सन्दिपको बिषयमा आपत्तिजनक अभिव्यक्ति दिंदा डीन जोन्स बिबादमा



  • विकेटनेपाल – असार १९, मंगलवार

क्यानडामा जारी ग्लोबल टि-२० क्रिकेट प्रतियोगितामा सन्दिप लामिछानेले आफ्नो दोस्रो खेलमा उत्कृस्ट प्रदर्शन गर्दै गर्दा उनको बिषयमा आपत्तिजनक प्रतिक्रिया दिंदा अष्ट्रेलियायी कमेन्टटेटर डीन जोन्स भने बिबादमा मुछिएका छन्।

मोन्टरियल टाइगर्सका र भेनकोभर नाइट्सबिरुद्दको खेलका दौरान सन्दिपले उत्कृस्ट बलिंग प्रदर्शन गर्दै आफ्नो ४ ओभरको स्पेलमा १ मेडनसहित १९ रन खर्चेर १ विकेट हातपारे। आफ्नो बलिंगको अन्तिम ओभरका क्रममा सन्दिपको गुग्लीले ब्याट्सम्यानलाई चक्मा दिएपछि डीन जोन्सले अन एयर कमेन्ट्रिकै क्रममा उनको बिषयमा आपत्तिजनक प्रतिक्रिया दिनपुगेका थिए।

जोन्सले भने, “उनी नेपालबाट खेल्दैछन् र १७ बर्षको उमेरमा यतिहुनु धेरै राम्रो हो तर म भन्छु कि किन कुनै टेस्ट खेल्ने राष्ट्रले सन्दिपलाई धेरै पैसा दिएर आफ्नो देशबाट खेल्न लगाउंदैनन्?”

डीन जोन्सको यस अभिव्यक्ति पछि नेपाली र केहि बिदेशी समर्थक समेत आक्रोशित बनेका छन्। विश्व क्रिकेटमा यसअघि धेरै खेलाडीहरुले दुई राष्ट्रको लागि खेलिसकेको उदाहरण रहेको छ। ओएन मोर्गन (आयरल्याण्ड र इंग्ल्याण्ड), लुक रोञ्चि (अष्ट्रेलिया र न्युजिल्यान्ड), मार्क च्यापम्यान (हंगकंग र न्युजिल्यान्ड) जस्ता खेलाडीहरुले दुईवटा देशबाट खेलिसकेका छन्।

अष्ट्रेलियाका पुर्व खेलाडी डीन जोन्स लामो समयदेखि क्रिकेट कमेन्ट्रि र विश्लेषणमा आबद्ध छन्। विश्वकै ठुला प्रतियोगिताहरु आइपिएल, पीएसएल र अन्य अन्तर्राष्ट्रिय खेलहरुमा कमेन्ट्रि गर्दै आएका जोन्स यसअघि पनि एक विवादमा मुछिएका थिए। सन् २००६ मा कोलम्बोमा सम्पन्न श्रीलंका र दक्षिण अफ्रिका बिचको टेस्ट क्रिकेटको कमेन्ट्रिका क्रममा दक्षिण अफ्रिकी ब्याट्सम्यान हाशिम अम्लालाई आतंककारी भनेपछि जोन्सलाई टेन स्पोर्ट्स च्यानलले कमेन्ट्रि प्यानलबाट बर्खास्त गरेको थियो।





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]