद्ध दिल्लीको कीर्तिमानी योगफल



१३ औं आईपीएल अन्तर्गत १६ औं खेलमा दिल्ली क्यापिटल्स र कोलकाता नाइट राइडर्स प्रतिस्पर्धा गरिरहेका छन्।

शारजाह मैदानमा टस हारेर पहिले ब्याटिंग गरेको दिल्लीले निर्धारित २० ओभरमा ४ विकेट गुमाएर २२८ रन बनाउदै कोलकातालाई २२९ रनको लक्ष्य प्रस्तुत गरेको छ।

दिल्लीको लागि कप्तान श्रेयस ऐयरले सर्वाधिक ८८ रन बनाए जुन क्रममा मात्र ३८ बलमा ७ चौका र ६ छक्का प्रहार गरे। यती पृथ्वी शले ६६ रन ( ४१ बलमा ४ चौका र ४ छक्का ) , श्रेयस ऐयरले ३८ ( १७ बलमा ५ चौका र १ छक्का ) तथा शिखर धवनले २६ ( १६ बलमा २ चौका र २ छक्का ) बनाए।

दिल्लीको सुरुवात राम्रो रह्यो जुन क्रममा पृथ्वी श र शिखर धवनले ५६ रनको साझेदारी गरे। छैठौं ओभरमा धवन १६ बलमा २ चौका र २ छक्का मद्दतले २६ रन बनाएर वरुण चक्रवर्तीबाट क्याच आउट भए।

ओपनर पृथ्वी शले ६६ रन बनाए

दोश्रो विकेटको लागि पृथ्वी र कप्तान श्रेयस ऐयरले ७३ रनको साझेदारी गरे। १३ औं ओभरमा कमलेश नगरकोटीले पृथ्वीले क्याच आउट गराए जसअघि उनले ४१ बलमा ४ चौका र ४ छक्का मद्दतले ६६ रन बनाए। शले ३५ बलमा अर्धशतक पुरा गरेका थिए।

त्यसपछि पनि कप्तान ऐयरले एक किनार सम्हालीरहे र रिशभ पन्तसंग साझेदारी अघि बढाए जुन क्रममा तेश्रो विकेटको लागि ७२ रनको साझेदारी गरे।  १८ औं ओभरमा पन्तलाई आन्द्रे रसेलले क्याच आउट गरे जसअघि उनले १७ बलमा ५ चौका र १ छक्का मद्दतले ३८ रन बनाए। १९ औं ओभरमा मार्कस स्टोइनिस मात्र १ रन बनाएर आन्द्रे रसेलको दोश्रो शिकार बने। त्यसपछि श्रेयस ऐयर र शिमरन हेटमायर अविजित रहे।

कोलकाताको बलिंगमा आन्द्रे रसेलले सर्वाधिक २ विकेट लिए। अन्य सबै बलरले १० रन भन्दा बढी प्रतिओभर रन खर्चदा रसेलले ४ ओभरमा मात्र २९ रन खर्चिए। त्यस क्रममा उनले अन्तिम ओभरमा मात्र ७ रन खर्चिए। वरुण चक्रवर्ती ( ४-०-४९-१ ) र कमलेश नगरकोटी ( ३-०-३५-१ ) ले समान १ विकेट लिए। प्याट कमिन्स ( ४-०-४९-० ) , सुनिल नारायण ( २-०-२६-० ) , शिभम माभी ( ३-०-४०-० ) विकेटविहिन रहे।

श्रेयस ऐयरले अविजित ८८ रन बनाए

दिल्लीको नयाँ कीर्तिमान

लिग इतिहासमा दिल्लीले बनाएको यो दोश्रो ठूलो योगफल हो भने लिग इतिहासकै १३ औं ठूलो योगफल हो। यस अघि २०११ मा दिल्लीले पन्जाब बिरुद्ध २३१ रन बनाएको थियो जुन रेकर्ड तोड्न थोरैले असफल रह्यो। कोलकाता बिरुद्ध कुनै पनि टिमले बनाएको यो सबैभन्दा ठूलो योगफल हो। यस अघि कोलकाता बिरुद्ध सबैभन्दा ठूलो योगफल दिल्लीलेनै बनाएको थियो। २०१८ मा दिल्लीले कोलकाता बिरुद्ध २१९ रन बनाएको थियो।

