रिशभ पन्तको आक्रामक इनिंग, रोमान्चक खेलमा दिल्लीको जित, दोश्रो क्वालीफायरमा चेन्नाईसंग भेट पक्का



  • विकेटनेपाल, बैशाख-२५ 

सनराइजर्स हैदरावादलाई २ विकेटले पराजित गर्दै दिल्ली क्यापिटल्सले आईपीएलको दोश्रो क्वालीफायरमा चेन्नाईसंगको भेट पक्का गरेको छ।

दोश्रो क्वालीफायर शुक्रवार दिल्ली र चेन्नाई बीच खेलिनेछ जसको विजेताले आइतबार हुने फाइनलमा मुम्बई इन्डियन्ससंग उपाधिको लागि खेल्नेछ। पहिलो क्वालिफायरमा चेन्नाईलाई पराजित गर्दै मुम्बई फाइनल प्रवेश गरिसकेको छ।

खेलमा पहिले ब्याटिंग गर्दै हैदरावादले दिएको १६३ रनको लक्ष्य दिल्लीले ८ विकेट गुमाएर १९.५ ओभरमा पुरा गर्यो।

१६३ रनको लक्ष्य पछ्याउने क्रममा दिल्लीले राम्रो सुरुवात गर्यो। ओपनर प्रिथ्भी शाले अर्धशतक बनाउदा पहिलो विकेटको लागि धवनसंग ६६ रनको साझेदारी गरे। धवनले १७ रन बनाए।

पहिलो विकेटको रुपमा धवन आउट भएपछि कप्तान श्रेयस ऐयर पनि ८ रन बनाएर पेभेलियन फर्किए। प्रिथ्भी शा पनि ५६ रन बनाएर ११ औं ओभरमा आउट भए। ३८ बलमा शाले ६ चौका र २ छक्का प्रहार गरे।

दिल्लीको विकेट जाने क्रम रोकिएन। कोलिन मुनरो १४ तथा अक्षर पटेल खाता नखोली आउट भए।

रिशभ पन्तले एक किनार सम्हाल्दै दिल्लीको आशा जोगाई राखे।

रन र बलको अन्तर बढीरहेको बेला पन्तले १८ औं ओभरमा बासील थम्पीको एकै ओभरमा २ छक्का र २ चौका प्रहार गर्दै दिल्लीलाई जित नजिक पुर्याए।

२१ बलमा ५ छक्का र २ चौका प्रहार गरेपछि १९ औं ओभरमा रिशभ पन्त ४९ रन बनाएर आउट हुन पुगे। त्यस बेला दिल्लीलाई जित्न ७ बलमा ५ रन आवस्यक थियो। अन्तिम बलमा रन नदिंदा दिल्लीलाई अन्तिम ओभरमा जित्न ५ रन आवस्यक रह्यो।

रोमान्चक रह्यो अन्तिम ओभर

अन्तिम ओभरमा दुवै नयाँ ब्याट्सम्यान केमो पौल र अमित मिश्रा क्रिजमा थिए भने बलिंगमा यस अघि २ विकेट ( २-०-१७-२ ) लिएका खलिल एहमद आए।

पहिलो बल :- खलिलले पहिलो बल वाइड गरे
दोश्रो बल :- दोश्रो बलमा अमित मिश्राले थर्डम्यान तर्फ १ रन लिन सफल भए
दोश्रो बल :- दोश्रो बलमा केमो पौलले रन बनाउन सकेनन् , अब जित्न ३ बलमा २ रन आवस्यक रह्यो
तेश्रो बल :- मिश्राले रन लिने क्रममा बलरले थ्रो गरेको बललाई छेक्न पुग्दा उनि अब्स्ट्रकिङ्ग द फिल्डको रुपमा आउट भए


चौथो बल :- केमो पौलले चौका प्रहार गर्दै दिल्लीलाई जित दिलाए

केमो पौल ५ रन बनाएर अविजित रहे जसले ४ बलमा १ चौका प्रहार गरे।

हैदरवाद बलर भुवनेश्वर कुमार ( ४-०-४२-२ ) , खलिल एहमद ( २.५-०-२४-२ ) र राशिद खान ( ४-१-१५-२ ) ले २/२ विकेट लिए पनि जितको लागि पर्याप्त रहेन।

हैदरावादको ब्याटिंग 

यस अघि टस हारेर ब्याटिंग गरेको हैदरावादले २० ओभरमा ८ विकेट गुमाएर १६२ रनको योगफल तयार गरेको थियो।

हैदरावादको लागि मार्टिन गुप्टिलले सर्वाधिक ३६, मनिष पाण्डेले ३०, कप्तान केन विलियमसनले २८, विजय शंकरले २५ र मोहम्मद नबिले २० रन बनाए।

दिल्ली बलर केमो पौलले ३ विकेट ( ४-०-३२-३ ) तथा इशान्त शर्माले २ ( ४-०-३४-२ ) विकेट लिएका थिए। ट्रेन्ट बोल्ट ( ३-०-३७-१ ) र अमित मिश्रा ( ४-०-१६-१ ) ले १/१ विकेट लिए।

 





थप समाचार

आईपीएल २०२१ : सन्दिपलाई दिल्लीले गर्यो रिलिज

इन्डियन प्रिमियर लिग ( आईपीएल ) को टिम दिल्ली क्यापिटल्सले आईपीएल २०२१ को अक्सन सुरु हुन १ महिना भन्दा कम […]

प्रम कप : आर्मीको लगातार तेश्रो जित

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘ए’ अन्तर्गतको खेलमा त्रिभुवन आर्मी क्लबले प्रदेश-१ लाई ४ […]

प्रम कप : पुलिसको उत्कृस्ट पुनरागमन, सुदूरपश्चिम सहजै पराजित

पहिलो खेलमा बागमती प्रदेशसंग स्तब्ध बनेको डिफेन्डिङ च्याम्पियन नेपाल पुलिस क्लबले दोश्रो खेलमा उत्कृस्ट पुनरागमन गर्ने क्रममा सुदूरपश्चिम प्रदेशलाई ९ […]

आर्मीसंग प्रदेश-१ को कमजोर ब्याटिंग, १३१ मै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको मुलपानी मैदानमा जारी खेलमा  प्रदेश-१ र त्रिभुवन आर्मी क्लब […]

पुलिसद्वारा सुदूरपश्चिम ११० रनमै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको खेलमा डिफेन्डिङ च्याम्पियन टिम नेपाल पुलिस क्लब र सुदूरपश्चिम […]

बिग ब्यास : पर्थद्वारा ब्रिसबेन फराकिलो अन्तरले पराजित

अष्ट्रेलियामा जारि १० औं संस्करणको बिग ब्यास लिग अन्तर्गत मंगलबार सम्पन्न ४४ औं खेलमा एश्टन टर्नर कप्तानीको पर्थ स्कर्चर्सले क्रिस […]