डिसीए पहिलो खेलमा पराजित : मुम्बई टुर



  • मुम्बई, ६ कार्तिक ।

मुम्बई टुरमा रहेको धनगढी क्रिकेट एकेडेमी (डीसीए) को १७ वर्षमुनीको टोली मंगलवार आफ्नो पहिलो मैत्रीपूर्ण खेलमा पराजित भएको छ।
स्थानीय स्टार सीसी क्लबले डीसीएलाई नौ विकेटले पराजित गरेको हो।

मुम्बईकोआजाद मैदानमा टस हारेर पहिले ब्याटिङ्गको निम्तो पाएको डीसीएले ४० ओभरको खेलमा ३६ ओभरमा अलआउट हुँदै एक सय पाँच रन बनाएको थियो ।

डीसीएका लागि रोहन विकले सर्वाधिक ३५ रन बनाए। कप्तान सुवोध ऐरले १६, सक्षम पार्कीले १५ सन्दिप आउजीले ८ रनको योगदान गरे। त्यस्तै, किरन नाथले ३ र निशान पन्तले १ रन जोडे। डीसीएका चार जना खेलाडी खाता नखोल्दै पवेलियन फर्केका थिए।

डीसीएलाई धेरै रन बनाउनबाट रोक्ने क्रममा स्टार सीसीका लेग स्पीनर लक्षले सर्वाधिक पाँच विकेट लिए। त्यस्तै, सुभम र अङ्कितले दुई/दुई विकेट हात पारे।

एक सय ६ रनको लक्ष्य पछ्याउन मैदानमा उत्रेको स्टार सीसीले १० दशमलव ३ ओभरमा एक विकेट गुमाएर सजिलै लक्ष्य पूरा गर्यो। उसको जितमा प्राम्भिक ब्याट्सम्यान तस्यमले अर्धशतक पूरा गर्दै अविजित ५८ रन बनाए। अर्का ओपनर रोहित काम्लीले ३० र तेस्रो नम्बरमा ब्याटिङ्ग गरेका मयुरेशले नटआउट ८ रनको योगदान दिए।

बलिङ्ग गर्दै सोनु मण्डलले डीसीएलाई एक विकेटको सफलता दिलाए। दुई ओभर बलिङ्ग गरेका उनले मात्र १३ रन खर्चे। तीन ओभर बलिङ्ग गर्दै निशान पन्तले सर्वाधिक ३३ रन खर्चे पनि कुनै विकेट हात पार्न सकेनन्। त्यस्तै, ३० रन खर्चेका कुश मल्ल र १७ रन खर्चेका विनोद विष्ट पनि विकेटबिहीन बने। तीन बल फालेका राजन लोहनीले १० रन खर्चे।

प्रतिद्वन्दी राम्रो र बलियो रहेकाले डीसीएका खेलाडीहरुले राम्रो सिक्ने अवसर पाएको प्रशिक्षक दीपेन्द्र चौधरीले बताए। ‘यसबाट हामीले अरु खेलमा राम्रो प्रदर्शन गर्ने अपेक्षा गरेका छौं’ उनले भने।

१० दिनसम्मको लागि मुम्बई टुरमा आएको डीसीए टोलीले यहाँको विभिन्न क्लबसंग अझै ६ वटा एकदिवसीय खेल खेल्नेछ। नियमित प्रशिक्षण गरिरहेका खेलाडीहरुलाई थप ‘एक्सपोजर’ दिनका लागि मुम्बई टुरमा ल्याएको धनगढी क्रिकेट एकेडेमीका अध्यक्ष सुवाश शाहीले बताए। ‘यसले हाम्रो खेलाडीहरुमा निखारपना आउनेछ’, उनले भने।

फोटो : अविनाश चौधरी





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]