खेलमा दिल्लीको अन्तिम-११मा रभीचन्द्रन आश्विनले पुनरागमन गरेका छन्। अमित मिश्रा अर्को स्पिनरको रुपमा टिममा रहंदा इशान्त शर्मा र  अक्षर पटेललाई बाहिर राखिएको छ। फास्ट बलर हर्षल पटेललाई मौका दिईएको छ।

दुवै टिमले समान ३ खेल खेल्दा २ जित र १ हार बेहोर्दै ४ अंक बटुलेका छन्। अंकतालिकामा दिल्ली तेश्रो तथा कोलकाता चौथो स्थानमा रहेको छ। आज सम्पन्न पहिलो खेलमा बैंगलोरले राजस्थान रोयल्सलाई ८ विकेटले पराजित गर्दै अंकतालिकाको शिर्षस्थानमा उक्लेको थियो।

IPL : कोहली फर्ममा फर्किदा बैंगलोरको तेश्रो जित, अंकतालिकाको शिर्ष स्थानमा

धोनीलाई लक्षित गर्दै पठानको व्यंग्यात्मक ट्वीट “कसैको लागि उमेर अंक मात्रै, अरुको लागि खेल छोड्ने कारण”

आईपीएल खेल्न युएई उडे स्टोक्स, को संग खेल्ने छन् पहिलो खेल

टि-२० क्रिकेट सुधार गर्न शेन वार्नले दिए ३ सुझाव



थप समाचार

एलपीएल : अफ्रिदी कप्तानीको ग्ल्याडीएटर्सको लगातार तेश्रो हार

लंका प्रिमियर लिग अन्तर्गत सोमबार राति सम्पन्न दिनको दोश्रो खेलमा कुशल परेरा कप्तानीको क्यान्डी टस्कर्सले शाहिद अफ्रिदी कप्तानीको गाल ग्ल्याडीएटर्सलाई […]

एलपीएल : जाफ्नाको जितमा कप्तान परेराको विस्फोटक इनिंग

कप्तान थिसारा परेराले शानदार अलराउण्ड प्रदर्शन गर्दा दाम्बुला भाइकिंगलाई ६६ रनले पराजित गर्दै जाफ्ना स्टालिएन्स लंका प्रिमियर लिग अंकतालिकामा शिर्ष […]

टि-ट्वान्टी सिरिजका लागि चोटिल वार्नरको प्रतिस्थापनमा शर्ट, कमिंसलाई विश्राम

अष्ट्रेलियाका बायाँ हाते ओपनर ब्याट्सम्यान डेविड वार्नर चोटका कारण भारत विरुद्धको अन्तिम एक दिवसीय तथा टि-ट्वान्टी अन्तर्राष्ट्रिय सिरिजबाट बाहिरिएका छन्। […]

प्रधानमन्त्री कप पुरुष र महिला राष्ट्रिय प्रतियोगिता पुष दोश्रो साता आयोजना हुने

नेपाल क्रिकेट संघले पुरुष र महिला प्रधानमन्त्री कप एकदिवसीय राष्ट्रिय क्रिकेट प्रतियोगिताको आयोजना गर्ने भएको छ। दुवै प्रतियोगिताको लागि खेलाडी छनौट […]

वर्षाका कारण न्युजिल्यान्ड र वेस्टइन्डिज बीचको तेश्रो टि२० नतिजाविहिन

वेस्टइन्डिजको न्युजिल्यान्ड भ्रमण अन्तर्गत तेश्रो तथा अन्तिम टि-२० वर्षाका कारण नतिजाविहिन टुंगिएको छ। बे ओभल मैदानमा टस हारेर ब्याटिंग गरेको […]

सन्दिप अस्पताल भर्ना, अवस्था सामान्य

कोरोना संक्रमण भएका क्रिकेटर सन्दिप लामिछाने अस्पताल भर्ना भएका छन्। घरमै सेल्फ आइसोलेसनमा बसीरहेका उनि थोरै कमजोरी महसुस भए पछि […]