रुपन्देही सुपर लिग: बिकाश श्रेष्ठको ५ विकेटमा देवदह सेमिफाइनलमा



भैरहवामा जारी नेपाल टेलिकम रुपन्देही सुपर लिग क्रिकेट प्रतियोगितामा लिग चरण अन्तर्गत सोमबार भएको समूह (बि) को खेलमा देवदह क्रिकेट युनिट देवदहले साई ग्लोबल क्रिकेट क्लब भैरहवालाई ६१ रनले पराजित गर्दै सेमिफाइनल प्रवेश गरेको छ । हारसँगै साई ग्लोबल भने रेलिगेशनमा परी डिभिजन ‘बि’ मा घटुवा भएको छ ।

स्थानीय सिद्धार्थ रंगशालामा टस जितेर पहिला ब्याटिङ गरेको देवदहले निर्धारित ५० ओभरको खेलमा ३० ओभर ५ बल खेल्दै सबै विकेटको क्षतिमा १ सय २२ रनको योगफल तयार गरेको थियो । उसका लागि हरिबहादुर चौहानले १८ र राजेश लम्सालले १५ रनको योगदान दिए । उसले अतिरिक्त २४ रन पायो । बलिङमा साई ग्लोबलका दुर्गेश कुर्मीले ५ तथा इमरान पठानले ३ विकेट लिए ।

प्रतिउत्तरमा १ सय २३ रनको सामान्य लक्ष्य पाएको साई ग्लोबलले २३ ओभरमा सबै विकेट गुमाई जम्मा ६८ रन मात्रै बनाउन सक्यो । उसका लागि आशुतोष पासवानले २४ र इमरान पठानले १७ रन बनाए पनि अन्य ब्याट्सम्यानले दोहोरो अंक जोड्न नसक्दा टिमले लक्ष्य भेट्टाउन सकेन र हार व्यहोर्यो । उसलाई सस्तैमा समेट्ने क्रममा बलिङमा म्यान अफ द म्याच समेत रहेका देवदहका विकाश श्रेष्ठले ५ विकेट लिए । यस्तै हरिबहादुर चौहानले २ विकेट लिए ।

मंगलबार समूह (सि) मा रहेका एपेक्स तिरुपति क्रिकेट क्लब भैरहवा र न्यू होराइजन क्रिकेट क्लब बुटवलबीच प्रतिस्पर्धा हुने छ । प्रतियोगितामा विजेता क्लबले नगद ७० हजार प्राप्त गर्ने छ भने उपविजेताले नगद ३५ हजार प्राप्त गर्ने छ । यस्तै उत्कृष्ट खेलाडीले १० हजार, बेष्ट बलर र बेष्ट ब्याट्स म्यानले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् । प्रतियोगिता फागुन २६ गतेसम्म चल्ने छ ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]