IPL Match2 : दिल्ली पहिले ब्याटिंग गर्दै , सन्दिप छैनन् अन्तिम-११ मा



१३ औं आईपीएल टि-२० दोश्रो दिन लिगको दोश्रो खेलमा श्रेयस ऐयर कप्तानीको दिल्ली क्यापिटल्स र केएल राहुल कप्तानीको किंग्स-११ पन्जाब प्रतिस्पर्धा गर्दैछन्। लिग अन्तर्गत पहिलो खेलमा शनिवार राति डिफेन्डिङ च्याम्पियन मुम्बईलाई चेन्नाईले ५ विकेटले पराजित गरेको थियो। युएईको दुबई स्थित दुबई अन्तर्राष्ट्रिय क्रिकेट स्टेडियममा हुने खेल नेपाली समय राति ७:४५ बजे सुरु हुनेछ।

खेलमा किंग्स-११ पन्जाबले टस जितेर दिल्लीलाई ब्याटिंगको निम्तो दिएको छ।

दिल्लीले नेपाली स्पिनर सन्दिपलाई अन्तिम-११ मा स्थान दिएन। उसले ४ विदेशी खेलाडीको रुपमा शिमरन हेटमायर, कागीसो रबाडा, मार्कस स्टोइनिस र एनरिक नोर्कियालाई स्थान दिएको छ। स्पिनरको रुपमा टिमले अक्षर पटेल र रभीचन्द्रन आश्विनलाई स्थान दिएको छ भने दुवै लेग स्पिनर सन्दिप लामिछाने र अमित मिश्रालाई बाहिर राखेको छ। खेल अघि अभ्यासको क्रममा घाइते भएपछि इशान्त शर्मा खेलबाट बाहिर भएका छन् जसको स्थानमा मोहित शर्माले स्थान बनाएका छन्।


दिल्लीको अन्तिम ११ : श्रेयस ऐयर ( कप्तान ) , पृथ्वी शा, रिशभ पन्त, शिखर धवन, रभीचन्द्रन आश्विन, अक्षर पटेल, मोहित शर्मा, शिमरन हेटमायर, कागीसो रबाडा, मार्कस स्टोइनिस र एनरिक नोर्किया

पन्जाबले अन्तिम-११ मा क्रिस गेललाई बाहिर राखेको छ। यु-१९ विश्वकपमा उत्कृस्ट प्रदर्शन गरेका लेग स्पिनर रभी बिस्नोइलाई उसले मौका दिएको छ।

पन्जाबको अन्तिम ११ : केएल राहुल ( कप्तान ) , मायाँक अग्रवाल, करुण नायर, सरफराज खान,  ग्लेन म्याक्सवेल , शेल्डन कटरेल, क्रिस जोर्डन, निकोलस पुरन, क्रिश्नप्पा गोथम, रभी बिस्नोइ, मोहम्मद शामी

२०१८ मा दिल्लीले अक्सनमार्फत सन्दिपलाई २० लाख भारतीय रुपैयाँमा टिममा अनुबन्ध गरेको थियो। त्यसपछि पहिलो सिजन ३ खेल तथा दोश्रो सिजन नेपाली स्पिनरले ६ खेलमा अन्तिम-११ मा मौका पाएका थिए। ९ खेलमा सन्दिपले कुल १३ विकेट लिएका छन्।

लिगको उपाधि हालसम्म जित्न नसकेको दिल्ली र पन्जाब यो सिजन पहिलो उपाधि जित्ने लक्ष्य सहित सुरुवाती खेल जित्दै लय प्राप्त गर्न चाहन्छ। गत सिजन दिल्ली दोश्रो क्वालीफायरमा चेन्नाईसंग पराजित भएको थियो। पन्जाब भने लिग चरणमा छैठौं स्थानमा रहेपछि प्लेअफ पुग्न असफल रहेको थियो। गत सिजन दिल्लीले पन्जाबलाई १ खेलमा पराजित गरेको थियो भने १ खेलमा पराजित भएको थियो।

हेड टु हेड नतिजा : लिग इतिहासमा दिल्ली र पन्जाबले एकअर्का बिरुद्ध हालसम्म कुल २४ खेल खेलेका छन्। त्यस मध्ये पन्जाबले १४ खेलमा जित हात पारेको छ भने दिल्लीले १० खेल जित हात पारेको छ। अन्तिम ५ खेल मध्ये पन्जाबले ४ खेल जितेको छ।

यो पनि पढ्नुस :-

IPL Match 2 : दिल्ली र पन्जाबको बलियो र कमजोर पक्ष

अधिकांश ठूला भारतीय मिडियाको सम्भावित-११ मा सन्दिप, मिश्रा बाहिर

पहिलो खेल अघि दिल्लीलाई झट्का, इशान्त नखेल्ने सम्भावना

IPL 2020 : भेट्रान स्पिनर मिश्राले बनाउन सक्छन् ३ रेकर्ड





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]