डि भिल्लियर्सले दिलाए बैंगलोरलाई लगातार तेस्रो जित



  • विकेटनेपाल, बैशाख १२ – बिहिबार

इन्डियन प्रिमियर लिग अन्तर्गत गएराती भएको खेलमा रोयल च्यालेंजर्स बैंगलोरले किंग्स ईलेभेन पन्जाबलाई १७ रनले पराजित गरेको छ। जितसँगै ११ खेलबाट ८ अंक बनाएको बैंगलोर अंक तालिकाको सातौँ स्थानमा उक्लेको छ। पराजित भएपछी पन्जाब भने समान ११ खेलबाट नै १० अंक सहित पाचौं स्थानमा यथावत छ।

Image

बैंगलोरको चिन्नास्वामी मैदानमा भएको खेलमा घरेलु टिमले दिएको २०३ रनको लक्ष्य पछ्याएको पन्जाबले निर्धारित २० ओभर खेल्दै ७ विकेट गुमाएर १८५ रन मात्र बनाउन सक्यो।

उसका लागि ओपनर क्रिस गेलले पहिलो विकेटको रुपमा आउट हुनुअघि लोकेश राहुलसँग मिलेर ३.२ ओभरमा ४२ रनको साझेदारी गरे। गेलले आक्रामक २३ रन (१० बल, ४ चौका, १ छक्का) बनाए। त्यसपछि दोश्रो विकेटको मयंक अग्रवालले ३५ रन (२१ बल, ५ चौका, १ छक्का) बनाउंदै राहुलसँग ५९ रनको साझेदारी गरे। मयंक ९.१ ओभरमा आउट हुँदा राहुल पनि ४२ रन (२७ बल, ७ चौका, १ छक्का) को आक्रामक पारि खेल्दै १०.१ ओभरमा आउट भए।

Image

त्यसपछि डेविड मिलर र निकोलस पुरणले ८ ओभरमा ६८ रनको साझेदारी गरे। मिलरले तिब्र गतिमा रन बनाउन नसक्दा २५ बलको सामना गर्दै २ चौका सहित मात्र २४ रन बनाए। त्यसको ५ बल पछी नै निकोलस पुरणपनि ४६ रन (२८ बल, १ चौका, ५ छक्का) बनाएर पेभेलियन फर्किए।

अन्तिम ३ ओभरमा पन्जाबलाई जितको लागि ३६ रनको आवश्यकता रहेको थियो। तर उमेश यादव र नवदीप सैनीले मात्र १८ रन खर्चिएपछि पन्जाब पराजित भयो।

Image

बलिंगतर्फ उमेश यादवले ३ विकेट लिन ४ ओभरमा ३६ रन खर्चिंदा नवदीप सैनीले २ विकेट लिन ४ ओभरमा नै ३३ रन खर्चिए। स्टनोइस र मोइन अलिले समान १/१ विकेट लिए।

Image

बैंगलोरको घरेलु मैदान चिन्नस्वामीमा टस हारेर ब्याटिंग गरेको बैंगलोरका कप्तान बिराट कोहली छिट्टै आउट भए। चौथो ओभरमा कोहलीलाई मोहम्मद शामीले क्याच आउट गराए जसले १३ रन बनाएका थिए।

दोश्रो विकेटको लागि ओपनर पार्थिभ पटेल र एबि डी भिल्लर्सले ३६ रनको साझेदारी गरे। पर्थिभ ४३ रन बनाए आउट भए जस अघि २४ बलमा ७ चौका र २ छक्का प्रहार गरे। लगत्तै मोइन अलि पनि ४ रन बनाएर आश्विनको बलमा बोल्ड भए भने अक्षदिप नाथ पनि ३ रन बनाएर आउट भए।

९ ओभरमा ८१/४ को अवस्थामा पुगेको बैंगलोरलाई त्यसपछि डी भिल्लर्स र मार्कस स्टोइनीसले सम्हाले। दुवैले विस्फोटक इनिंग खेल्ने क्रममा अविजित इनिंग खेल्दै बैंगलोरको योगफल २०० पार गराए।

प्लेयर अफ द म्याच घोषित डी भिल्लर्सले अविजित ८२ रन बनाए जुन क्रममा ४४ बलमा ७ छक्का र ३ चौका प्रहार गरे। स्टोइनिसले ३४ बलमा २ चौका र ३ छक्का मदतले अविजित ४६ रन बनाए। दुई ब्याट्सम्यानले पाँचौ विकेटको लागि ११ ओभरमा १२१ रनको साझेदारी गरे।

भिल्जोइनले गरेको इनिंगको अन्तिम ओभरमा डी भिल्लीलर्स र स्टोइनिसले २७ रन बनाए। ओभरमा स्टोइनिसले ३ र डी  भिल्लीलर्सले १ छक्का प्रहार गरे। यस्तै १९ औं ओभरमा भिल्लीलर्सले मोहम्मद शामीलाई लगातार ३ छक्का प्रहार गरेका थिए।

पन्जाब बलर मोहम्मद शामी ( ४-०-५३-१ ) , मुरुगन आश्विन ( ४-०-३१-१ ) , रभीचन्द्रन आश्विन ( ४-०-१५-१ ) र हार्दुस भिलजोन ( ४-०-५१-१ ) ले १/१ विकेट लिए।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]