धनगढी क्रिकेट एकेडेमीलाई सगरमाथा सिमेन्टको प्रायोजन



धनगढी क्रिकेट एकेडेमीको स्तरोन्नतरु र ग्रासरुट क्रिकेटको विकासमा सगरमाथा सिमेन्टले साथ दिने भएको छ । यसअघि धनगढी क्रिकेट लिगको प्रायोजक समेत रहेको सगरमाथा सिमेन्टले अब एकेडेमीलाई पनि साथ दिने भएको छ ।

सगरमाथा सिमेन्ट र धनगढी क्रिकेट एकेडेमीवच तीन बर्षका लागि प्रायोजन सम्झौतामा हस्ताक्षर भएको छ । घोराही सिमेन्ट इन्डिष्ट्रिका तर्फबाट मार्केटिङ प्रमुख प्रतिक अधिकारी र एकेडेमीका अध्यक्ष सुवास शाहीबीच बुधबार सम्झौतापत्रमा हस्ताक्षर भएको छ ।

सम्झौता अनुसार तीनवर्षका लागि धनगढी क्रिकेट एकेडेमीलाई आवश्यक पर्ने खेल सामाग्री, आयोजना गर्ने प्रतियोगिता, ग्रास रुट कार्यक्रम, लगायत सम्पूर्ण कार्यलाई सगरमाथा सिमेन्टले सहयोग गर्नेछ । धनगढी क्रिकेट एकेडेमीले प्रयोग गर्ने जर्सी, आयोजना गर्ने प्रतियोगितामा सिमेन्टको लोगो प्रयोग गर्नेछ ।

सम्झौता पछि सगरमाथा सिमेन्टका तर्फबाट मार्केटिङ प्रमुख प्रतिक अधिकारीले भने ‘धनगढी क्रिकेट एकेडेमीसँग हाम्रो लामो सहकार्य रहँदै आएको छ । विगतमा पनि हामीले धनगढी क्रिकेट लिग हुँदै धनगढी प्रिमियर लिगलाई पनि मुख्य प्रायोजन गरिसकेका छौं ।

नेपाली क्रिकेटको विकासका लागि प्रतिबद्ध हाम्रो कम्पनीले यसपटक एकेडेमीमार्फत ग्रासरुट क्रिकेटको विकासमा योगदान गर्ने निर्णय गरेको छ । पुनः एकपटक धनगढी क्रिकेट एकेडेमीसँग सहकार्य गर्न पाउँदा हामी खुशी छौं । विगत झै आगामी दिनमा पनि हामी क्रिकेटको शहर धनगढी र नेपाली क्रिकेटमा योगदान पुर्याउँने नै छौं।’

एकेडेमीका अध्यक्ष सुवास साहीले सम्झाैताका बारेमा बाेल्दै भने ‘ग्रासरुट क्रिकेटको विकासमा सगरमाथा सिमेन्टको प्रवेशले नेपाली क्रिकेटको प्रवद्र्धनमा ठूलो भूमिका खेल्नेछ । पुनः एकपटक सहकार्यका लागि कम्पनीलाई धेरै धेरै धन्यवाद दिन चाहान्छौं । धनगढीलाई क्रिकेटका शहरका रुपमा चिनाउँन र यहाँ देशकै पहिलो फ्रेन्चाइजी क्रिकेट प्रतियोगिता आयोजना गर्न सगरमाथा सिमेन्टको प्रमुख हात रहेको छ ।

एकेडेमीसँगको नयाँ सहकार्यले आगामी दिनमा देशको प्रतिनिधित्व गर्ने खेलाडी उत्पादनमा विशेष भूमिका खेल्नेमा विश्वस्त छौं । कम्पनीको सहयोगले यहाँको क्रिकेटमात्रै नभई खेल पर्यटन पर्वधन र समग्र सुदूरपश्चिमको विकासमा भूमिका खेल्ने विश्वास लिएका छौं । यस्तै कम्पनीले धनगढीमा निर्माण हुने फाप्ला अन्तर्राष्ट्रिय क्रिकेट रंगशाला निर्माण अभियानमा समेत सघाउँने प्रतिबद्धता जनाउँदा हामी उत्साहित भएका छौं ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]